Hechos 24:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca' so nashi ỹa'ue da letanec quiyim 'naapega quiyim retaqa so Pablo. Ca' so Pablo retaqo', ca 'naaco': —Aỹim ỹaatqajam sa'maxarenta ñichoxota qami' nagui, ma' sa'den quiyim qami' canchaqaica se ỹa'maxañi, lotqai 'maxachiriñi quena seuqate'e, mashic shi'gom la'vii naua ñaxari.

Hechos 24:10 Iomraidhean Croise

Lucas 12:11

Ca ma' ỹovita quiyim qaraviguiu'a aca lapoxoqui na judioipi, loqo'm na nashillipi chaqai na na'gaxalateripi, qam sqai hueetapigui qavillii cá'maq 'xachii chaqai cá'maq 'ñiỹac.

Lucas 12:14

Qam so Jesús 'naaco': —Shinapega qami', ¿negue' ca ỹaanem aỹim ca ỹo'ueenataxanaxac quiyim ño'laaque ca nasauaxaset, loqo'm quiyim sasectaqchigui ca nesallaxa?

Lucas 18:2

Ca' 'naapegalo': —'Uo' so na'a' neeta'ñi so nimiitaxanaq quena nasauaxaset. So'maxare sqaica ca ỹauaaque ñi qota'olec chaqai ná'ogue na qomyipi.

Hechos 12:17

Qam so Pedro ỹa'ue da letanec quiyim i'maqajlec, nanojshiguim ada laua, ca' ỹa'xat dá'maq 'neeto' na' qanaqatec quiñi qara'gaxala' cañi ncoñiitaxanaxaqui. Ca 'naaco': —'Xachiỹo' dajo queca Jacobo chaqai queca liỹa qarqaỹaripi. Ca quiyi, ca' eec, ỹoqa'a ca taigue.

Hechos 13:16

Ca' so Pablo ne'laxashiguim, nanojshiguim ada laua, ỹahotaque quiyim so qomyipi i'maqajlem. Ca 'naaco': —Na'xaỹaxañiua', qamiri Israel laseripi chaqai ná'maq ỹa'den no'cha'a ñi qota'olec:

Hechos 18:15

Qam quecaua chi na'qaatqa, chaqai queca chaqai neenaxat, quedá'maq chi no'ueenataxaguii, da'maxare chi na'maxachiigui, ma' ỹim sqa ỹoiquenatec dajo.

Hechos 19:33

Qam 'vio' saua judío lase' ỹa'xajtem so Alejandro dá'maq 'neeta, ca' chaqaiso ỹamaxashiguim so judioipi quiyim retaqa. Ca' so Alejandro nanojshiguim ada laua, ma' ỹahotaque i'maxañi so qomyipi, ma' ỹahotaque qoshiilgoto saua'maxare queso qomyipi.

Hechos 21:40

Ca' so nouaataxanaq lashi ỹasene'tem quiyim retaqa. Ca' so Pablo nachajñi quiyi ñicshiguim. Ca ỹachaxanshiguim da lqai'laxat, ca i'maxañi nqai'en so qomyipi. Ca na' sá'ogue i'maxañi, ca retaqa, ỹahota'ahi naua judío la'qaatqa. Ca 'naaco':

Hechos 23:24

Chaqai relaataxanlec qaỹo'ueejlec ca lañaxala' so Pablo. Chaqai 'uo' da liỹa la'qaatec so nashi quiyim qaica ca qohine'tegue so Pablo, chi ỹovireta'a so nashi Félix.

Hechos 26:1

Ca' so Agripa 'naaco' queso Pablo: —Qami' shichi' taxahi' quecá'maq 'ñirac. Ca' so Pablo nanojshiguim da lqai'laxat, ca 'ne'tegueyi da la'qaatec:

1 Pedro 3:15

Ta'ta'a quiyim maqachiñii so Cristo quiyim la'gaxala' añi re'taxanatahi. Chaqai quiyim na'maxachitañi quiyim 'ue ca renachii quecá'maq 'maxaraic llicyaxac dá'maq naquitaxaguii, qam niñiiquishiñita chaqai se napacqajñii.

1 Samuel 2:25

Qamiri 'yiiñita quiyim no'm 'ue ca qom nasauaxate'e' ca liỹa, ca' ñi qara'gaxala' 'ue ca qoshiilec. Qam ca qom quiyim chaqaiñi ñi qota'olec hueeto'ot ca lasauaxaset, ca ¿negue' cá'maq qoshiilec ca'maxare? Qam saua'maxare se na'xaỹaxanta dá'maq 'naac so leta'a, ma' ñi qara'gaxala' chaqai 'negue, ma' ỹahotaque naqat da nachaalataxague' saua'maxare.