Hechos 26:13 - La'qaatqa ñi qota'olec Qota'olec & Qota'olec Novita Na Qomyipi

¹³ Qam queso nayic, qami' ỹashi, mashic na'xa'a lavinñi, ca 'uo' so seuana 'nejem ana ncoỹeraxanaxaqui chicqo'ot na piguim. Qam paguec lquesaxanaxa so lauaq cañi ra'aasa, na' nqai'lliguiñi quiyi seuqate'e, ỹovira'ogalo saua ñauegaxaua'.

Hechos 26:13 Iomraidhean Croise

Mateo 17:2

Ca na' reloqosaho saua'maxare nadalaxat da no'ueenataxac. Ca' 'ec ra'aasa na lauaq na lashic, chaqai saua loho ỹaatqajam ỹalacte' 'ec na lauaq.

Hechos 22:6

Qam na' ỹim shiqueta'gue so nayic, mashic sepalatau'a yi Damasco, 'uo' ca na'xa'a lavinñi, ca ne'laqataxanchiguiñi so 'ec lauaq quiyí'maq seueta'ñi, ỹaatqajam quesaxan so lauaq chicqo'ot na piguim.

Hechos 22:9

Qam saua ỹale' iỹaata'pe ỹauanchirigui so nqai'legaxa, ca no'chi'. Qam sqa 'xaita só'maq na'qaatec qohinapiguiỹa'.

Hechos 26:12

Ca' chaqaida da 'neeta quiyim 'ue so na'xa'a saata'gue da na'a' Damasco, llo'qoota'a so ñilaataxac chicqaugui na lashillipi na netaxaỹaxanqajanqaipi.

Hechos 26:14

Ca' qomá'ogue sanataxañi na'le, ca' sa'xaỹaque so na'qaatec ỹahota'ahi naua judío la'qaatqa, 'naac: “Qami' Saulo, ¿chi'negue ma' yocañi'sac? Chi nqa'viiñiseguelta', 'nejem ca nauegaxanaxala' quena' ỹachaqata'piguit na lo'lo aca na'daxanqate.”

Hechos 9:3

Qam co'na' ñaqai queeta'gue so nayic, mashic ipalatau'a yi na'a' Damasco, ca ne'laqataxanchiguiñi chicqo'ot na piguim so 'ec ncoỹeraxanaxaqui lauaq quiyí'maq hueete'e so'maxare.

Apocalipsis 1:16

Chaqai queda loic lo'qoota'alo saua siete huaqajñi. Chaqai quena lap chicqaugui so lecat ỹaatqajam ỹaxaraic, dos llaaxa'. Chaqai na lashic 'ec añi ra'aasa quena' ỹaatqajam quesaxan da lauaq.

Apocalipsis 21:23

Chaqai yi na'a' tot ỹouen ca lauaq añi ra'aasa chaqai ñi shiraigo, ma' chaqaida dá'maq lauaq ñi qota'a chaqai so 'ec qagreta llaalec coỹaresalec.