Hechos 24:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ma' qomi' sa'deenqata quiyim dajo ỹale ỹaatqajam se ralamqataxan quenaua'que naua lahil na 'laua. Ma' 'ue yi na'xa'a ỹora'chi nqai'en na qomyipi, ma' da'maxare lashi na na'deetau'a so Nazaret le'ec.

Hechos 24:5 Iomraidhean Croise

Ester 3:8

Ca' so Amán 'naaco' queso nashi Asuero: —Quiyim quená'ogue na na'aateripi quená'maq 'lauari hueeto'oto da rquesaxanaxa'e', qami' qarashi, ma' 'ue na noỹootetapeguec quena liỹaripi quená'maq se nachiñiguita naua loico na liỹaripi chaqai na'maxare se na'xaỹaxana da ra'qaachiqui'. Ca se ỹa'maxañi quiyim najo qomyipi ỹalequetaho queda ro'ueenataxanaxaqui' quiyim qami' nashi.

Jeremías 37:13

Ca na' ỹovita ñi lasom qaỹamata'gue Benjamín, ca 'ue so ỹale leenaxat Irías, llaalec so Selemías chaqai laual so Hananías, so'maxare nashi queso neloxoỹaripi, nollaañi so Jeremías, ca 'naaco': —¡Qami' sham 'irougui na caldeoipi!

Jeremías 38:4

Co'na'le, ca' so na'gaxalateripi 'nerapega so nashi: —'Maxaraic qaỹalauat ñijo ỹale, ma' naua la'qaatqa neualñi nqai'en na qanalliripi ná'maq ñaqai hueeta'ñi najo na'a' lodegaxat chaqai ná'ogue na qomyipi. Ñi ỹale se idaantaque ca lo'yaxanec quena qomyipi, ta'ta'a dá'maq se no'uen.

Amós 7:10

So Amasías, só'maq netaxaỹaxanqajnec quena' qaretaxaỹa'pegue' ñi qota'olec quiyi na'a' Betel, so'maxare ilata da la'qaatec so nashi quiyi 'laua Israel leenaxat Jeroboam, ca 'naac: So Amós queetegueñigui na qomyipi quena Israel, ỹa'xatetac na se no'uen caqami'. Ca' ná'ogue na senqatalec 'laua tot nalo'guit quiyim queetalec da letaxaỹaxac.

Mateo 10:25

Vichiguiño' ca napaxaguinatec ỹa'maqachigui quet lauel quiyim ỹovireta'a quiyim 'nejem ca napaxaguinatqo', chaqai ca nelaatec ỹovireta'a quiyim 'nejem ca na'co'. Ca no'm cá'maq nashi queca na'a' qaỹamata'gue lashi na se re'xogui lecmaxaiquipi, ¿mesqai pagueco' la'aaxa cá'maq qaỹamata'gue na llaalqaipi ma'le?

Mateo 2:23

Ca co'na' ỹovita yi'maxare, ca' quepegue' yi na'a' leenaxat Nazaret. Ca' dajo 'neeto' na'le, qaiyi ipaquichigui da ỹa'xate' saua letaxaỹaxaqui' ñi qota'a quiyim so Jesús qaỹamata'gue le'ec yi Nazaret.

Marcos 1:24

—¿Chi'negue ma' nishichirau'alo qomi', qami' Jesús, le'ec yi Nazaret? ¿Novichi' quenajo ma' viisaque quiyim huagaxachira'pe qomi'? Ỹim sa'den qami' quiyim qami' lalamaxaret ñi qota'olec.

Lucas 23:19

Qam sojo Barrabás qoỹanauguio' añi ncoñiitaxanaxaqui sauaxat co'na' npa'guene'e' so nashi hua'ñi yi na'a' lodegaxat Jerusalén, chaqai sauaxat quiyim lauataxanaxai.

Lucas 23:2

Ca' quiyi, ca qaỹa'uo' na qaimaxalec, qohinac quiyim lasauaxaset, ca qohinac: —Qomi' seuanqajlec dajo ỹale quiyim ỹaatqajam se i'maxañi nqai'en na qouo' laseripi. Chaqai 'neetapega quiyim se seshiuetenaq ñi lashi na nashillipi neeta'ñi yi Roma, chaqai 'naac quiyim chaqaida dá'maq nashi nca'laxaqui.

Lucas 23:25

Ca' ỹosouec só'maq ỹale qanca'atapegueu'a quesaua'maxare, só'maq qaicoñi' sauaxat co'na' npa'guene'e' so nashi chaqai ralauataxan. Ca' ỹaanec so Jesús quecá'maq shim 'neesa'gue saua'maxare.

