Hechos 20:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca co'na' ime so co'uaxac, ca' so Pablo roỹaxanougui so mashic icoñiguit da na'qaatec, ỹahotaque ỹaanouguilo naua laqataxaco. Ca ỹa'ue la'xaỹaxac quiyim eec, ca' nqa'aalguita, ca' eec, taigue da Macedonia.

Hechos 20:1 Iomraidhean Croise

Génesis 48:10

Ca' so Israel mashic qo'xoỹom, ca tot qailligueme' no'viiñi naua nqote', sqai ỹaatqajam nauanchiguiñi. Ca' so José nqo'naxatero saua ñaaqolqai' queso leta'a, ca so'maxare qa'aalguelo chaqai nqo'goxe'.

Hechos 11:26

Ca 'óna ñaaxa nera'ñi, ỹalequesaugui so mashic ỹacoñiguit da na'qaatec, rapaxaguinataxanta'pe quena qom. Ca chicqochi'ño' yi Antioquía na' 'au qaỹa'ue da leenaxat ná'maq ỹacoñiguit da na'qaatec, qoỹanegue Cristo nalliripi.

Hechos 16:12

Ca' quiyi, ca saxague da na'a' Filipos. Yi'maxare nodaachiguiñi na romano laseripi na reloqota'a; ỹaatqajam paguec lecaguiñi quiyá'ogue yi liỹa na'aateripi quiyi 'laua Macedonia. Ca' 'vii saua na'xata' senqata'anyi.

Hechos 16:9

Ca' quiyi, ca' so Pablo 'uo' so leuanaxanaxac queso pe. Iuano' so ỹale na'ñi yi 'laua Macedonia, nachaatetañi, ne'xoresentac, 'naaco': “Na'itegue na Macedonia, qarotauañi'.”

Hechos 19:21

Ca co'na' ime dajo, ca' so Pablo ỹahotaque quepegueto yaua Macedonia chaqai yi Acaya, ca chi ỹovireta'gue da Jerusalén. Chaqai qai'neeta 'naaco': —Ma' ime saigue da Jerusalén, ca sahotaque saigue da Roma.

Hechos 20:10

Ca so Pablo nenojñi. Ca co'na' ỹoviri'ña, ca nqa'paxanegue, qa'aalegue so ne'nec. Ca 'naapega so nqaỹaripi: —Totaxan ro'chii; ñaq nca'leetauec.

Hechos 20:2

Nomachishiguim queetagui ana no'ueenaxanaxaquiripi quiyi ỹovita 'laua, 'xoic la'ñaaqataxanaxac quena lqaỹaripi quena' retaqa, chi ỹovireta'a yi 'laua Grecia.

Hechos 20:3

Ca neeta'anyi tres shiriguiri, ca co'na' sham renoto caca qom lahi' huaxaỹaqse, ma' ỹahotaque taigue da Siria. Qam 'uo' da la'xaỹaxac quiyim ca judioipi na'maxateta'guit quiyim 'ue ca qohine'tegue. Vichiguiño' lotqai pile'tegue da chigoxogue, liỹa que'tegue yi Macedonia.

Hechos 20:37

Sá'ogue noỹentagui, chaqai qa'aalegue so Pablo, chaqai nqo'goq.

Romanos 15:19

chaqai da lquesaxanaxa na netanqaipi chaqai na se qaiuanapega, chaqai da lquesaxanaxa so Espíritu Santo. Ca' quedajo, ca imigui quiyim sa'xat da na'qaatec chicqaugui da nca'laxa chicqo'ot so Cristo, chicqochi'ñi yi Jerusalén chaqai naua'que naua lahil yi 'laua, chi ỹovireta'a yi Ilírico.

Romanos 16:16

Ca' quiyim niquiñiỹata', ca ỹaatqajam ne'xoriñiỹata', ca' quiñi 'óna nqo'goq ca liỹa. Ná'ogue ná'maq mashic icoñiguit da na'qaatec queso Cristo ilatalo qamiri da liquinaxanaxac.

1 Corintios 16:20

Ná'ogue na qarqaỹaripi ilatalo qamiri da liquinaxanaxac. Ca' ñi 'óna nqo'goq ma'le ca liỹa quiyim niquine'e', chaqai ỹaatqajam ne'xorenta'.

1 Corintios 16:5

Queda ỹicyaxac sahotaque shiquejlec ma'le yi 'laua, leenaxat Macedonia, ca ma' ime, ca saigue ma'le da Corinto.

2 Corintios 13:12

Ca 'maxaraic quiyim ma' niquiñiỹata', ca' quiñi 'óna nqo'goq ca liỹa, chaqai ne'xoriñiỹata'.

2 Corintios 7:5

Shi'gue na' ñovitaxa na Macedonia ỹaatqajam qaica ca qanco'matqa'. Ta'ta'a quiyim 'ue da qananaqataxac quenaua'que nauá'maq sovirqa'guelo chaqai da qanoqogaxanataxac, ca vire'ta mashic ileuetapigui na qouel.

1 Tesalonicenses 5:26

Quiñii ná'ogue na qarqaỹaripi, qam nqo'goxohi'e' chaqai 'xoriñii.

1 Timoteo 1:3

Sahotaque quiyim qami' ñaqo ñira'ñi na na'a' lodegaxat Efeso, 'nejme' saua liỹa' na'xata' na' saigue da Macedonia, ma' 'uo' na rapaxaguinataxanta'pegue da mese leloxoỹaxac. Vichiguiño' sahotaque quiyim 'ñirapegalo caua'maxare quiyim totqai queesalec quiyim rapaxaguinataxansa'pegue dajo,