Hechos 27:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca co'na' ỹovita ca laloqo' qailateguelo qomi' da Italia, ca so Pablo chaqai so liỹa ncoñiitecseripi qoỹaanem so nouaataxanaq lashi, leenaxat Julio. Sojo leloxoiqatecsec sá'ogue so nouaataxanaq só'maq qoỹanegue leenaxat nalliripi so Augusto.

Hechos 27:1 Iomraidhean Croise

Génesis 50:20

Ma' qamiri se no'uen dá'maq 'ñii'tegue na'le caỹim, qam ñi qota'olec dá'maq se no'uen nimiiñiguit nqai'en da lo'yaxanec dá'maq seuanaxa nagui: ma' ỹahotaco' quiyim nca'laxatec na 'xoic qomyipi.

Salmos 33:11

qam ná'maq 'neeta'pegue ñi qara'gaxala' qaica idaxan, chaqaidaata da 'neetari'.

Mateo 27:54

Ca co'na' so lashi so nouaataxanaq chaqai sauá'maq liỹa' reloqosa'a so Jesús, co'na' iuanchigui i'loxol na 'laua chaqai ná'maq liỹa 'uo' na'le, ca 'xoico' da lqolonqa'. Ca 'neraco': —Ỹaatqajam llic ñijo ỹale ỹaatqajam llaalec ñi qota'olec.

Lucas 23:47

Ca' co'na' iuanchigui dajo so lashi so nouaataxanaq, ca' imaqachin ñi qota'olec, 'naaco': —Ỹaatqajam llic ñijo ỹale qaica ca lasauaxaset.

Lucas 7:2

Ca' hua'ñi yi'maxare, ca 'uo' so nouaataxanaq lashi le'ec yi Roma. So'maxare 'uo' so lelaatec ỹaatqajam lauochaxat, qam so'maxare ralolaxaic, chaqai mashic ileuetac.

Hechos 10:1

'Uo' so ỹale leenaxat Cornelio na'ñi yi Cesarea. So'maxare nouaataxanaq lashi, reloqota'a so cien nouaataxanaq qaỹamata'gue Italia laseripi.

Hechos 10:22

Ca' saua'maxare 'neraco': —Nelate' qomi' ñi nouaataxanaq lashi Cornelio. Ñi'maxare ỹaatqajam huagaxaraic ỹale chaqai ỹaatqajam ỹa'maxate'tegue ñi qota'olec, vichiguiño' ná'ogue na judioipi ỹaatqajam lauochaxat chaqai lqo'itaxat ñi'maxare. Ma' 'uo' so chicqashiguim qota'a lelaatec 'naapega ñi Cornelio quiyim relaataxana qami' quiyim quirepegue' yi la'a', ca' ñi'maxare na'xaỹaxana ca ra'qaataxanaxaqui'.

Hechos 16:10

Ca co'na' so Pablo 'ue so leuanaxanaxac, ca na'maxachiñi quiyim taategue da Macedonia, ỹaatqajam i'taxachiriñi quiyim ñi qota'olec roỹaxantapegalo quiyim ỹa'xate' queca qomyipi da na'qaatec chicqaugui da nca'laxa.

Hechos 18:2

Ca hua'ñiyi, ca natenejlec so judío le'ec, leenaxat Aquila, ne'xaỹoqsoqo' yi 'laua Ponto. So Aquila chaqai aso loua Priscila ñaqai chita'co' chicqora'gue da 'laua Italia. Quere'e yi'maxare, ma' so lashi na nashillipi leenaxat Claudio, 'naapego' na judioipi ca'e yi na'a' lodegaxat Roma. Ca' so Pablo ra'piichalo.

Hechos 19:21

Ca co'na' ime dajo, ca' so Pablo ỹahotaque quepegueto yaua Macedonia chaqai yi Acaya, ca chi ỹovireta'gue da Jerusalén. Chaqai qai'neeta 'naaco': —Ma' ime saigue da Jerusalén, ca sahotaque saigue da Roma.

