Hechos 26:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ná'ogue na judioipi ỹa'deenta da ño'ueenataxac, ma' salequetaugui na'maxare quiyí'maq ỹa'a', chaqai quiyi Jerusalén, na' llaqaỹim noctoqui'.

Hechos 26:4 Iomraidhean Croise

Hechos 22:3

—Aỹim judío le'ec. Ñi'xaỹoqsoqo' yi Tarso huaugui yi 'laua Cilicia. Qam seỹa'ñi najo Jerusalén, chaqai ñapaxaguinqo' so Gamaliel, ỹapaxaguinegue aỹim ná'ogue na nelaataxanaxaquipi nachiñi'chiguit quesaua 'auaxaqa sachigoxosqauguilo. Vichiguiño' 'ue da iuogoxo quiyim so'ueenataxanot ñi qota'olec quiyim ỹaatqajam somato'ot añi i'taxanata, chaqai 'nejem qamiri nagui quenajo na'xa'a.

Hechos 24:14

Qam qaidaata sechoxoteta quiyim so'ueetetac da lo'ueenataxanaxac ñi qota'a queso 'auaxaic qareta'allipi, qam naua'maxare dajo 'neesapega se nateno ñicyaxac. Qam seuelec ná'ogue ná'maq naneretañi naqataxaquipi chicqo'ot nqohin so Moisés, chaqai so letaxaỹaxaquiripi ñi qota'a.

Gálatas 1:13

Qamiri shi'gue 'xahiteguelec dá'maq shintari' na' ñaqa shiquetalec dá'maq huelec na judioipi. Chaqai 'yiiñii da ỹonogoxonaxac quena' socanaxantapigui na mashic icoñiguit da la'qaatec ñi qota'olec, quiyim sahotaque ñalauajñi.

Filipenses 3:5

Ma' qaỹa'ue na netanec na ỹoshicmaxa na' ime ñi'qaañi quecaua ocho na'xata', ma' iuo' na Israel laseripi, sachicqaugui na llaalqaipi so Benjamín, naua ỹa'qaatqa 'nejme' naua la'qaatqa saua ita'al hebreo lase'. Ỹim salequetaugui na'le na qohinac fariseo, ma' ỹaatqajam quejlgoto naua naqataxaco chicqo'oto so Moisés.

2 Timoteo 3:10

Qam qami' mashic 'yiiñite' dá'maq ỹapaxaguinataxanaxac, chaqai quedá'maq ỹa'maqachiguiñi shintari', quedá'maq sahotaque, da ipi'ỹaxac, chaqai da iualaxavic, ỹoqo'iichi, quiyim ña'ñaxachiguit ná'ogue nanchaqaina