Hechos 21:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca' queso liỹa na'xa'a so Pablo chaqai qomi' qolaq, ca sovitaxa yi na'a' Cesarea. Ca' quiyi, ca qolaqpegue' yi la'a' so Felipe. So'maxare ỹodac da na'qaatec chicqaugui da nca'laxa, chaqaiso' so liỹa' saua siete 'auaxaqa nca'acse' quiyim notaua', ca senqa'anyi.

Hechos 21:8 Iomraidhean Croise

Hechos 10:1

'Uo' so ỹale leenaxat Cornelio na'ñi yi Cesarea. So'maxare nouaataxanaq lashi, reloqota'a so cien nouaataxanaq qaỹamata'gue Italia laseripi.

Hechos 16:10

Ca co'na' so Pablo 'ue so leuanaxanaxac, ca na'maxachiñi quiyim taategue da Macedonia, ỹaatqajam i'taxachiriñi quiyim ñi qota'olec roỹaxantapegalo quiyim ỹa'xate' queca qomyipi da na'qaatec chicqaugui da nca'laxa.

Hechos 16:13

Ca na' ỹovire'ga so na'xa'a co'mataxaqui, ca saxai'ogue da lahi yi na'a', ca qolaqpegue' na lahi aso lachiugue, ma' 'uo' yi napooqo' qouagaxainqa'. Na' sovitaxa, ca ñqa'xanaxañi, ca saanqaem da na'qaatec so 'aallipi hueeta'anyi, lapoota'ta'.

Hechos 16:16

Ca 'uo' so liỹa na'xa'a na' qolaqpegue' yi qouagaxainqa', ca ñatenqa'chiguit aso nequetegaxai 'uo' so le'ec idaanau'alo naua 'ueenataxaco. Chaqaso' aso rauegaxantapigui so na'cororipi, ma' na'á aso'maxare, rauegaxañigui quiyim ra'ỹaauec nanchaqaina.

Hechos 18:22

Ca co'na' ỹovita yi Cesarea, ca so Pablo quepegue' yi Jerusalén riquinaxana so mashic icoñiguit da na'qaatec. Ca co'na' ime, ca quepegue' yi Antioquía.

Hechos 20:13

Ca qomi' ñoqotqau'a aso qom lahi' huaxaỹaqse, sa'auqata'a yi Asón, ma' sahoqotaque ñiconaxashiguim so Pablo. Ma' chaqaida dá'maq qana'deenaxac, ma' so'maxare ỹahotaque co'ueetañi.

Hechos 20:6

Ma' qomi', qam ñauaanqata'a quiyim ime so lapoxoc quena' qaỹa'ic na pan se qaỹa'ue aca lalequete pi'chigui nqai'en. Ime, ca' lotqai qolaq, sachigoxosqochi'ñi yi Filipos, senqatañigui aso qom lahi' huaxaỹaqse. Quesaua cinco na'xata', ca soviraqalgoto saua qariỹa' quiyi Troas. Ca senqa'anyi siete na'xata'.

Hechos 21:16

Ca' 'vii saua qariỹa' mashic ỹaconchiguit da na'qaatec chicqora'ñi yi Cesarea. Ỹalequetauguilo so 'oonoqui' ỹale leenaxat Mnasón, ne'xaỹoqsoqo' yi Chipre. So'maxare mashic shi'gom ỹacoñiguit da na'qaatec. Chaqaiso só'maq 'naac senqa'ñi ca la'a' ma' soviraq.

Hechos 23:23

Ca' so nouaataxanaq lashi roỹaxanalo saua dos lotaua', ca 'naapegalo quiyim na'maxajñi nqai'ne' ca doscientos nouaataxanaq co'ueetañi, chaqai ca setenta neetashiguim, chaqai ca doscientos ỹahote'e laqui, chaqai ma' ncopau'gue ca pe, ca' eec, taigue da Cesarea.

Hechos 27:1

Ca co'na' ỹovita ca laloqo' qailateguelo qomi' da Italia, ca so Pablo chaqai so liỹa ncoñiitecseripi qoỹaanem so nouaataxanaq lashi, leenaxat Julio. Sojo leloxoiqatecsec sá'ogue so nouaataxanaq só'maq qoỹanegue leenaxat nalliripi so Augusto.

Hechos 28:11

Ca' mashic ỹovi' tres shiriguiri senqata'ñi aso delec, qam mashic ime'uegue so no'oomaxa. Ca yinotaxaugui aso qom lahi' huaxaỹaqse, lase yi Alejandría, hueesalec saua nadenqatqa lqui'il saua nashiilqa, leenaxate' Cástor chaqai Pólux.

Hechos 28:16

Ca na' sovitaxa yi Roma, ca' so nouaataxanaq lashi ỹaano so ncoñiitecseripi queso neloxoỹaq cañi ncoñiitaxanaxaqui. Qam so Pablo qaỹoỹooteta'oga cá'maq chi la'a', ca' qaỹa'ue so 'oonoqui' nouaataxanaq le'ec reloqota'a.

Hechos 6:5

Ca sá'ogue ỹa'maxarenta dajo. Ca qanca'au'a so Esteban só'maq no'qaachigui queda lpi'ỹaxac chaqai quiñi Espíritu Santo, chaqai so Felipe, so Prócoro, so Nicanor, so Timón, so Parmenas, chaqai so Nicolás só'maq na'ñi yi Antioquía. So'maxare shi'co' quen huelec da lo'ueenataxanaxac na judioipi.

Hechos 9:30

Qam co'na' ỹa'den dajo so nqaỹaripi, ca qai'xat so Saulo queda Cesarea. Ca' quiyi, ca qailategue da Tarso.

Efesios 4:11

Ca' ỹa'ue na ỹaanem quiñi 'óna, 'ue na ỹaanem quiyim lelaatec so'maxare, chaqai 'ue na letaxaỹaxaquiripi nqai'en ñi qota'a, chaqai na liỹa ca' ỹa'xatetac da na'qaatec chicqaugui da nca'laxa, chaqai 'ue ná'maq la'gaxala' ná'maq mashic icoñiguit da na'qaatec, chaqai na napaxaguinataxanaq.

2 Timoteo 4:5

Qam qami' ỹaatqajam na'maxachite', chaqai na'ñaxachichiguit da re'xoriqui', quirelec 'xachisac da na'qaatec chicqaugui da nca'laxa, repaquiterelco' da ro'ueenataxanaxaqui'.