Hechos 2:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ỹaleque'ejta' na qom, 'ue na chicqa'gue da Partia, chaqai Media, chaqai Elam, chaqai Mesopotamia, chaqai Judea, chaqai Capadocia, chaqai Ponto, chaqai Asia,

Hechos 2:9 Iomraidhean Croise

Génesis 10:22

Ca' saua llaalqa so Sem: saua Elam, Asur, Arfacsad, Lud chaqai so Aram.

Génesis 14:1

Ca' quesauajo na'xata' ñaq nashi so Amrafel quiyi Sinar, ca' so Arioc lashi na neeta'ñi yi Elasar, ca' so Quedorlaomer lashi na neeta'ñi yi Elam, chaqai so Tidal nashi na'le quena neeta'ñi yi Goim.

Génesis 24:10

Ime, ca' nca'aaque lame quená'maq no'uen quená'maq louenec so na'co' Abraham. Ca' icona'alo saua diez nauaanaxanaxa late'e. Ca' eec, quepegue' yi na'a' na'ñi so Nacor, huaugui yi 'laua leenaxat Mesopotamia.

2 Reyes 17:6

Ca na' ỹovite' saua nueve ñaxari quiyim nashi so Oseas, ca' so nashi quiyi Asiria loxonec yi Samaria. Ca' loxonqaipi so llaalqaipi so Israel, ca' i'xategue da Asiria. Ca ỹanalec yi 'laua leenaxat Halah, chaqai yi 'laua Gozán huaqate'e' aso lachiugue Habor, chaqai yi na'aateripi quiyi Media.

Esdras 6:2

Ca hua'ñi so 'imec lodegaxat quiyi na'a' Ecbatana, huaugui yi 'laua Media, ca co'na' qaỹanata aso lere hueetalec dá'maq 'deenaxaco' na'le, 'neetasa':

Daniel 5:28

PARSIN: da relaataxanaxaqui' quiyim qami' nashi qaiuagaxachigui, ca' qoỹaanougui yi medoipi chaqai yi Persia laseripi.

Hechos 16:6

So Espíritu Santo se ỹa'maxaren ỹa'xate' da na'qaatec quiyi 'laua Asia. Ca' vichiguiño' ỹapaquera'ta quiyi Frigia chaqai yi Galacia,

Hechos 18:2

Ca hua'ñiyi, ca natenejlec so judío le'ec, leenaxat Aquila, ne'xaỹoqsoqo' yi 'laua Ponto. So Aquila chaqai aso loua Priscila ñaqai chita'co' chicqora'gue da 'laua Italia. Quere'e yi'maxare, ma' so lashi na nashillipi leenaxat Claudio, 'naapego' na judioipi ca'e yi na'a' lodegaxat Roma. Ca' so Pablo ra'piichalo.

Hechos 19:10

Ca' quiyi chaqa'ma' eec, chi ỹovirete' dos ñaxari, ca sá'ogue so qomyipi na'ñi yi Asia 'xaỹa da la'qaatec ñi qara'gaxala' Jesús, ná'ogue na judío chaqai na sqai judío.

Hechos 19:27

Ca' nagui dajo 'ue da lichic, ma' queda qaro'ueenataxanaxac sqoue na'laañi, chaqai qai'neeta ñí'maq 'imec neetaugui añi ỹaatqajam late'ogue' qarate'e Diana ishit na'laañi da lichoxoric, ca tot qanqo'ta da lecaic añi qarashiila, ma' quená'ogue na Asia chaqai quená'ogue na 'laua lashiila añi'maxare.

Hechos 19:31

Chaqai qai'neeta 'uo' so nashillipi nauochaxauaripi so Pablo chaqai na'ñi yi Asia, nelaro da la'qaatec quiyim qohinapega quiyim sqa taỹapegueu'a cajo lapoxoc.

Hechos 2:8

Qam ¿chi'neco' ma' sa'xaỹaxalo nauá'maq chi qara'qaatqa ỹa'xateta'pe?

Hechos 20:16

Ca' dá qohine'tegue, ma' so Pablo se ỹa'maxaren shi'gom neeta'ñi yi 'laua Asia, vichiguiño' sqa taigue da na'a' Efeso; ma' ỹahotaque qaỹaloq ỹovi' queda Jerusalén, sha'apiguito' ishit ỹalequetaho ma' noviro so na'xa'a nemaqachic leenaxat Pentecostés.

Hechos 20:18

Ca co'na' sá'ogue noviro, ca 'naapego': —Qamiri 'yiiñita da shintari' chicqotau'a so 'auaxaic na'xa'a na' ñovira'a na Asia.

Hechos 20:4

Liỹareta'pe saua Sópater, Berea le'ec, Aristarco chaqai Segundo, Tesalónica lase', Gayo, Derbe le'ec, Timoteo chaqai so Tíquico chaqai so Trófimo, Asia lase'.

