Hechos 21:9 - La'qaatqa ñi qota'olec Qota'olec & Qota'olec Novita Na Qomyipi

⁹ So Felipe 'vio' saua cuatro llaale saqa' o'ne'. Saua'maxare ỹa'xaterac na la'xaỹaxague' chicqotacot ñi qota'a.

Hechos 21:9 Iomraidhean Croise

2 Reyes 22:14

Ca' so Hilcías, Ahicam, Acbor, Safán chaqai so Asaías querepegue' aso 'aalo qota'olec letaxaỹaxaqui Hulda, loua so Salum, llaalec so Ticva chaqai laual so Harhas, neloxoỹaq queso nooỹac lomala' queso no'ueenaxanaxaqui. So Hulda na'ñi yi liỹa 'imqaipi quiyi Jerusalén. Ca na' qaitaxaỹaxanac,

Éxodo 15:20

Co'na'le, ca' aso qota'a letaxaỹaxaqui leenaxat María, lqaỹa so Aarón, icona aso nasaquinata. Ca' sá'ogue so liỹa 'aallipi coỹaretalec rasoteta chaqai ỹasaquintapigui aso nasaquinata.

Joel 2:28

Ca na' ime'ueque dauajo, ca' socorougui so ñi'espíritu ná'ogue na ỹoreta'oguit qomyipi: na qachaalaxahipi chaqai na qachaallipi ỹa'xate' naua ỹa'qaatqa, na qo'xoiquipi 'ue ma'le ca le'guemataxac chaqai na ne'naqaipi 'ue ma'le na leuanaxanaxac.

Lucas 2:36

Chaqai hueeta'ño'yi aso 'aalo mashic la'qaataxanqajna ñi qota'a. Aso'maxare mashic ỹaatqajam qo'xoỹom, leenaxat Ana. Aso'maxare llaale so Fanuel, chicqaugui so llaalqaipi so Aser. Qam aso'maxare 'óno' na' llaq nequetegaxai, qam ỹovite' siete ñaxari quiyim reloqota'guit ca loua.

Hechos 13:1

Quená'maq mashic ỹacoñiguit da na'qaatec neeta'ñi yi na'a' Antioquía mashic 'uo' na qota'a letaxaỹaxaqui chaqai na napaxaguinataxanaq. Quesaua'maxare 'uo' so leenaxat Bernabé, chaqai so Simón (na'aamataxat Hueraic) chaqai so Lucio, Cirene le'ec, Manaén (naquetashi'me' nauegaxaua so Herodes só'maq nashi quiyi Galilea) chaqai so Saulo.

Hechos 2:17

Cauajo pa'aaterec na'xata', 'naac ñi qota'olec, saanec na ñi'Espíritu Santo, socorelec ná'ogue na qomyipi; ca ra'qaataxan na ñaalqaipi, ỹale chaqai ana 'aalo ỹa'xat da ỹa'qaatec, chaqai na ne'naqaipi 'ue na leuanaxanaxac, chaqai na qo'xoiquipi 'ue na le'guemataxac.

1 Corintios 7:38

Vichiguiño' cá'maq ỹo'naxan aca llaale ỹa'maqachiguiñi da 'ne'tegue, chaqai cá'maq se ỹo'naxan aca llaale paguec la'maxa da 'ne'tegue.

Apocalipsis 2:20

Qam 'ue dá'maq se sa'maxaren caqami'. Ma' qami' 'xañisac añi 'aalo leenaxat Jezabel ma' 'naac letaxaỹaxanqajna ñi qota'a. Qam ỹayintac na ilaatqaipi queda lapaxaguinataxanaxac, ma' que'uegue nqai'en da nedequenaxac, chaqai quiyim ỹa'ic ná'maq nachitaxanataxanaxat mashic qoỹaanot ca nashiilec nqolac.

Jueces 4:4

Ca' quesauajo na'xata' so Israel llaalqaipi qareloqota'a caso 'aalo qota'olec letaxaỹaxaqui, leenaxat Débora. Aso'maxare loua so leenaxat Lapidot.