Hechos 3:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca ỹaatqajam 'xoic na le'laxa chaqai no'daxatetec quedá'maq 'neeta, ma' neuanatec so ỹale quiyim chaqaiso só'maq nqa'xantaño' quen, rashiilaxantac, neeta'ñi ñi no'ueenaxanaxaqui lasom, leenaxat Lo'yaxana.

Hechos 3:10 Iomraidhean Croise

Mateo 14:35

Ca co'na' só'maq qomyipi na'ñi yi'maxare no'uenegue so Jesús, ca' qaỹa'ue la'xaỹaxac ná'ogue ná'maq na'ñi yi'maxare. Ca' qanodou'a ná'ogue ná'maq ralolaxaic yí'maq hueeta'ñi so'maxare.

Lucas 4:36

Ca' sá'ogue so qomyipi ỹaatqajam 'ue da lqolonaxa. Ca retaqatecta', 'naac: —¿Nega'ỹo' dá'maq na'qaatec? ¡Ma' dá'maq ỹale ỹaatqajam 'ue da 'negue, chaqai 'ue da lquesaxanaxa da la'qaatec, ma' quena' ilarec na ne'ec lecmaxaic, ca na'maxare chaqa'ma' eec!

Lucas 9:43

Ca sá'ogue so qomyipi ỹaatqajam 'ue da le'laxa queda lquesaxanaxa ñi qota'a. Qam co'na' ñaqai sá'ogue i'laqatapega da lo'ueenataxanaxac so Jesús, ca so'maxare 'naapegalo saua lapaxaguinatqa, 'naaco':

Juan 5:20

Ma' ñí'maq leta'a nqo'ta ná'maq llaalec, ca' ỹachaxanem ná'ogue ná'maq ỹo'uet ñi'maxare; chaqai paguec lecaic ma'le ná'maq ỹachaxana, quená'maq ỹo'uet ca re'laxahi qamiri ma'le.

Juan 9:3

Ca' so Jesús 'naaco': —Sqa chicqaugui cá'maq chi lasauaxaset, loqo'm ca lasauaxasete' caua leta'al. Ma' dajo chi qohinegue, qaiyi re'oq cá'maq ỹo'uet ñi qota'olec, chicqochigui nqohin ñi'maxare.

Juan 9:8

Ca ná'maq la'aayaxauaripi, chaqai ná'maq shi'co' quen iuana so'maxare quiyim qai'laq, 'naaco' quen: —¿Mesqaido' dajo dá'maq nqa'xantañi quen, ca rashiilaxantac?

Hechos 2:12

Ca' sá'ogue so qomyipi chalego na le'laxa, ca se ỹa'den ca 'neeta ca la'deenataxanaxac, ca chi nenatetecta': —¿Negue' ca 'neeto' dá'ogue dajo?

Hechos 2:7

Ca' sá'ogue i'laq chaqai 'ec no'daxatetec. Ca' chi retaxaỹata': —¿Mesqai Galilea laseripi ná'ogue nataq retaqatac?

Hechos 3:2

Saua'que saua na'xata' neeta'ño' quen yí so ỹale. So'maxare co'na' chi ne'qaañi chaqa'ma' se ra'ñiiguelo naua lichil. Qaỹodou'o' quen añi no'ueenaxanaxaqui, ca qailla'ñi ñi lasom leenaxat Lo'yaxana, lashiilaxanqa' quená'maq inoxono quiñi'maxare.