Hechos 2:41 - La'qaatqa ñi qota'olec Qota'olec & Qota'olec Novita Na Qomyipi

⁴¹ Ca sá'ogue só'maq huelec da la'qaatec so Pedro, ca' qanachilaxan. Ca' quesojo na'xa'a, ca' noquiiguec so inoxona'a da na'qaatec 'uo' ca tres mil qomyipi.

Hechos 2:41 Iomraidhean Croise

Salmos 110:3

Na ralamaxarichi'ipi nañaanot qami' quiyim qami' lashi queca na'xa'a na' huegaxañi'. Ca' da nenocchishiqui' nqo'neetauec quenaua na'xata', quedaua quemaralgoto qari looỹaco ñi qota'olec, 'ec aca 'ỹa' chicqochigui na lauel añi ra'aasa.

Juan 14:12

Ỹaatqajam llic da shinac caqamiri, quiyim quecá'maq huelec aỹim, ca ishit ỹo'uet qai'neeta dá'maq so'uet, chaqai paguec lecaic ma'le ca ỹo'uet, ma' ỹim shicpegue' ñi qota'a.

Juan 21:11

Ca' so Simón Pedro renojñigui aso qom lahi', ca nauecta'a yi lemanaxa so naleguec ỹaatqajam no'qaachigui quena nodaachiguiñi lodegaxat nallin. Ỹovi' ciento cincuenta y tres so nallin daachiguiñi lodegaxat. 'Eno'm ỹaatqajam 'xoic, qam se ỹasectaqta'gue so naleguec.

Hechos 1:15

Ca 'uo' so na'xa'a, co'na' lapoota'ta', ca' so Pedro nachajñi quena lavinñi so nqaỹaripi, 'uo' ca ciento veinte so qomyipi, ca 'naaco':

Hechos 13:48

Ca co'na' 'xaỹa dajo na mesqai judioipi, ca 'xoic da netoonaxac, chaqai sá'ogue 'naac quiyim lo'yaxanec dá'ogue da la'qaatec ñi qara'gaxala', ca sá'ogue huelec só'maq shi'gue qaỹa'maxatetañi quiyim ỹovirau'a da nca'laxa sqaica lqodoc.

Hechos 2:37

Ca co'na' qara'xaỹa dajo queso qomyipi, ca' rachitata añi le'taxanata, ca' qainat so Pedro chaqai so liỹa lelaatqaipi so Jesús: —Qamiri qarqaỹa', qam nagui ¿negue' ca shinqata?

Hechos 2:47

Ỹa'xatetac qaica 'nejem ñi qota'olec, ca ná'ogue na qom nqo'ta. Ca' quesaua na'xata' ñi qara'gaxala' ỹoqotqajno ná'maq ỹacoñiguit yi na'qaatec ná'maq dalaxaic nca'leuec nqohin.

Hechos 27:37

Ca quiyí'maq ỹorete' qomá'ogue caso qarahi' ỹovi' doscientos setenta y seis qomyipi.

Hechos 3:23

Ma' ná'ogue ná'maq se na'xaỹaxana cajo na'qaataxanqajnec, ca' se qaỹalecqajnougui na Israel laseripi chaqai qaỹaqa'viỹa'gue.”

Hechos 4:4

Qam 'xoico' quesó'maq na'xaỹaxantapega da na'qaatec, ca huelec; ca noquiiguec só'maq ỹacoñiguit da na'qaatec, ca 'uo' ca quiyim nodaatec so ỹalliripi, 'uo' ca ỹovi' cinco mil.

Hechos 7:14

Ca' so José relaataxane so leta'a Jacob quiyim qanauec chaqai sá'ogue so lauo', ca quiyim sá'ogue ỹovi' setenta y cinco qomyipi.

Romanos 13:1

Ca ná'ogue na qom ỹouen quiyim na'xaỹaxana ca 'naac na nashillipi. Ma' qaica quet cá'maq nashi sqai chicqochigui ñi qota'olec, chaqai ná'maq neetaho ro'ueenataxantac nagui, ỹo'viijñi ñi'maxare.

1 Tesalonicenses 1:6

Ca' qamiri quedá'maq 'ñiita ỹaatqajam quiijlec da qano'ueenataxac chaqai da no'ueenataxac so qara'gaxala' Jesús na' coñiguit da na'qaatec, ca' so Espíritu Santo ỹaanema qamiri da netoonaxaguii, 'eno'm 'xoic da re'xoriguii.

1 Pedro 3:20

Sojo chaqaiso' só'maq qomyipi se na'xaỹaxano' quen nallaaqo' na' ñaqa 'ue so Noé, co'na' ñi qota'a chalego da lauaanaxanaxac, co'na' qano'xontecshiguim aso qom lahi' huaxaỹaqse, co'na' ỹovire'ta 'oocholqai' saua qomi' qanca'laxaterec queso huaxaỹaq.

Apocalipsis 16:3

Ca' so co'uaataxanaxaic nelaatec piguim le'ec eec, co'taxachigui aso 'taxaqui, ỹocorelec ana huaaxai. Ca' na huaxaỹaq caso huaaxai 'ec na leuaxaic leuoripi. Ca ná'ogue ileu ná'maq nca'leetauec le'ec aso huaaxai.