Hechos 26:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' so Agripa 'naaco' queso Pablo: —Qami' shichi' taxahi' quecá'maq 'ñirac. Ca' so Pablo nanojshiguim da lqai'laxat, ca 'ne'tegueyi da la'qaatec:

Hechos 26:1 Iomraidhean Croise

Proverbios 1:24

Ỹim soỹaxanalo qamiri, sale' qamiri quiyim nahiquena, qam qamiri se na'xaỹaxañiua'.

Ezequiel 16:27

Ca na'le, ca' ñanojshiguim da iqai'laxat, ma' sahotaque souaxañi'. Ca' sa'ue da re'xoriqui', tot sa'ue cá'maq viñisaque. Ca' saanougui qami' yi qomyipi filisteoipi, yi'maxare se nqo'ta qami' sauaxat dá'maq 'ñi'sari', qami' nayiloxo lahi'.

Juan 7:51

—Naua qanaqataxaco queso Moisés ỹa'xate' quiyim qomi' se sauqai ca lasauaxaset ca qom, quiyim saqa' 'au sa'xaỹaxa, quiyim sa'deenaq cá'maq ỹo'uet.

Hechos 22:1

—Qamiri ỹaqaỹarolqa, chaqai qamiri ita'alolqa, ñaq na'xaỹaxañiua' quedá'maq shim sa'xat caqamiri quedá'maq ño'ueenataxac.

Hechos 25:16

Qam na'le, ca shinac na nashillipi quena romano laseripi se ishit quiyim 'aualec ỹasenta quiyim qaỹalauat ca ncoñiiteguesec quiyim saqa' qailoxoỹaxañiguit cá'maq ncoñiitqororipi quiyim noqollicte'e' ma' qaretaqagui cá'maq qohintapega lasauaxaset.

Hechos 25:27

Ma' ỹaatqajam 'ec mesqai 'chiñi quiyim qailata ca ncoñiiteguesec quiyim se liỹaata nqohin cá'maq 'neeta ca lasauaxaset.

Hechos 26:2

—Ỹaatqajam ya'maqachiguiñi, ma' seshit setaqa quiyim seloqoisaxaguit qami' qarashi Agripa, quedá'maq sa'xat quedá'ogue dá'maq 'em na judioipi se yiuoten.

Hechos 9:15

Qam ñi qara'gaxala' 'naapego' so Ananías: —Mo'e', ma' ica'acsec ñi ỹale quiyim ỹa'xat da ỹeenaxat quená'ogue nanchaqaina ỹoreta'oguit qomyipi, chaqai quena lashillipi, chaqai vire'ta quena Israel laseripi.

Romanos 10:21

Chaqai na' so Isaías taalec nqai'en na Israel laseripi da la'qaatec ñi qota'a, 'neetasa': “Ỹaatqajam yá'ogue yi na'xa'a soỹaxantapega quiyim rapilliua' na se na'xaỹaxan qomyipi ná'maq ỹim npa'guene'e'.”