Hechos 22:3 - La'qaatqa ñi qota'olec Qota'olec & Qota'olec Novita Na Qomyipi

³ —Aỹim judío le'ec. Ñi'xaỹoqsoqo' yi Tarso huaugui yi 'laua Cilicia. Qam seỹa'ñi najo Jerusalén, chaqai ñapaxaguinqo' so Gamaliel, ỹapaxaguinegue aỹim ná'ogue na nelaataxanaxaquipi nachiñi'chiguit quesaua 'auaxaqa sachigoxosqauguilo. Vichiguiño' 'ue da iuogoxo quiyim so'ueenataxanot ñi qota'olec quiyim ỹaatqajam somato'ot añi i'taxanata, chaqai 'nejem qamiri nagui quenajo na'xa'a.

Hechos 22:3 Iomraidhean Croise

Lucas 10:39

Qam aso Marta 'uo' aso lqaỹa leenaxat María. Ca' so'maxare nqa'xanñi, ne'toto naua lichil so Jesús, ca na'xaỹaxantapega ná'ogue na ỹa'xatetac so'maxare.

Lucas 2:46

Ca co'na' mashic ỹovirerec saua tres na'xata', ca' qaỹanata so'maxare, hueetaugui aso no'ueenaxanaxaqui late'ogue', nqa'xantañi, reloqotaugui só'maq rapaxaguinataxanta'pegue na nelaataxanaxaquipi, na'xaỹaxantapega chaqai 'uo' na nenataxanaxaquipi.

Lucas 8:35

Ca' na qom eec, ra'ajnaxane'oga ca hua'ñi dajo. Ca co'na' ỹovita yi hueete'e so Jesús, ca qaiuanejlec so ỹale só'maq chicqaugui so ne'ec lecmaxaiquipi, nqa'xantañi, neeto'oto naua lichil so Jesús, ỹansañi naua loho, chaqai mashic no'ueenta. Ca' ỹaatqajam 'ue da lqolonaxa.

Hechos 11:25

Ca co'na' ime dajo, ca' so Bernabé taigue da Tarso, idaanaque so Saulo. Ca co'na' ỹanata, ca ỹauec, taategue da Antioquía.

Hechos 15:23

Ca' chaqaisaua saua i'xate' nqohin aso lere. 'Ne'tegueyi da hueetalec: “Qomi' lelaatqa so Jesús chaqai naua na'gaxalate' chaqai ná'ogue ná'maq mashic ỹacoñiguit da na'qaatec, qariquinaxanaxac queca qarqaỹaripi mesqai judioipi neeta'ñi yi Antioquía, chaqai yi 'laua leenaxat Siria, chaqai qai'neeta yi Cilicia.

Hechos 15:41

Ca' queetetegue yi Siria chaqai yi Cilicia, queesagui ana no'ueenaxanaxaquiripi, ỹa'ñaxatesac na nqaỹaripi.

Hechos 21:20

Co'na' qara'xaỹa dajo, ca sá'ogue imaqachin ñi qota'olec. Ca qohinapega so Pablo: —Hua', qami' qarqaỹa, ỹaatqajam 'yiiñite' quiyim 'xoic na judioipi mashic ỹacoñiguit da na'qaatec, ca ná'ogue na'maxare 'xoic lepagaxallic quiyim ỹouen qoyiquichi'ñigui na naqataxaquipi chicqo'tot nqohin na'le so Moisés.

Hechos 21:39

Qam so Pablo 'naaco': —'E', ỹim judío le'ec, mese reto yi ña'xaỹoqsoqo' na'a' Tarso huaugui yi 'laua Cilicia. Qam qouaquiric quiyim yashiñi' quiyim setaqaugui na qomyipi.

