Hechos 21:5 - La'qaatqa ñi qota'olec Qota'olec & Qota'olec Novita Na Qomyipi

⁵ Qam na' ỹovirerec saua siete na'xata', lotqai qolaq. Ca' so mashic ỹacoñiguit da na'qaatec ná'ogue na 'aallipi chaqai na ñaaqaipioqui' coỹarerauec qomi' queda lahi yi na'a'. Ca' quiyi lqodoc añi huaaxai, ca qomá'ogue sa'daqachiriñi naua qare'cootal, ca ñqouagaxainaq.

Hechos 21:5 Iomraidhean Croise

1 Reyes 8:54

Ca co'na' so Salomón ỹomat da nqouagaxainaxac ỹaualqatacot ñi qara'gaxala', ỹa'deeso'oto naua le'cootal aso ncopatoxonaxalate, ỹiquesashiguim naua lqai'laqate'.

Nehemías 12:43

Ca' quesojo na'xa'a ỹaatqajam 'xoic so qaỹavigaxat nachitaxanataxanaxat, chaqai so qomyipi ỹaatqajam 'xoic da netoonaxac, ma' ñi qota'olec ñí'maq ỹaatqajam netoon nqai'en. Ca' na 'aallipi chaqai na ñaaqaipioqui' qai'neeta netoontagui, ca' da netoonaxac ná'maq neeta'ñi yi Jerusalén ỹaatqajam qoỹoqo'tegue da lelamaxa. (12.44—13.31 Sauá'maq lo'ueenatqa so Nehemías.)

Salmos 95:6

Ỹalahi, sa'daqaiñi naua qare'cootal; sa'daqoto naua qare'cootal ñi qara'gaxala', ma' ñi'maxare qomi' lo'ueenatqa.

Mateo 14:21

Ca so qomyipi que'eetaco' na'le ỹovi' cinco mil ỹalliripi, qam se qanaloqojna'oga so 'aallipi chaqai so ñaaqaipioqui'.

Marcos 1:40

Ca 'uo' so ỹale rishiita na loshicmaxa nqo'neu'a so Jesús. Ca ỹa'chi'iño' naua le'cootal, ca 'naaco': —No'm 'maxariñi', ca' shichi' quiyim yomachirec quena yalolaxa.

Lucas 22:41

Ime, ca' so Jesús noỹootec quesaua'maxare, ca na' ỹoxe'gauc, ca' ỹa'chi'iñi naua le'cootal, ca' nqouagaxain.

Hechos 15:3

Ca ilate' saua'maxare só'maq mashic ỹacoñiguit da na'qaatec na'ñi yi Antioquía. Qam co'na' que', ca queeterelec yi 'laua leenaxat Fenicia chaqai Samaria, ỹa'xatesac dá'maq 'neeta quená'maq sqai judío mashic ỹaxanñi da 'auaxaic no'ueenataxac, ca' quelec ñi qota'olec. Ca' so nqaỹaripi ỹaatqajam 'xoico' da netoonaxac co'na' 'ue da la'xaỹaxac.

Hechos 17:10

Ca co'na' mashic pe, so nqaỹaripi nquipitaxandec so Pablo chaqai so Silas quiyim inoxonaxaterec. Ca taategue da Berea. Ca co'na' ỹovite', ca querepegue' añi lapoxoqui na judioipi.

Hechos 20:36

Ca co'na' ime dajo, ca' so Pablo ỹa'yi'iñi naua le'cootal, ca sá'ogue nqouagaxain.

Hechos 20:38

Ca ỹaatqajam 'xoic na lachicoxo, ma' so'maxare 'naaco' quiyim tot liỹa neuañiguit. Ime, ca' qaicoỹarauec, qaỹoviraqta'oga aso qom lahi' huaxaỹaqse.

Hechos 9:40

Ime, ca' so Pedro inoxonaqtec sá'ogue so qomyipi. Ca ỹa'yi'iñi naua le'cootal, ca nqouagaxain. Ime, ca ra'iitalec aso 'aalo shi'gue ileu. Ca 'naapego': —Tabita, ne'laxachirishiguim. Ca so'maxare chi naviqueterec naua nqote', ca co'na' ra'i'tot so Pedro, ca' nqa'xanñi.

Josué 24:15

Qam no'm sqai 'maxariñii quiyim quiilec ñi qara'gaxala', ca' nagui, ca' nca'aiua'a cá'maq viitaque quiilec, na nqolaquipi ná'maq imaqachintac na'le so 'auaxaic qataa'illipi na' neetalec da lahi aso lachiugue Eufrates, loqo'm na lqolaquipi na amorreoipi, ná'maq ñiitañigui qamiri nagui. Qam ỹim chaqai na ỹaalqaipi qolaxalec ñi qara'gaxala' qota'olec.