Hechos 24:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca co'na' ỹapaguerec saua cinco na'xata', ca' novita yi Cesarea so Ananías, lashi na netaxaỹaxanqajanqaipi. Liỹaata'pe saua liỹa' na'gaxalate' chaqai so letaxaỹaxanqajnegue' lqoshaxaua' leenaxat Tértulo. Ca' chaqaisaua saua ỹovirera'a so nashi Félix, nodo' só'maq qaỹahotaque lasauaxaset so Pablo.

Hechos 24:1 Iomraidhean Croise

Hechos 12:21

Ca' so Herodes ỹa'uo' so laloqojnec na'xa'a quiyim lapoỹata' sá'ogue so qomyipi. Ca co'na' ỹovire'oga sojo na'xa'a, ca' no'uet, ỹañiñi saua no'ueetaxaqui' nashi loho. Ca' nqa'xanñi caso nashi nqa'xanaxaqui, ca ỹa'uo' da la'qaataxanaxac.

Hechos 21:27

Qam co'na' ipalasauec saua siete na'xata', ca 'vio' saua judío lase', chicqora'gue da 'laua Asia iuanterelec so Pablo hueetaugui añi no'ueenaxanaxaqui. Ca ỹo'ueete' na la'aaxa quesá'ogue so qomyipi. Qai'guentau'a so Pablo,

Hechos 23:2

Ca' so lashi na netaxaỹaxanqajanqaipi, leenaxat Ananías, 'naapegalo saua huaqase'e' so Pablo quiyim qaỹouaxanougui na lap.

Hechos 23:24

Chaqai relaataxanlec qaỹo'ueejlec ca lañaxala' so Pablo. Chaqai 'uo' da liỹa la'qaatec so nashi quiyim qaica ca qohine'tegue so Pablo, chi ỹovireta'a so nashi Félix.

Hechos 23:30

Chaqai na' sa'den quiyim qaretaqatapigui qaỹalauat, ca' chaqaida dá'maq 'em selata qami'. Chaqai shinapega na judioipi ná'maq qohintapega chicqaugui ca lasauaxaset, na'maxare quiyim qaretaqagui, 'qa'isapega qami'. Hua', ca' chaqaidaata.”

Hechos 23:33

Ca co'na' qaỹovita yi Cesarea, ca qoỹaanem aso lere so nashi. Chaqai qai'neeta so Pablo qoỹaano.

Hechos 23:35

ca 'naapego': —Ña'xaỹaxana qami' ma'le, ma' novi' cá'maq chicqaugui da ncoñiitaxaqui'. Ime, ca relaataxanlec quiyim qaỹauegueu'a cá'maq ñauapec lauo' ca nashi leenaxat Herodes, qam ỹa'ue so neloxoỹaq.

Hechos 24:11

Ma' 'vio' caua doce na'xata' quiyim sovira'a yi Jerusalén. Ma' sahotaque quiyim ñqouagaxainot ñi qota'olec. Ca' chaqaqami' shichi' nataxañitegue dajo.

Hechos 24:2

Ca co'na' qanaueguec so Pablo, ca' so Tértulo chaqa'ma' pataqategueñi retaqa ỹa'xat da lasauaxaset, ỹa'xatem so Félix, 'naac: —Qami' qarashi, chicqochigui qami' da qareuaagaxa chaqai qara'maqachiguiñi, ma' ỹa'maqachiguiñi da ro'ueenataxanaxaqui', ma' ỹaatqajam 'ue na 'yiiñi'.

Hechos 25:15

Qam cana' seueta'gue da Jerusalén, ca anagata' na lashillipi na netaxaỹaxanqajanqaipi chaqai na na'gaxalateripi quena judioipi. Ca qanodou'a aỹim ca nashiilaxanaxac quiyim sa'maxarenta quiyim qaỹalauat ñi'maxare.

Hechos 25:2

Ca' quiyi 'ue da lashiilaxanaxac queso Pablo so lashillipi na netaxaỹaxanqajanqaipi quena' qaretaxaỹa'pegue' ñi qota'a chaqai na judioipi paguec leta'allipi.

1 Corintios 2:1

Vichiguiño' qamiri ỹaqaỹa', na' sovitalo qamiri, ca sa'qaataxanalo qamiri queda lliqueta na'qaatec chicqo'ot ñi qota'a, qam se souene' naua la'qaatqa na 'ue na ỹa'den, chaqai naua qalaraqa na'qaatqa.

1 Corintios 2:4

Vichiguiño' na' setaqatac sa'xatetac da na'qaatec, qam se sahota'ahi caua 'deenaxanqachaqaic la'qaatqa, qaiyi ma' pi'iỹa'a da na'qaatec, qaisoota chicqo'ot so Espíritu Santo chaqai da lquesaxanaxa ñi qota'a.