Hechos 3:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca 'uo' so na'xa'a so Pedro chaqai so Juan nauequetecta', tarishi'ma aca no'ueenaxanaxaqui quiyi Jerusalén, ma' mashic avit, ỹovita yi laloqo' qouagaxainqa'.

Hechos 3:1 Iomraidhean Croise

1 Reyes 18:36

Ca co'na' ỹovita ca laloqo' quiyim qoỹaano aca nachitaxanataxanqate, ca' so qota'a letaxaỹaxaqui, leenaxat Elías, nqo'neuo. Ca' ỹaatqajam netenegue da la'qaatec, 'naaco': —¡Qami' ỹa'gaxala', qami' qota'olec queso qareta'a Abraham, Isaac chaqai so Israel: nachaxañi' nagui quiyim qami' qota'olec queso qareta'a Israel, chaqai quiyim yilachi', vichiguiño' so'uet dá'ogue dajo ma' qami' ná'maq yilachi'!

Daniel 6:10

Ca co'na' ỹa'den so Daniel quiyim qai'taxajñi so 'deenaxac queso nashi, ca' queuo quiyi la'a', ca' ỹauachigui añi nqote ñi lelaxasoxoqui, añí'maq pa'aata'gue yi Jerusalén, ca' ỹa'chi'iñi naua le'cootal, ca' nqouagaxainot chaqai imaqachin ñi qota'olec. Ca' chaqaida 'neeta'gue ỹovi' tres nqai'en quiyi na'xa'a.

Mateo 17:1

Co'na' ime'ueque saua seis na'xata', ca' so Jesús ỹauegue' saua Pedro, so Jacobo, chaqai so lqaỹa Juan. Ca' qaisauate' nauequetecto, taarishi'megue aso qa' ladocai.

Mateo 26:37

Ca' ỹauec so Pedro chaqai saua dos llaalqa so Zebedeo. Ca nauata'guit so lachicoxo chalego lecaic chaqai so lachitachic.

Mateo 27:45

Ca co'na' na'xa'a lavinñi, chi ỹovireta'a lavitari', 'xoico' so napalaxa quená'ogue na 'laua.

Lucas 1:10

Ca co'na' ñaq ỹavigaxatetac so nichiinaxanaxat, ca sá'ogue so qomyipi nqouagaxaintac, pa'aatauec queso nasoxoc.

Lucas 18:10

—'Vio' saua dos qomi' querepegue' añi no'ueenaxanaxaqui late'ogue' quiyim nqouagaxaine'. Ca' so 'óna quesaua'maxare fariseo, chaqai so liỹa ỹacona'piguit ana nishiuete so nashi na'ñi yi Roma.

Lucas 22:8

Ca' so Jesús ilate' saua Pedro chaqai so Juan, ca' 'naapegalo: —Mohi, oquii 'maxachitañi ca qonoq quiyim qaỹo'leente so na'xa'a quiyim qanaqata'a so qomyipi quiyi Egipto.

Lucas 24:53

Ca' chaqai 'neesari' sqai ỹaxandac hueesau'a aso no'ueenaxanaxaqui late'ogue', ỹo'ueensac ñi qota'olec. Ajá'a, ca' chaqaida 'neeta dajo.

Juan 21:7

Ca só'maq napaxaguinatec só'maq paguec lqo'itaxat so Jesús, 'naaco' queso Pedro: —¡Chaqaida da qara'gaxala'! Ca co'na' 'qaachigui dajo so Simón Pedro, ca' lotqai liỹa ỹañiñi saua loho, (ma' naqate'o' na'le). Ca renotañigui so huaxaỹaq.

Hechos 10:3

'Uo' so na'xa'a mashic rashiiñi aso ra'aasa, ca 'uo' so leuanaxanaxac, iuano' so chicqashiguim qota'a lelaatec inoxonou'a quiyi neeta'ñi. Ca 'naaco': —¡Cornelio!

Hechos 10:30

Ca' so Cornelio 'naaco': —Mashic cuatro na'xata' nagui, 'nejem nagui chaqaiyi yi ñiichi'ñi añi ra'aasa quiyim aỹim senta'ñi na ỹa'a', ñqopaaqachitetac, so'ueetetac yi qouagaxainaxac quiyi vit. Ca' queca na'le, ca seuana so ỹale ỹaatqajam qashilgue' saua loho.

Hechos 2:46

Chaqai naua'que naua na'xata' lapootecta' cañi no'ueenaxanaxaqui quiyi Jerusalén, chaqai quenaua la'aate' nouanta'ta' quena' que'e 'xoic laỹaac chaqai ỹaatqajam hueetagui añi le'taxanata da neneequesenaxac.

Hechos 3:3

Co'na' sojo ỹale idaana'guita saua Pedro chaqai so Juan mashic sham inoxondo quiñi no'ueenaxanaxaqui, ca rashiilaxan quiyim qanqouaguegue.

Hechos 3:4

Ca' so Pedro chaqai so Juan ra'ira'a, ca so Pedro 'naaco': —Ra'iro'oto qomi'.

Hechos 4:13

Co'na' so nashillipi ỹa'den quiyim se no'chiiralec da letaxaỹaxague' so Pedro chaqai so Juan, chaqai retane' quiyim saua ỹale' sqai napaxaguinaxaqa chaqai saua'maxare chaqai qomi', ca 'ue da le'laqa'. Ca' qaỹa'deene' quiyim ỹalequesaugui na nauegaxauaripi so Jesús.

Hechos 5:25

Ca' quiyi, ca 'uo' so ỹale ỹoviro, ca 'naapegalo': —Dauá'maq ỹale' ỹañiỹaugui añi ncoñiitaxanaxaqui, hueese'e añi no'ueenaxanaxaqui, rapaxaguinataxanta'pe quena qom.

Hechos 8:14

Ca co'na' saua lelaatqa so Jesús neesa'ñi yi Jerusalén co'na' 'ue da la'xaỹaxague' quiyim yi Samaria ỹacoñiguit da na'qaatec na qomyipi, huelec da la'qaatec ñi qota'a, ca' qailate' queda so Pedro chaqai so Juan.

Gálatas 2:9

Vichiguiño' saua Jacobo, Pedro, chaqai so Juan, sauá'maq paguec na'gaxalate', ỹa'deenda'a quiyim chaqaiñi ñi qota'a nañaañim dajo no'ueenataxanaxac. Ca necona'guita na'le qomi', ỹim chaqai so Bernabé. Ca' dajo qaneconaxac netanec quiyim chaqai qomi' niỹa', chaqai qaỹa'maxarenta quiyim qomi' so'ueenataxanaxaugui na mesqai judioipi, ca' saua'maxare, ca ro'ueenataxandougui na judioipi.