Hechos 20:4 - La'qaatqa ñi qota'olec Qota'olec & Qota'olec Novita Na Qomyipi

⁴ Liỹareta'pe saua Sópater, Berea le'ec, Aristarco chaqai Segundo, Tesalónica lase', Gayo, Derbe le'ec, Timoteo chaqai so Tíquico chaqai so Trófimo, Asia lase'.

Hechos 20:4 Iomraidhean Croise

Hechos 14:20

Qam co'na' lapoỹata' só'maq mashic ỹacoñiguit da na'qaatec quiyi hueeta'ñi so Pablo, ca so'maxare ne'laxashiguim, ca lotqai liỹa taugui yi na'a'. Ca co'na' liỹa nete'e, ca inoxondec queso Bernabé, taategue da Derbe.

Hechos 14:6

Qam so Pablo chaqai so Bernabé, co'na' ỹa'deene' dajo, ca' nanalochaxane', taategue da na'a' Listra chaqai da Derbe, hueraugui yi Licaonia, chaqai naua'que naua lahil yi 'laua.

Hechos 16:1

So Pablo chaqai so Silas co'na' ỹovijta yaua na'aate' Derbe chaqai yi Listra, ca iuanterelco' so huelec ñi qara'gaxala', leenaxat Timoteo, llaalec aso 'aalo judío lase qai'neeta huelec ñi qara'gaxala', qam so leta'a griego le'ec.

Hechos 16:6

So Espíritu Santo se ỹa'maxaren ỹa'xate' da na'qaatec quiyi 'laua Asia. Ca' vichiguiño' ỹapaquera'ta quiyi Frigia chaqai yi Galacia,

Hechos 17:1

Da llicyaxague' so Pablo chaqai so Silas queeterelec yi Anfípolis chaqai yi Apolonia, chi ỹoviresa'a yi na'a' Tesalónica. Ca' yí hua'ñi, ca 'uo' aca lapoxoqui na judioipi.

Hechos 17:13

Qam co'na' so judioipi na'ñi yi Tesalónica, ỹa'den quiyim so Pablo hueeta'ñi yi Berea, lotqai ỹa'xatetac da la'qaatec ñi qota'a, ca' que', querepegue' yi Berea. Ca co'na' ỹovijta, sá'ogue so qomyipi ỹasauaxatetecta'.

Hechos 19:29

Ca 'uo' da la'aaxa quiyá'ogue yi na'a'. Ca qaiconlgoto saua Gayo chaqai so Aristarco, dos ỹale' Macedonia lase', nauegaxaua' so Pablo. Ca qaỹahoglensau'a ca 'imec cá'maq lapooqo' so qomyipi.

Hechos 2:9

Ỹaleque'ejta' na qom, 'ue na chicqa'gue da Partia, chaqai Media, chaqai Elam, chaqai Mesopotamia, chaqai Judea, chaqai Capadocia, chaqai Ponto, chaqai Asia,

Hechos 20:16

Ca' dá qohine'tegue, ma' so Pablo se ỹa'maxaren shi'gom neeta'ñi yi 'laua Asia, vichiguiño' sqa taigue da na'a' Efeso; ma' ỹahotaque qaỹaloq ỹovi' queda Jerusalén, sha'apiguito' ishit ỹalequetaho ma' noviro so na'xa'a nemaqachic leenaxat Pentecostés.

Hechos 20:18

Ca co'na' sá'ogue noviro, ca 'naapego': —Qamiri 'yiiñita da shintari' chicqotau'a so 'auaxaic na'xa'a na' ñovira'a na Asia.

Hechos 21:29

Dajo 'nerac, ma' shi'co' qaiuana quiyi na'a' lodegaxat liỹaatec so Trófimo, Efeso le'ec, ca qohintapega quiyim so Pablo ỹauegougui añi no'ueenaxanaxaqui.

Hechos 27:2

Ca yinotaxaugui aso qom lahi' huaxaỹaqse chicqota'gue da ñigaxasom Adramitio, tai'a yi ñigaxasomipi quiyi Asia. Chaqai qai'neeta ỹalequetauguilo qomi' so Aristarco, na'ñi yi na'a' Tesalónica, huaugui yi 'laua Macedonia.

Romanos 16:21

Ilatalo qamiri da liquinaxanaxac ñi Timoteo ỹotaua queda qaro'ueenatec, chaqai qai'neeta nauá'maq chi iuo' lase' Lucio, Jasón chaqai Sosípater.

