Hechos 26:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Qam ne'laxachirishiguim, ca nachaachiriñi, ma' 'ue dá'maq 'em ñachaxana qami'. Sahotaque quiyim qami' ilaatec, chaqai qami' ỹa'qaataxanqajnec quedá'maq nagui huañichirigui, chaqai quecá'maq huañita ma'le caỹim.

Hechos 26:16 Iomraidhean Croise

Ezequiel 2:1

Ime, ca' sa'xaỹaque so nivillaxac 'naac caỹim: Qami' ỹale, nachaachiriñi, ca' sa'ue da shinac caqami'.

Lucas 1:2

Ca saua'maxare ỹichiñi chaqaida dá'maq qarapaxaguinegue sauá'maq ỹauanchirigui da no'ueenataxanaxac na' llaqatachiguiñi, chaqai rotaanaxandegue quiyim ỹa'xate' da na'qaatec.

Hechos 1:17

Ma' so Judas chaqai qariỹa, chaqai qarotaua queda qaro'ueenataxanaxac.

Hechos 1:25

Ca' qoỹanagui da na'laxatañi na'le lo'ueenatec so relaachiqui' Judas, ma' 'ue da lasauaxaset, ca re'oq dá'maq ỹaatqajam taigue nqohin.

Hechos 20:24

Qam quedajo qaica ca ñqovilga; vire'ta da chi ñachaalataxac qaica ca 'negue nqaishin caỹim. Qaidaata yishiitaque quiyim 'xoic ca ñitoonaxac quiyim somateta da ỹo'ueenataxanaxac, chaqai yipaquejlec da laqataxac nañaañim ñi qara'gaxala' Jesús, quiyim saanec da no'uen na'xaỹaxac queda le'xorenataxanaxa ñi qota'a.

Hechos 21:19

Ca' so Pablo sá'ogue niquine'e' so'maxare. Ca ime, ca' ra'qaataxan so'maxare, ỹa'xat ná'ogue na lo'ueenataxanaxac ñi qota'a huaugui na mesqai judioipi.

Hechos 22:10

Ca' shinac da ỹa'qaatec: “Qami' ỹa'gaxala', ¿nega'ỹo' ca so'uet ma'le?” Ca so'maxare 'naac: “Ne'laxachirishiguim, ca' qui', repaquirau'a yi Damasco. Ca hua'ñi ma'le, ca qohiñirapegaxaua' quecá'ogue cá'maq 'viichi' ma'le.”

Hechos 23:11

Ca' queso pe so Jesús nachaxana so Pablo. Ca 'naapego': —Qami' Pablo, na'ñaxachi'o' ma'le, ma' dá'maq 'ñitetegue da retaxaỹaxaqui' caỹim quena Jerusalén, qai'neeta 'ñitetegue ca retaxaỹaxaqui' ma'le quiyi Roma.

Hechos 26:15

Ca na'le, ca shinac: “Qami' ¿negue' qami'?” Ca' so'maxare 'naapiguiỹa': “Aỹim Jesús, chaqaỹim ná'maq ỹim yocañi'sac.

Hechos 6:4

Ca' qomi' qolqatalec da qanqouagaxainaxac chaqai sapaxaguinataxanaxague da la'qaatec ñi qota'a.

Romanos 1:5

Ca' ñi qota'a nqouagueguelo qomi', chicqochigui nqai'en so Jesucristo, ca' qarela' quiyim so'ueenataxanot so'maxare, qaiyi quená'ogue ná'maq ỹoreta'oguit qomyipi 'ue ca huelec chaqai na'xaỹaxana.

Romanos 15:16

quiyim aỹim lelaatec nqai'en so Jesucristo quená'maq sqai judioipi, quiyim so'ueenataxanougui. Ca dá'maq so'ueetetac 'neetasa' quiyim sa'xatetapeguem da na'qaatec chicqaugui da nca'laxa ỹachaxantac ñi qota'a, qaiyi saanot ñi'maxare ná'maq sqai judioipi, 'nejem aca nachitaxanataxanqate qaỹa'maxarenta quiñi qota'a, ma' mashic qaỹoỹoota'oga na'maxare queso Espíritu Santo.

2 Corintios 4:1

Vichiguiño' se ỹauanapega quiyim qareualtegueñi, ma' ñi qota'a quedá'maq chi lqouagaxa, ca ỹaanema qomi' dajo no'ueenataxanaxac.