Lucas 23:5

Qam saua'maxare ipaquera'a paguec lquesaxanaxa da ỹa'xate', 'nerac: —Ñi'maxare ỹasauaxatetecta' yá'ogue yi qomyipi na'ñi yi Judea queda lapaxaguinataxanaxac. Chicqochi'ñi yi Galilea, chaqai nagui, ca' novireta'a najo.

Hechos 15:5

Qam 'vio' saua dalaxaiqa qarqaỹa' naneresaugui na leenaxat fariseo. Ca nachaachiñi, ca 'neraco': —Na mashic ỹacoñiguit da na'qaatec quená'maq sqai judío ỹouen quiyim qaỹa'ue na netanec na loshicmaxa chaqai qui'ñigui na naqataxaquipi chicqochigui nqohin na'le so Moisés.

Hechos 21:28

ca ỹaualaxalec, 'naaco': —Qamiri ỹalliripi Israel laseripi, qarotauañii. Ma' najo ỹale chaqaina na ỹomate' naua 'lauari quiyim ỹapaxaguinta'pegue na qomyipi quiyim npa'guena'e' na qouo', chaqai na naqataxaquipi chicqo'ot nqohin so Moisés, chaqai qai'neeta najo qaro'ueenaxanaxaqui. Chaqai nagui inoxondougui nqai'ne' ana qaro'ueenaxanaxaqui saua sqai judío lase', chi i'nerari' napio'xote' najo co'teeta qalapooqo'.

Hechos 22:22

Ca' quiyi, ñaq qana'xaỹaxantapega so Pablo. Qam na'le, ca' ỹaualqagui so qomyipi, ca 'naaco': —¡'Maxaraic qaỹalauat da ỹale! ¡Se ỹa'maxañi quiyim nca'leetauec!

Hechos 24:14

Qam qaidaata sechoxoteta quiyim so'ueetetac da lo'ueenataxanaxac ñi qota'a queso 'auaxaic qareta'allipi, qam naua'maxare dajo 'neesapega se nateno ñicyaxac. Qam seuelec ná'ogue ná'maq naneretañi naqataxaquipi chicqo'ot nqohin so Moisés, chaqai so letaxaỹaxaquiripi ñi qota'a.

Hechos 24:4

Qam quiyim sqai eec da shinqata'pegue, ca qomi' sahoqotaque quiyim qouaqui' na'xaỹaxañiroxoua' queda qara'qaatec.

Hechos 25:7

Ca co'na' inoxono so Pablo, ca qanqo'neu'o' queso judioipi chicqa'gue da Jerusalén. Ca qohinapego' quená'maq qaimaxalec lasauaxaset, lodegaxat nqohin. Qam re'qoota quiyim sqai llic.

Hechos 26:5

Chaqai na'maxare qai'neeta ỹa'den, chaqai ishit ỹa'xat no'm ỹa'maxarenta, ma' na' llaqaỹim ne'necoqui' salequetapougui na judioipi, ỹaatqajam shiquichi'ñiguilo naua ñapaxaguinaxaco quena qohinac leenaxat fariseo, ná'maq paguec quiichi'ñigui na naqataxaquipi chicqo'ot so Moisés.

Hechos 28:22

Vichiguiño' nagui sahoqotaque ña'xaỹaxanaxa cá'maq 'neeta ca ra'deenataxanaxaqui', ma' sa'deenaq chicqote'ogalo da npa'guenaxac ana dalaxai qoyiquetaugui.

Hechos 5:17

Ca' so lashi na netaxaỹaxanqajanqaipi chaqai so lotauaripi naneretaugui na leenaxat saduceo, saua'maxare 'uo' da lpa'guenaxanqa'.

Hechos 6:13

Qaidaanapigui qai'neeta caua liỹa', qaỹahotaque quiyim se ỹa'maxañi ca ỹa'xate'. Ca 'neraco': —Najo ỹale ỹaatqajam sqai ỹaxanñi quiyim se no'uen na ỹa'xatetac, pa'guentac añi co'teeta no'ueenaxanaxaqui quena Jerusalén chaqai na naqataxaquipi chicqo'ot na'le so Moisés.

1 Corintios 11:19

Qam ¡quedajo sqaica roqollictaxan, ma' ỹouen quiyim neuagaxachiỹac ỹoreta'oguit na quiilec qom, qaiyi re'oq cá'maq ỹaatqajam huelec da na'qaatec!

1 Corintios 4:13

Se no'viiñi naua na'qaatqa qainaxalgoto qomi', qam qomi' 'ue da qareualaxavic quiyim saqatqatapegalo. Chaqai ỹovireta'a nagui quenaua seuqatauguilo na'xata' quiyim qomi' qohinta'que ca lete ná'maq mashic qainaxauec quena qomyipi.

1 Pedro 2:19

Ma' paguec la'maxa queca qom quiyim na'ñaxachiguit ca le'xoric quecá'maq qohinta'gue quiyim ỹa'deentapega ñi qota'a.