Hechos 23:34

Ca na' ime retaqalec aso lere so nashi, ca' inat so Pablo negue' ca chicqa'gue. Ca co'na' ỹa'den quiyim Cilicia le'ec,

Hechos 23:6

Ca' so Pablo retan quiyim 'vio' saua nashil ỹalequesaho naneresaugui na leenaxat fariseo, ỹalequesa'guit so liỹa naneretaugui na leenaxat saduceo. Ca ỹa'uo' da la'qaatec so Pablo, qam nelamaxaren, 'naaco': —Qamii ỹaqaỹa', aỹim fariseo le'ec, sachicqaugui na fariseo. Ca' nagui qayimitetac, ma' sasouetapigui da ñaquitaxac quiyim liỹa qanca'laxatec ná'maq ileu.

Hechos 26:5

Chaqai na'maxare qai'neeta ỹa'den, chaqai ishit ỹa'xat no'm ỹa'maxarenta, ma' na' llaqaỹim ne'necoqui' salequetapougui na judioipi, ỹaatqajam shiquichi'ñiguilo naua ñapaxaguinaxaco quena qohinac leenaxat fariseo, ná'maq paguec quiichi'ñigui na naqataxaquipi chicqo'ot so Moisés.

Hechos 26:9

Ỹim qai'neeta quesom 'xoic quen na sahotaque shine'tegue ná'maq quelec quiyim huelec da leenaxat so Jesús, Nazaret le'ec.

Hechos 5:34

Qalaxam queso nashillipi 'uo' so ỹalequetaho fariseo, leenaxat Gamaliel. So'maxare napaxaguinataxanaq quena nelaataxanaxaquipi, ma' so'maxare na qomyipi ỹapacauec nqai'en. So'maxare nachajñi, ca 'naapegalo quiyim qaỹaueguere'oguiyi lecocho'qui' saua lelaatqa so Jesús.

Hechos 6:9

Ca 'vio' saua ỹale' naneresau'a añi napoonaxanaxaqui leenaxat lapooqo' na qaỹosouec na'aquipi, chaqai saua liỹa' chicqora'gue da Cirene, da Alejandría, da Cilicia, chaqai da 'laua Asia. Ca' chaqaiso só'maq retaqata'guit so Esteban.

Hechos 9:1

Qam ñaqaiso so Saulo queetalec quiyim ỹadentalec ná'maq huelec so qara'gaxala' Jesús. Vichiguiño' quepegue' so lashi na netaxaỹaxanqajanqaipi,

Hechos 9:11

Ca' so qara'gaxala' 'naapego' so Ananías: —Ne'laxachirishiguim, ca quirepegue' so nayic, leenaxat Ỹalamqata. Ca ma' vichita yi la'a' ca Judas, ca nataxañiraque ma'le ca ỹale, leenaxat Saulo, chicqa'gue da na'a' Tarso. Ma' ñi'maxare nqouagaxaintac.

Hechos 9:30

Qam co'na' ỹa'den dajo so nqaỹaripi, ca qai'xat so Saulo queda Cesarea. Ca' quiyi, ca qailategue da Tarso.

Romanos 11:1

Nagui, ca' senataxan: ¿Peeta'a ñi qota'olec tot icoñiguito' nagui so Israel laseripi só'maq lalamaxareteripi? ¡'E', mesqaida! Ma' ỹim qai'neeta ỹim Israel le'ec, ỹim lauo' le'ec so Abraham, chaqai sachigoxougui na llaalqaipi so laual Benjamín.

2 Corintios 11:22

¿Na'maxare peeta'a hebreo laseripi? Ỹim liỹa. ¿Na'maxare chicqaugui so llaalqaipi so Israel? Ỹim qai'neeta. ¿Na'maxare lauaripi so Abraham? Ỹim qai'neeta.

Gálatas 1:14

Ca quedá'maq queetalec quiyim huelec na judioipi na' ñaq salequetaugui, ca 'xoic ná'maq quena chi ñaloxouaripi quená'maq chi iuo' laseripi ñapacalec, ma' ỹim ná'maq ỹaatqajam sa'maxate' nauá'maq lapaxaguinataxanaxaco so 'auaxaic qareta'allipi.

Gálatas 1:21

Ca na' ime dajo, ca shicpegue' yi 'laua Siria chaqai yi Cilicia.