Hechos 21:27

Qam co'na' ipalasauec saua siete na'xata', ca 'vio' saua judío lase', chicqora'gue da 'laua Asia iuanterelec so Pablo hueetaugui añi no'ueenaxanaxaqui. Ca ỹo'ueete' na la'aaxa quesá'ogue so qomyipi. Qai'guentau'a so Pablo,

Hechos 24:18

Ca' ỹim so'ueetetac dajo na'le cañi no'ueenaxanaxaqui quiyi Jerusalén na' ime da ñiquiỹoxoc. Ca' novirero saua judío lase', chicqora'gue da 'laua Asia, ca iuanterelec aỹim. Qam mesqai 'xoic ca qom chaqai qaica cá'maq la'aaxa quet hua'anyi.

Hechos 27:2

Ca yinotaxaugui aso qom lahi' huaxaỹaqse chicqota'gue da ñigaxasom Adramitio, tai'a yi ñigaxasomipi quiyi Asia. Chaqai qai'neeta ỹalequetauguilo qomi' so Aristarco, na'ñi yi na'a' Tesalónica, huaugui yi 'laua Macedonia.

Hechos 6:9

Ca 'vio' saua ỹale' naneresau'a añi napoonaxanaxaqui leenaxat lapooqo' na qaỹosouec na'aquipi, chaqai saua liỹa' chicqora'gue da Cirene, da Alejandría, da Cilicia, chaqai da 'laua Asia. Ca' chaqaiso só'maq retaqata'guit so Esteban.

Hechos 7:2

Ca so'maxare 'naaco': —Ỹaqaỹarolqa chaqai qamiri ita'alolqa, ñaq na'xaỹaxañiua'. Ñí'maq chalego lecaic qota'olec coqomi' na' nachaxana so 'auaxaic qareta'a Abraham co'na' neeta'ñi yi 'laua Mesopotamia, co'na' saqa' lachi, quepegue' yi 'laua Harán.

Romanos 16:5

Qai'neeta selata da iquinaxanaxac ca qarqaỹaripi lo'ueenaxanqa' quen yi la'a' aca Priscila chaqai ca Aquila. Iquinaxanaxac queca ñauochaxaua Epeneto cá'maq 'auaxaic huelec so Cristo quiyi Acaya.

1 Corintios 16:19

Na mashic icoñiguit da na'qaatec neeta'ñi na Asia ilatalo qamiri da liquinaxanaxac. Aquila chaqai Priscila chaqai na mashic icoñiguit da na'qaatec lapooqo' yi la'a' saua'maxare, caua'maxare ỹaatqajam 'xoic da liquinaxanaxac nelatalo qamiri, ma' qamiri lpi'ỹaxaua'.

2 Corintios 1:8

Qamiri ỹaqaỹa', qomi' sahoqotaque 'yiiñita quiyim 'xoic da qananaqataxac na' seuqata'ñi yi 'laua, leenaxat Asia. Da'maxare ỹaatqajam 'xoic lecaic da qane'guenaxac, ca mashic 'ec tot qaralo'guit, chaqai shinqatapega quiyim chaqaiyi lqodoc ca qanachaalataxac.

Deuteronomio 23:4

Ma' na' qamiri quiijlec yi na'laua na' chigoxoita'gue da Egipto, na'maxare se ỹo'uet ca raquipii chaqai ca qanoxohi, chaqai vire'ta ishiueten so Balaam, llaalec so Beor chicqa'gue da Petor quiyi 'laua leenaxat Mesopotamia, quiyim ỹahotaque inaxalgoto qamiri ca se no'uen la'qaatec.

2 Timoteo 1:15

Qam mashic 'yiiñi' quiyim yalat yá'ogue yi na'ñi yi 'laua Asia, ỹalequetero saua Figelo chaqai so Hermógenes.

1 Pedro 1:1

Aỹim Pedro, aỹim lelaatec so Jesucristo, shiriñi anajo ilaata, selata ná'ogue ná'maq neuagaxatetac, ná'maq sqai neetalgoto nauá'maq lalamaxarete' la'aate', ta'ta'a quiyim neetalgoto yaua 'lauari Ponto, Galacia, Capadocia, Asia, chaqai yi Bitinia,

Apocalipsis 1:11

Ca 'naac caỹim: —Ỹim ná'maq ỹim 'auaxaic chaqai spa'aatec, shintam aca la'auaxana na nerqaipi, chaqai aca pa'aatec. 'Chirelec maca lere dá'maq huañita. Ime, ca' lachitalo naua siete 'lauari neetalec ná'maq mashic icoñiguit da na'qaatec quiyi 'laua Asia: neralec yi Efeso, Esmirna, Pérgamo, Tiatira, Sardis, Filadelfia, chaqai yi Laodicea.

Apocalipsis 1:4

Aỹim Juan, selatalo ana ỹerecse naua siete 'lauari neetalgoto ná'maq mashic icoñiguit da na'qaatec quená'maq neetalec yi 'laua Asia. Qamiri ỹaqaỹaripi, sahotaque quiyim coñiguit da qouagaxa chaqai da na'maxa chicqo'ot ñi qota'a, ñí'maq chaqai'en 'ue, ñí'maq chaqai'eno' 'ue quen, chaqai ñí'maq sqaica lqodoc quiyim 'ue. Chaqai chicqo'ot na siete nelaatqaipi se re'xogui reloqotau'a yi nqa'xanqa' ñi'maxare.