2 Corintios 5:18

Ca' dá'ogue dajo chi ỹo'uet ñi qota'a ñí'maq chicqochigui nqai'en so Cristo quiyim seuacqa'chiguit ñi'maxare, chaqai ỹa'ue da laqataxac coqomi' quiyim ná'ogue na qomyipi huaqui'chiguit nqaishinaq ñi'maxare.

Gálatas 1:12

Ma' se sachigoqto'ot ca qom, chaqai mesqaica ca yapaxaguinegue. Ta'ta'a quiyim chaqaiso so Jesucristo ya'deenaxanaxanegue da'maxare.

Gálatas 2:2

Saigue da'maxare, ma' ñi qota'a ỹa'ue so iuanaxanaxac quiyim saigue da'maxare. Ca na' seueta'ñi yi Jerusalén, ca' 'ue so netaxaỹaxac, qam qaỹoỹooteta'oga quesó'maq mashic qaỹa'yiinchigui na'gaxalateripi. Ca sa'xatema dá'maq 'neeta dá'maq na'qaatec chicqaugui da nca'laxa dá'maq sa'xatetac quena sqai judioipi. Shi'ntegue dajo, ma' se sa'maxaren quiyim sqaica ca 'negue nqohin dá'maq shi'gue so'ueetetac chaqai dá'maq so'ueetetac nagui.

Efesios 3:3

Ca' ñi qota'a ñi ỹachaxañim da leloxoỹaxac dá'maq se re'xogui lo'ueenataxanaxac, ca ya'deenaxanaxanegue, ca shi'gue 'ue ná'maq cocho'qui' shiriñi caqamiri.

Colosenses 1:23

Qam quedajo, 'maxaraic quiyim na'ñaxachichiguiñi queda rpi'ỹaxaguii, 'ñiitari' aca qo'paq ỹaatqajam qoỹorichi'nguilo caua lpa'yii. Chaqai sqai 'xañiñi da naquitaxaguii chicqochigui dá'maq na'qaatec chicqaugui da nca'laxa na' 'xaiỹa. Dajo dá'maq na'qaatec qaỹa'xatetac quenaua'que naua lahil na 'laua. Chaqai aỹim Pablo sotaanaxanegue quiyim sa'xat da'maxare.

Colosenses 1:25

Ca sovirau'a quiyim sedaanlec ná'maq mashic icoñiguit da na'qaatec quedá'maq laqataxac ñi qota'a, ma' ỹahotaque quiyim ra'maxaiñi chaqai quiyim sa'xat dá'ogue dá'maq la'qaatec ñi'maxare,

Colosenses 1:7

Dajo dá'maq ỹapaxaguinguelo' na'le qamiri so qanauochaxaua qarqaỹa Epafras. So'maxare lo'ueenataxanaxaua' qomi'. Chaqai caqamiri, ca' ỹaatqajam qamaxaraic lo'ueenataxanqajnec so Cristo.

1 Tesalonicenses 3:2

Ca' selaraq so qarqaỹa Timoteo quiyim ra'ỹa'alo qamiri. Ma' so'maxare lelaatec ñi qota'a chaqai qaro'ueenataxanaxaua na' sa'xataq da na'qaataxac so Cristo, ma' so'maxare ishit quiyim ra'ñaxachii chaqai quiyim i'taxajñi ca rpi'ỹaxaguii,

1 Timoteo 1:12

Saanot da ña'aachic ñi qara'gaxala' Jesucristo, ñí'maq nañaañim da ña'ñaaqataxac quedajo, ma' ỹa'den quiyim yaqamqata, ca' pataxailec da lo'ueenataxanaxac.

1 Timoteo 4:6

No'm paxaguinataxañitegue dajo quena qarqaỹaripi, ca' ỹaatqajam qami' no'uen lo'ueenataxanqajnec so Jesucristo, chaqai ra'ñaaqataxanqachichi' naua na'qaatqa quedá'maq leloxoỹaxac da npi'ỹaxac chaqai dá'maq 'maxaraic napaxaguinataxaqui' qui'salec.

2 Timoteo 4:5

Qam qami' ỹaatqajam na'maxachite', chaqai na'ñaxachichiguit da re'xoriqui', quirelec 'xachisac da na'qaatec chicqaugui da nca'laxa, repaquiterelco' da ro'ueenataxanaxaqui'.