Hechos 26:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca chaqaida shine'tegue na'le quiyi Jerusalén, ca yipacalec 'xoic na scoñi' quená'maq mashic icoñiguit da na'qaatec. Ma' ỹaatqajam 'ue da ñañinlataxac quena lashillipi na netaxaỹaxanqajanqaipi. Chaqai no'm 'ue ca qaỹalauat quená'maq mashic icoñiguit da na'qaatec, ỹim qai'neeta sa'maxarenta.

Hechos 26:10 Iomraidhean Croise

Salmos 16:3

Na lqolaquipi na qomyipi quena 'laua paguec quesaxanaxaiquipi, 'naac ná'maq lashiilqaipi na'maxare.

Hechos 7:58

Ca qaỹaconeu'a, ca qaỹauegue'ogue da lahi yi na'a'. Ca' yi hua'ñi, ca' sá'ogue qainaq quena qa'. Qam sá'ogue só'maq ỹalequetau'a da nenaqsoxonaxac po'an ana lapooto, po'aana'ansopo' so ne'nec leenaxat Saulo.

Hechos 8:1

Ca' so Saulo ỹa'maxarenta quiyim qaỹalauat so Esteban. Ca nachinchigui so na'xa'a na' qaỹocanac ná'maq mashic ỹacoñiguit da na'qaatec quiyi Jerusalén. Ca ná'ogue neuagaxatac, quepegueto naua 'lauari quiyi Judea chaqai yi Samaria. Nodaaterec saua Jesús lelaatqa no'ueendañi.

Hechos 8:3

Qam so Saulo ñaq ỹocantac ná'maq mashic ỹacoñiguit da na'qaatec, ỹocane' naua na'aate', ỹahotaque naqata'a, nahoglenec na ỹalliripi chaqai ana 'aallipi, ca ỹauegueu'a añi ncoñiitaxanaxaqui.

Hechos 9:21

Ca ná'ogue ná'maq na'xaỹaxantapega so'maxare ỹaatqajam 'xoic da le'laxa, ca 'neraco' quen: —¿Mesqaido' dajo ỹale dá'maq rocanaxantapigui na neeta'ñi yi Jerusalén ná'maq ỹouentac da leenaxat so Jesús quena' nqouagaxain? ¿Mesqaido' dá'maq qai'neeta naiquenajo ma' ỹahotaque quiyim coñi' na'maxare, ca ỹauegueu'a yi lashillipi na netaxaỹaxanqajanqaipi?

Hechos 9:26

Qam so Saulo co'na' ỹovira'a yi Jerusalén, ỹahotaco' lapoouo quesó'maq mashic ỹacoñiguit da na'qaatec. Qam sá'ogue qano'cha'a, ma' se qoyiuelec quiyim shi'co' ỹacoñiguit da na'qaatec.

Hechos 9:32

Ca co'na' so Pedro ỹouootegueri', ra'pichitapega so nqaỹaripi, chaqai qai'neeta ra'ajnaxanalo saua mashic iconchiguit da na'qaatec nera'ñi yi Lida.

Hechos 9:41

Ca' so'maxare ỹacona ana laua, ca navicshiguim. Ime, ca roỹaxane'oga so nqaỹaripi chaqai so pa'ỹellipi, ca ỹachaxanem, qam mashic nca'leetauec aso'maxare.

1 Corintios 15:9

Ma' ỹim qaica ca imaqachic, sqai shinta só'maq liỹa lelaatqaipi so Jesús, chaqai sqa taiguit quiyim qaỹamatahic ỹim lelaatec so'maxare, ma' socantac quen na'le ná'maq huelec ñi qota'a.

Gálatas 1:13

Qamiri shi'gue 'xahiteguelec dá'maq shintari' na' ñaqa shiquetalec dá'maq huelec na judioipi. Chaqai 'yiiñii da ỹonogoxonaxac quena' socanaxantapigui na mashic icoñiguit da la'qaatec ñi qota'olec, quiyim sahotaque ñalauajñi.

Efesios 1:1

Ỹim Pablo, ma' ỹimo' loỹaxanaxat ñi qota'a ỹauaaque quiyim aỹim lelaatec so Jesucristo. Ca' selatalo qamiri ana ỹerecse, ma' qamiri lalamaxarete' ñi qota'a chaqai viilec so Cristo Jesús, ñiita'ñi na na'a' lodegaxat Efeso.

Apocalipsis 17:6

Ca na'le, ca' yitan dá'maq 'neetari' aso 'aalo: quiñiuguetaxai, quiñiuguetqachit ná'maq leuoripi na lalamaxareteripi ñi qota'a chaqai ná'maq qaỹalauat, sauaxat quiyim ỹa'xatetac so Jesús. Ca na' seuanchigui dajo, ca' ỹaatqajam 'ue da i'laxa.