Hechos 21:32

Qam so nouaataxanaq lashi lapoonta' so nalliripi chaqai so lotauaripi. Ca' eec ne'guentagui. Ca na' qaỹovita ca hueete'e so qomyipi. Ca' so qomyipi co'na' idaana'guit so nashi chaqai so nalliripi, ca qoỹaxanñi quiyim qaỹouaxantac so Pablo.

Hechos 22:26

Ca co'na' 'xaỹa dajo so lotaua so nouaataxanaq lashi, ca quepegue' so lashi, ca 'naaco': —Rovichirari'o' queda sham 'viichi', ma' ñijo ỹale romano le'ec.

Hechos 23:11

Ca' queso pe so Jesús nachaxana so Pablo. Ca 'naapego': —Qami' Pablo, na'ñaxachi'o' ma'le, ma' dá'maq 'ñitetegue da retaxaỹaxaqui' caỹim quena Jerusalén, qai'neeta 'ñitetegue ca retaxaỹaxaqui' ma'le quiyi Roma.

Hechos 23:17

Ca co'na' ỹa'den dajo so Pablo, ca roỹaxana so lotaua so nouaataxanaq lashi, ca 'naaco': —Viquira'a ca nouaataxanaq lashi najo ne'nec, ma' 'ue da la'qaataxanaxac.

Hechos 24:23

Ime, ca' so Félix ila' so nouaataxanaq lashi quiyim so Pablo ñaq ncoñiretari' nqai'en, qam qoỹaanem quiyim qailligueme' qareloxoỹa'a, chaqai qaỹa'maxarenta qara'piichiu'a quecanchaqaica lauo' le'ec quiyim ỹotauan.

Hechos 25:12

Ca' so Festo retaxaỹa'pegue'o' so lotauaripi. Ca co'na' ime, ca 'naaco' queso Pablo: —Dá'maq rashiilaxanaxaqui' quiyim imit qami' ca nashi na'ñi yi Roma. Ca' chaqaica cá'maq quirepegue' ma'le.

Hechos 25:25

Qam caỹim 'eco' sqaica cá'maq ỹaatqajam 'chichiguiñi quet lasauaxaset quiyim ñigui ca lelauaxa; qalaxam chaqaiñi rashiilaxan quiyim qaimit queca lasauaxaset queca qarashi Augusto. Ca sahotaque selata ca'maxare.

Hechos 27:11

Qam so nouaataxanaq lashi paguec na'xaỹaxana só'maq looỹac aso qarahi' chaqai só'maq ỹashaxanac aso'maxare, ca se na'xaỹaxana so Pablo.

Hechos 27:43

Qam so lashi so nouaataxanaq, ma' ỹahotaque quiyim nca'leetauec so Pablo, ca se ỹa'maxaren quiyim qohine'tegue dajo. Ta'ta'a quiyim chinlataxan quiyim cá'maq ỹa'den lo'xonaxac, ca 'au taañigui yi huaxaỹaq, 'au ỹo'xonta'ta'a yi 'laua,

Hechos 27:6

Ca' yi hua'ñi, ca so nouaataxanaq lashi iuanejlec aso qom lahi' huaxaỹaqse chicqa'gue da Alejandría, taỹa'gue da Italia. Ca renotqajando qomi', ca lotqai liỹa qolaq.

Hechos 28:1

Ca na' mashic qomá'ogue qarca'leuec, ca sa'deenaq da leenaxat ada delec soviraqta'a, leenaxat Malta.

Hechos 28:16

Ca na' sovitaxa yi Roma, ca' so nouaataxanaq lashi ỹaano so ncoñiitecseripi queso neloxoỹaq cañi ncoñiitaxanaxaqui. Qam so Pablo qaỹoỹooteta'oga cá'maq chi la'a', ca' qaỹa'ue so 'oonoqui' nouaataxanaq le'ec reloqota'a.

Hebreos 13:24

Iquinaxanaxac ma'le quecaua'que caua ra'gaxalachiri, chaqai ná'ogue na qarqaỹaripi quená'maq mashic icoñiguit da na'qaatec. Ná'maq chicqa'gue da Italia ila' da liquinaxanaxac caqamiri.