Hechos 21:3 - La'qaatqa ñi qota'olec Qota'olec & Qota'olec Novita Na Qomyipi

³ Ca na' qolqata, ca sedaanqatau'a ada delec leenaxat Chipre, spa'xanqata'gue da qanemaq, ma' saaqata'gue da Siria. Qam cana' ỹovi' aso qarahi' taatou'a yi ñigaxasom leenaxat Tiro. Ca' quiyi, ca qaniỹoxoñi so li'ỹaac.

Hechos 21:3 Iomraidhean Croise

Salmos 45:12

Llaale ñi nashi quiyi na'a' lodegaxat Tiro, yí'maq paguec nesallaxanec quena qomyipi ỹahotaque na lame, sha'apiguito' rqouaquitegue.

Isaías 7:2

Ca queco'na'le, ca' qaỹodo da la'xaỹaxac so nashi Acaz chaqai so llaalqaipi, qohinaco': —So sirioipi na'deene'e' so na'ñi yi Efraín. Ca' so nashi chaqai so qomyipi i'loxol, 'ec na 'oochi i'loxol quena' 'ue na nonot.

Mateo 11:21

—¡Ỹaatqajam chalego re'xoriguii, qamiri ñiỹa'ñi na na'a' Corazín! ¡Chaqai ná'maq neeta'ñi na na'a' Betsaida! Ma' quetqai hua'ño' yi na'a' Tiro chaqai yi Sidón ná'maq qaỹo'uet se qaiuanapega quená'maq qaỹo'uet na'le caqamiri, shi'gue quet ỹaxañiñi naua lanatqa, chaqai nachaxanta queta'le ỹañiñi caua noho nasouaxaqui', chaqai nemeetalta' quena lo.

Mateo 4:24

Ca ỹovira'gue da na'qaataxac so Jesús yá'ogue yi 'laua Siria. Ca qanoda'a so'maxare ná'maq 'ue na iuetetac ỹoreta'oguit na ralolaxa, ná'maq 'ue na le'ec lecmaxaic, chaqai ná'maq chita'gue lotqai ileueta, chaqai na se ra'ñiigue. Ca' so Jesús ná'ogue ỹomatec.

Lucas 10:13

¡'Xoraiqolqa qamiri ñiita'ñi na na'a' Corazín! Chaqai ¡'xoraiqolqa qamiri ñiita'ñi na na'a' Betsaida! Ma' quet quiyim hua'ñi yi na'a' Tiro chaqai yi Sidón quiyim qaỹo'ueete' naua no'ueenataxanaxaco se qaiuanapegalo 'nejem dá'maq qaỹo'uet caqamiri, shi'gue quet quesom ỹalate' naua no'ueenataxaco chaqai nachaxaneta quiyim ỹañiñi naua nasouaxaqui' noho chaqai nemeetalta' quena lo.

Lucas 2:2

Qam sojo 'avichiguiñi neraxanaxac viichigui so na'xa'a co'na' ñaq reloqota'a yi 'laua Siria so nashi Cirenio.

Hechos 11:19

Ca co'na' qaỹalauat so Esteban, ca' qai'neeta qarocanaxañigui so liỹaripi só'maq mashic ỹacoñiguit da na'qaatec, ca 'uo' na 'eet, i'guenegue da Fenicia, Chipre chaqai da Antioquía. Ca' na' ỹovire'ogalo naua 'lauari, ca qaỹa'xat da na'qaatec, qam qanodaqajantec na judioipi, ca le'en na liỹa qom.

Hechos 12:20

So Herodes ro'ootapega so qomyipi na'ñi yi na'a' Tiro chaqai yi Sidón. Qam saua'maxare na'deenta' quiyim querepegue' só'maq nashi, qoyiqueto'ogue quiyim qaishiueten so Blasto, ma' ỹaatqajam lodegaxat lotaua so Herodes, quiyim ỹashiilo'ot so lashi quiyim ỹaanem ca leuagaxa so qomyipi, ma' quiyí'maq na'laua so qomyipi ỹachigoxotalec na lepetaxanaxat yi na'laua so nashi.

Hechos 13:4

Ca co'na' qailate' queso Espíritu Santo so Bernabé chaqai so Saulo, ca taategue da Seleucia. Ca' quiyi, ca renoterougui aso qom lahi' huaxaỹaqse, querepegue' aso delec, leenaxat Chipre.

Hechos 15:23

Ca' chaqaisaua saua i'xate' nqohin aso lere. 'Ne'tegueyi da hueetalec: “Qomi' lelaatqa so Jesús chaqai naua na'gaxalate' chaqai ná'ogue ná'maq mashic ỹacoñiguit da na'qaatec, qariquinaxanaxac queca qarqaỹaripi mesqai judioipi neeta'ñi yi Antioquía, chaqai yi 'laua leenaxat Siria, chaqai qai'neeta yi Cilicia.

Hechos 15:39

Ca shi'gom retaqata'ta' quedajo, vire'to' na' noỹoota'chi. So Bernabé ỹauec so Marcos, ca renoterougui aso qom lahi' huaxaỹaqse, ca' taategue da Chipre.

Hechos 15:41

Ca' queetetegue yi Siria chaqai yi Cilicia, queesagui ana no'ueenaxanaxaquiripi, ỹa'ñaxatesac na nqaỹaripi.

Hechos 18:18

So Pablo ñaqai 'vii saua na'xata' hueeta'ñi yi Corinto. Ime, ca' ỹa'ue la'xaỹaxac so nqaỹaripi, ca' eec, taigue da 'laua Siria, nauequetecto aso Priscila chaqai so loua Aquila. Qam co'na' ỹovireraxaso'ma yi ñigaxasom leenaxat Cencrea, qam co'na' saqa' renojshiguim caca lahi' huaxaỹaqse, ca que'guena'gue nepetec, ỹoselaxatejlec na lqahic, ma' chi letanec quedá'maq shi'gue la'qaatec. Ime, ca' renojshiguim.

Hechos 21:16

Ca' 'vii saua qariỹa' mashic ỹaconchiguit da na'qaatec chicqora'ñi yi Cesarea. Ỹalequetauguilo so 'oonoqui' ỹale leenaxat Mnasón, ne'xaỹoqsoqo' yi Chipre. So'maxare mashic shi'gom ỹacoñiguit da na'qaatec. Chaqaiso só'maq 'naac senqa'ñi ca la'a' ma' soviraq.

Hechos 21:2

Ca' quiyi Pátara ñatenqalec aso qom lahi' huaxaỹaqse taỹa'gue da Fenicia. Ca yinotaxaugui, ca qolaq.

Hechos 21:7

Somataq qolqatañigui aso huaaxai na' sachigoxosqochi'ñi yi Tiro, na' sovitaxa Tolemaida. Ca' quiyi, ca ñiquinqata'pegue' so qarqaỹaripi, ca senqa'anyi queso 'óna na'xa'a.

Hechos 27:4

Ca' na' senoxonaxauec quiyi Sidón, spa'xanqata'gue da qanemaq ada delec leenaxat Chipre, ma' seloxoiqa'guit so nonot.

Hechos 4:36

Ca' 'uo' so ỹale ỹalequetaho, leenaxat José, ne'xaỹoqsoqo' yi delec leenaxat Chipre, so'maxare chicqaugui na lotauaripi na netaxaỹaxanqajanqaipi, llaalqaipi so Leví. Ca' saua nelaatqa ỹahote da dalaxaic leenaxat Bernabé. Dajo neenaxat 'naac: Cá'maq lo'daxachigui na neuel.