Hechos 26:7 - La'qaatqa ñi qota'olec Qota'olec & Qota'olec Novita Na Qomyipi

⁷ Chaqai sá'ogue so sachigoxosqaugui 'auaxaic doce llaalqaipi so qareta'a Israel, qai'neeta naquitesa'a dajo quiyim ipaquichigui. Vichiguiño' imaqachin ñi qota'olec, chaqai ỹo'uet da la'qaatec, ỹocane' naua na'xatari chaqai na piri. Ca' chaqaida quedajo ñaquitaxac nagui sasouetapigui, qami' ỹashi Agripa, ca chaqaida dá'maq 'em qanoquiaatapiguiỹa' quena judioipi.

Hechos 26:7 Iomraidhean Croise

Esdras 6:17

Ca' quesojo na'xa'a, ca' cien na huaqui llaalec qoỹaano quiyim qaỹavigaxat, doscientos na qagreta loua', chaqai cuatrocientos na qagreta llaalec, chaqai saua doce queta' quiñi 'óna taỹaugui ca 'óna ni'ic queso llaalqaipi so Israel, 'óna ñi lachitaxanataxanaxat queca 'óna ni'ic quena lasauaxaseteripi sá'ogue so llaalqaipi so Israel.

Mateo 19:28

Ca' so Jesús 'naaco' quesaua'maxare: —Ỹaatqajam llic da shinac caqamiri, quecajo na'xa'a ma' ná'ogue qano'viishiguim dalaxaic nqohin, ma' najo ỹale llaalec nqa'xanñigui aca 'ue lauaq qa'xanaxaqui quiyim nashi, ca' qamiri ma' quiita'pegue' aỹim, ca' qamiri qai'neeta nqa'xañiñiguilo caua doce nashi nqa'xanaxaqui', ca michii na llaalqaipi saua doce llaalqa so Israel.

Lucas 2:25

Ca' quesojo ñaaxa neeta'ñi yi Jerusalén so ỹale, leenaxat Simeón. So'maxare ỹaatqajam huagaxaraic, chaqai ỹa'maxate'tegue ñi qota'a, chaqai nauaantaque ca na'xa'a quiyim ime nqohin da le'xoric na Israel llaalqaipi. Qam so'maxare hueeto'ot so Espíritu Santo.

Lucas 22:30

qaiyi qui'ii chaqai ni'chii queca iqui'ỹaxala' ma' seuetaugui ca ỹo'ueenataxanaxac, chaqai nqa'xañingui caua nashi nqa'xanaxaqui', ca' michii na llaalqaipi so doce llaalqaipi so Israel.

Hechos 20:31

Vichiguiño' ỹaatqajam rovichiỹari'o'; no'viñita'gue quecaua tres ñaxari, quiyi na'xa'a chaqai yi pe, qaica lqodoc quiyim sapaxaguinta'pe qamiri, saqatetapegalo qamiri, ñoỹentalec quiñi 'óna caqamiri.

Hechos 24:15

Chaqai 'nejem da ñaquitaxac quiñi qota'olec dá'maq naquitaxague' naua'maxare, quiyim na leuaxaic liỹa nca'leuec nqohin, ná'ogue na huagaxaraic chaqai na nocqaic.

Hechos 26:2

—Ỹaatqajam ya'maqachiguiñi, ma' seshit setaqa quiyim seloqoisaxaguit qami' qarashi Agripa, quedá'maq sa'xat quedá'ogue dá'maq 'em na judioipi se yiuoten.

Hechos 26:3

Ma' quedá'ogue dajo qami' 'yiiñite' ná'ogue na qano'ueenataxac qom judío laseripi, chaqai naua'que naua ñco'uaqatapiguilo. Vichiguiño' sashiilo'ot qami' quiyim na'xaỹaxañita ỹim.

Hechos 28:20

Ca' chaqaida dá'maq 'em soỹaxane'ogalo qamiri, sahotaque ñauanto qamiri chaqai setaxaỹa'pegueto qamiri, ma' chaqaida dá'maq qanaquitaxac qom Israel laseripi, ca' chaqaida dá'maq 'em nagui qaycoñiretari'.

Filipenses 3:11

Ma' 'ue da ñaquitaxac quiyim sovirau'a quiyim nachipiaqtashiguim nqohin aỹim so nelauaxa.

1 Tesalonicenses 3:10

Ca' vichiguiño' naua'que naua na'xatari chaqai naua piri ñqouagaxainqatacot ñi qota'a quiyim ỹasene'tema qomi' quiyim ñauanaqto qamiri, qaiyi sotauanaxe' qamiri quiyim ỹaatqajam naloochiguiñi da rpi'ỹaxaguii.

1 Timoteo 5:5

Ca aná'maq ỹaatqajam 'chichiguiñi pa'ỹe, quiyim ma' nodaachiguiñi, ca illo'ot ñi qota'a da naquitaxac, chaqai sqai ỹaxanñi da nqouagaxainaxac quenaua'que naua na'xata' chaqai naua piri.

Santiago 1:1

Aỹim Santiago, aỹim la'ac ñi qota'a chaqai so qara'gaxala' Jesucristo, selata da iquinaxanaxac na qomyipi quená'maq chicqaugui so doce llaalqaipi so Israel quená'maq neuagaxajlec ná'ogue na 'laua.