Romanos 16:23

Liquinaxanaxac ñi Gayo. Senta'ñi na la'a' ná'maq ra'ualaxanataxanot quiyim lo'ueenaxanqa' ná'maq mashic icoñiguit da na'qaatec. Qai'neeta ila' liquinaxanaxac ñi Erasto ñí'maq reloqota'a ana lam na na'a' lodegaxat, chaqai ñi qarqaỹa Cuarto.

2 Corintios 1:1

Aỹim Pablo, ma' ỹimo' loỹaxanaxat ñi qota'a, ỹauaaque quiyim aỹim lelaatec so Jesucristo. Nagui iỹaatac ñi qarqaỹa Timoteo. Ca' nagui, ca' selatalo qamiri ana ỹerecse, qamiri ỹaqaỹaripi, ma' mashic viilec ñi qota'a, ñiita'ñi na na'a' lodegaxat Corinto, chaqai ná'ogue ná'maq lalamaxaret ñi qota'a quená'ogue ná'maq neetalec yi 'laua, leenaxat Acaya.

2 Corintios 1:19

Ma' só'maq llaalec ñi qota'a, leenaxat Cristo Jesús, só'maq sa'xatqatac caqamiri quesaua iỹa' Silvano chaqai so Timoteo, se ỹauanapega quiyim 'naac hua', ca' ncopaata lotqai 'naac 'e'. Ma' dajo na'qaatec chicqo'ot so Cristo, da'maxare ỹaatqajam lliqueta.

Efesios 6:21

Ca' ñi Tíquico ñí'maq qanauochaxaua qarqaỹa chaqai qamaxaraic qarotaua queda lo'ueenataxanaxac so qara'gaxala', ñi'maxare ỹa'xat ma'le dá'ogue dá'maq shintari' chaqai quedá'maq so'ueetetac.

Filipenses 2:19

No'm chaqaiso so qara'gaxala' Jesús ỹa'maxarenta, ca' sahotaque sqaỹaloq sela' ñi Timoteo quiyim ra'ajnaxanalo qamiri, qaiyi 'ue ca ñitoonaxac ma' 'ue ca ỹa'xaỹaxac caqamiri.

Colosenses 4:10

Chaqai ñi Aristarco, ñí'maq ñcoñiitaxaua, ilatalo qamiri da liquinaxanaxac, chaqai qai'neeta ñi Marcos, ñí'maq lqaỹa liỹa ca Bernabé. Chaqai qamiri mashic shi'gue saqatetapegalo quiyim ma' ỹovitalo qamiri ñi Marcos, ca' quelolliỹa.

Colosenses 4:7

Ca ñí'maq qanauochaxaua qarqaỹa Tíquico, ñí'maq ỹaatqajam qamaxaraic qarotaua chaqai ỹo'ueenataxanaxaua quena' so'ueenataxanqot so qara'gaxala', ñi'maxare ỹaatqajam ỹa'xatema qamiri ma'le dá'maq shintari'.

1 Timoteo 1:1

Aỹim Pablo, ỹim lelaatec so Jesucristo. Ca' dajo ñilaataxac chicqo'ot ñi qota'a ñí'maq qarca'laxaqui chaqai so qara'gaxala' Jesucristo só'maq ỹaatqajam qarpe'eet.

2 Timoteo 1:2

Ma' qami' ỹauochaxat ỹaalec Timoteo, selata qami' anajo ỹerecse, ma' sahotaque quiyim coñichiguit ca qouagaxa, chaqai ca ne'xorenataxanaxa, chaqai ca na'maxa chicqo'ot ñi qota'olec chaqai ñi qara'gaxala' Jesucristo.

2 Timoteo 4:12

Ca' so Tíquico selategue da na'a' lodegaxat Efeso.

2 Timoteo 4:20

Ca' ca Erasto no'ueena'ñi yi Corinto, chaqai ca Trófimo ño'ueenaqta'ñi yi Mileto, ma' ralolaxaic.

Tito 3:12

Ma' selata qami' ñi Artemas loqo'm ñi Tíquico, ca' se naỹaloxoñi' quiyim naquirepegue' yi Nicópolis, qaiyi ñauanaqta', ma' sahotaque senta'anyi quena no'oomaxa.

Filemón 1:24

chaqai ñi Marcos, Aristarco, Demas, chaqai ñi Lucas, nauá'maq yotauanta'pe queda ỹo'ueenataxanaxac.

3 Juan 1:1

Ỹim, mashic aỹim ñauapec na'gaxala', selata qami' ana ỹerecse, ma' qami' ñauochaxaua Gayo, ma' ỹaatqajam llic qami' ỹoqo'itaxat.