Hechos 23:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' so Pablo co'na' idaanaugui so nashillipi, ca 'naaco': —Qamiri ỹaqaỹarolqa, ñaqai queeta quiyim qaica ca ño'uenegue ỹasauaxaset quiñi qota'olec, chi ỹovireta'a najo na'xa'a.

Hechos 23:1 Iomraidhean Croise

Mateo 5:22

Qam ỹim shinac caqamiri, canchaqaica quiyim ro'ỹa ca lqaỹa, ca' ca'maxare qaỹa'ue ca nouaxanaxaset. Chaqai cá'maq ishiuen ca lqaỹa, ca' qaỹauega'a ná'maq nashillipi ỹo'ueetegueñi na leloxoỹaxaquipi, ca' qaimit. Chaqai cá'maq 'naac sqaica ỹa'den ca lqaỹa, ca' ca'maxare hueetalec ca lichic quiyim taañigui nqohin ca norec, cá'maq hua'ñi quiyim ñi qota'a ỹo'uet ca nouaxanaxaset na hualoxonyipi.

Hechos 22:1

—Qamiri ỹaqaỹarolqa, chaqai qamiri ita'alolqa, ñaq na'xaỹaxañiua' quedá'maq shim sa'xat caqamiri quedá'maq ño'ueenataxac.

Hechos 22:30

Ca' queso liỹa na'xa'a, ma' so nouaataxanaq lashi ỹahotaque ỹa'den cá'maq 'neeta quiyim na judioipi noquiaatapega so Pablo, ca' naqate' saua caréna queso'maxare. Ca lapoonta' sá'ogue so nashillipi ỹo'ueetegueñi na leloxoỹaxaquipi, ca qaỹaueguec so Pablo quiyí'maq hueesa'ñi saua'maxare.

Hechos 22:5

So lashi na netaxaỹaxanqajanqaipi chaqai ná'ogue na na'gaxalateripi ỹa'deenta quiyim chaqaiso so sachigoxotaugui aso lere nañaañim tai'a yi qarqaỹaripi judío laseripi neeta'ñi yi na'a' leenaxat Damasco. Ca' ỹim shicpegue' yijo, sedaantaque na mashic icoñiguit da na'qaatec, ca ñauegueu'a na Jerusalén. Ca' quiyi, ca' qaỹouaxan.

Hechos 23:15

Vichiguiño' nagui qamiri nashillipi chaqai na liỹa na'gaxalateripi, shiilahi ñi nouaataxanaq lashi quiyim ma' nete'e qaỹauegue'ogalo qamiri ca Pablo. Qam 'ñiỹapega ca nouaataxanaq lashi quiyim qaỹahotaque ỹaatqajam qaretaqachigui ca 'neeta so Pablo. Ca' qomi' ña'maxatqatañi quiyim salauataq, ma' saqa' novita najo.

Hechos 23:20

Ca' so ne'nec 'naaco': —Na'deentecta' yi judío laseripi quiyim rashiilaxanegue viquirec nete'e ñi Pablo, viquire'ga yi nashillipi, ma' qaỹahotaque ỹaatqajam qaretaqachigui ca 'neeta ñi'maxare.

Hechos 23:28

Ma' sahotaque quiyim sa'den cá'maq lasauaxaset na'maxare, ca sauegueu'a yí'maq judío lashillipi.

Hechos 23:6

Ca' so Pablo retan quiyim 'vio' saua nashil ỹalequesaho naneresaugui na leenaxat fariseo, ỹalequesa'guit so liỹa naneretaugui na leenaxat saduceo. Ca ỹa'uo' da la'qaatec so Pablo, qam nelamaxaren, 'naaco': —Qamii ỹaqaỹa', aỹim fariseo le'ec, sachicqaugui na fariseo. Ca' nagui qayimitetac, ma' sasouetapigui da ñaquitaxac quiyim liỹa qanca'laxatec ná'maq ileu.

Hechos 24:16

Vichiguiño' yiuogoq quiyim qaica ca ñauataque ỹasauaxaset quiñi qota'olec chaqai quena qomyipi.

Hechos 6:15

Ca' so nashillipi chaqai sá'ogue só'maq nqa'xantañi quiyi'maxare, co'na' ra'ỹo'ot so Esteban, ca ỹoqa'a na lashic, 'nejem na lashicyaxac na chicqashiguim qota'a lelaatec.

1 Corintios 4:4

'Nesa quiyim dá'maq quiyim ña'deenteguelta' se ishit yayilqochit, qam se seshit quiyim sa'aualec quiyim shinac qaica ca ỹasauaxaset. Ma' so qara'gaxala' Jesús chaqaiso só'maq imit aỹim ma'le.

2 Corintios 1:12

Ca dá'maq ỹo'uet da qanetoonaxac 'neetasa': quiyim queda chi qano'ueenataxac sa'deenqata quiyim ña'maxatqata qolqatalec dá'maq ỹaatqajam leloxoỹaxac da na'qaatec na' ñaq salecqataugui ná'ogue na qomyipi quena 'laua, qam paguec na' salecqatauguilo qamiri. Ca' quedá'maq lqouagaxa ñi qota'a, ca qarotauantac quiyim shinqatari' dajo, qam dajo mesqai chicqaugui da chi qara'deenaxanaxa.

2 Corintios 4:2

Ná'maq qaỹo'uet, qam qoỹoxotetañi, ca' se seconaxaguit, chaqai ná'maq ỹo'uet ca nayiloxo. Se sayinaxanqatac, chaqai se saỹoxosoxonqasapeguec naua la'qaatqa ñi qota'a. Ta'ta'a quiyim qaidaata dá'maq lliqueta dá'maq sa'xatqatac, ca' canchaqaica quená'ogue na qomyipi qara'deenta, ca' dajo ỹa'ajantac ñi qota'a.

2 Timoteo 1:3

Quiyi pe chaqai yi na'xa'a quena' ñqouagaxaintac, ca' so'leenta'oga qami'. Lotqai saantacot da ña'aachic ñi qota'a ñí'maq so'ueeteta'pe naua la'qaatqa, chaqai quiyim sa'deenta quiyim qaica ca ỹasauaxaset quiñi'maxare. Ca' chaqaida dá'maq 'neeta só'maq 'auaxaic ita'allipi.

Hebreos 13:18

Nqouagaxaiñitalgoto qomi', ma' qomi' qaica quet cá'maq huapigui qouel, ma' sahoqotaque quiyim ña'maxatqata quená'ogue.

1 Pedro 3:16

Na'maxachita quiyim qaica canchaqaica huapigui qavillii, qaiyi ná'maq se no'uen ná'maq ỹa'xatetac quiyim mashic coñiguit da na'qaatec queso Cristo, ca nayiloxonlgoto ma'le nauá'maq chi la'qaatqa.