Hechos 26:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ỹim qai'neeta quesom 'xoic quen na sahotaque shine'tegue ná'maq quelec quiyim huelec da leenaxat so Jesús, Nazaret le'ec.

Hechos 26:9 Iomraidhean Croise

Juan 15:21

Dá'ogue dajo qohine'teguelo ma'le qamiri, sauaxat aỹim, ma' se qaiuanapega ñí'maq yila'.

Hechos 21:13

Qam so Pablo 'naaco': —¿Chi'negue ma' nohiñitac chaqai viitaque na ỹachicoxo? Ma' ỹim mashic ñomatalta' quiyim sqaidaata quiyim qaycoñi', qai'neeta quiyim yileua'ñi yi Jerusalén, sasoualec so qara'gaxala' Jesús.

Hechos 22:3

—Aỹim judío le'ec. Ñi'xaỹoqsoqo' yi Tarso huaugui yi 'laua Cilicia. Qam seỹa'ñi najo Jerusalén, chaqai ñapaxaguinqo' so Gamaliel, ỹapaxaguinegue aỹim ná'ogue na nelaataxanaxaquipi nachiñi'chiguit quesaua 'auaxaqa sachigoxosqauguilo. Vichiguiño' 'ue da iuogoxo quiyim so'ueenataxanot ñi qota'olec quiyim ỹaatqajam somato'ot añi i'taxanata, chaqai 'nejem qamiri nagui quenajo na'xa'a.

Hechos 22:4

Ỹim quesom ỹaatqajam se seuoten ná'maq mashic icoñiguit da na'qaatec, vire'ta salauat chaqai sauegueu'a añi ncoñiitaxanaxaqui na ỹale chaqai ana 'aalo quiyim qaicoñi'.

Hechos 22:8

Ca' quiyi, ca senataxan, shinac: “Qami', ¿negue' aqami'?” Ca' só'maq retaqa 'naac: “Aỹim Jesús, Nazaret le'ec, chaqaỹim ná'maq yocañi'sac.”

Hechos 24:5

Ma' qomi' sa'deenqata quiyim dajo ỹale ỹaatqajam se ralamqataxan quenaua'que naua lahil na 'laua. Ma' 'ue yi na'xa'a ỹora'chi nqai'en na qomyipi, ma' da'maxare lashi na na'deetau'a so Nazaret le'ec.

Hechos 3:17

Qamiri ỹaqaỹa', shi'gue sa'den, ma' na' qamiri chaqai saua ra'gaxalachiri lauachii so Jesús, qamiri 'viichii dajo, qalaxam sqa 'yiiñii dá'maq ỹaatqajam reloqo'tegue dá'maq 'viichitac.

Hechos 3:6

Qam so Pedro 'naaco': —Qaca aca ỹam plata chaqai aca oro, qalaxam dá'maq hueeta'ỹot saanem qami'. So'ueenataxantapega da lquesaxanaxa so Jesús, Nazaret le'ec, vichiguiño' nagui shinapega qami', ne'laxachirishiguim, ca' qui'.

Hechos 9:1

Qam ñaqaiso so Saulo queetalec quiyim ỹadentalec ná'maq huelec so qara'gaxala' Jesús. Vichiguiño' quepegue' so lashi na netaxaỹaxanqajanqaipi,

Hechos 9:16

Ỹim sachaxanem ma'le ñi'maxare quiyim ỹovirau'a 'xoic ca le'xoric souetapigui aỹim.

Romanos 10:2

Ỹim shinac dajo, ma' ỹaatqajam 'xoic da lishoxo quiyim ro'ueenataxanot ñi qota'a. Qam dajo lishoxo sqai chicqaugui dá'maq ỹaatqajam llic na'deenaxanaxa.

Filipenses 3:6

Ỹaatqajam 'ue da ñapacqajnaxac, ca vire'ta quiyim socanaxantapigui ná'maq mashic huelec so Cristo. Chaqai quedá'maq na'maqataxac da chaalataxac sqaica ca ishit quiyim 'ue quet ca ỹa'xat, ma' qaica ca ñapacalec quena naqataxaquipi.

1 Timoteo 1:13

Ỹo'uet dá'ogue dajo caỹim, se ỹo'leenta'a quiyim shi'gue taateguelec nqaishin na ỹa'qaatec se no'uen, socantac chaqai seshiuentac. Qam ñi qota'a ma' ỹaatqajam i'xoren aỹim, ma' saqa' seuelec so Jesús, chaqai ỹaatqajam se sa'den dá'maq so'ueetetac.

Jueces 6:30

—Nelachirec ca qachaalqui', qaiyi salauataq. ¡Ma' ỹopoxoỹaxachigui ada ncopatoxonaxalate quiñi Baal chaqai aca qo'paq 'xoic lichic huaqate'e' yi'maxare!