Hechos 26:2 - La'qaatqa ñi qota'olec Qota'olec & Qota'olec Novita Na Qomyipi

² —Ỹaatqajam ya'maqachiguiñi, ma' seshit setaqa quiyim seloqoisaxaguit qami' qarashi Agripa, quedá'maq sa'xat quedá'ogue dá'maq 'em na judioipi se yiuoten.

Hechos 26:2 Iomraidhean Croise

Mateo 10:19

Qam ma' qoỹaanero qamiri quena nashillipi, sqai 'yiiñitaque cá'maq 'ñiỹac, loqo'm quecá'maq reloqo'tegue ca ra'qaachiguii. Ma' quiyim ỹovita ca laloqo' quiyim taxahi, ca' ñi qota'olec ỹo'ueete' ma'le caua ra'qaataxahi.

Lucas 12:11

Ca ma' ỹovita quiyim qaraviguiu'a aca lapoxoqui na judioipi, loqo'm na nashillipi chaqai na na'gaxalateripi, qam sqai hueetapigui qavillii cá'maq 'xachii chaqai cá'maq 'ñiỹac.

Lucas 21:12

Qam ma' saqa' re'xoi' naua'que nauajo, ca qaỹaconlgoto qamiri ma'le, chaqai qaỹocana'pe qamiri ma'le. Ime, ca' qaỹodou'alo qamiri na lapoxoqui' na judioipi, ca qaimite' qamiri. Ca' qaicoñite' qamiri, chaqai qaỹauegueu'alo qamiri na nashillipi chaqai na lotauaripi, ma' soviỹalec ma'le da ỹeenaxat.

Hechos 25:26

Qam sqaica quet cá'maq shine'tegue ca ỹirec tai'a cá'maq qarashi quecá'maq 'neeta da'maxare, ca ñauegue'galo qamiri quiyim repagui'a nachii. Qam qami' ỹashi Agripa, salamaxate'tot qami' quiyim nachi', qaiyi 'ue cá'maq ỹa'qaatec sela' ma'le queca qarashi Augusto.

Hechos 26:1

Ca' so Agripa 'naaco' queso Pablo: —Qami' shichi' taxahi' quecá'maq 'ñirac. Ca' so Pablo nanojshiguim da lqai'laxat, ca 'ne'tegueyi da la'qaatec:

Hechos 26:19

Ca' qami' ỹashi Agripa, chaqaida nqaishin ma' chaqa'ma' ña'xaỹaxana so iuanaxanaxac chicqo'ot na piguim.

Hechos 26:26

Najo hueete'e ỹalequetauguilo qomi' ñi qarashi Agripa. Ñi'maxare ỹaatqajam ỹa'deenta dá'maq sa'xatetac. Vichiguiño' qaica ca youetaque, ca se lliyaqajnauec da ỹa'qaatec. Ma' ñi'maxare ỹaatqajam ỹa'deenta dá'ogue dá'maq sa'xatetac, ma' da'maxare se qoỹoxotetañi.

Hechos 26:3

Ma' quedá'ogue dajo qami' 'yiiñite' ná'ogue na qano'ueenataxac qom judío laseripi, chaqai naua'que naua ñco'uaqatapiguilo. Vichiguiño' sashiilo'ot qami' quiyim na'xaỹaxañita ỹim.

Hechos 26:7

Chaqai sá'ogue so sachigoxosqaugui 'auaxaic doce llaalqaipi so qareta'a Israel, qai'neeta naquitesa'a dajo quiyim ipaquichigui. Vichiguiño' imaqachin ñi qota'olec, chaqai ỹo'uet da la'qaatec, ỹocane' naua na'xatari chaqai na piri. Ca' chaqaida quedajo ñaquitaxac nagui sasouetapigui, qami' ỹashi Agripa, ca chaqaida dá'maq 'em qanoquiaatapiguiỹa' quena judioipi.