Hechos 2:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca sá'ogue qano'xataxachichigui queso Espíritu Santo. Ca' quiyi, ca retaqa, ỹa'xate' naua ỹoqa'alo na'qaatqa, quecá'maq qoỹaanem ỹa'xat queso Espíritu.

Hechos 2:4 Iomraidhean Croise

2 Samuel 23:2

So ne'Espíritu ñi qara'gaxala' ya'qaataxanaxan; ca' naua la'qaatqa hueesalec ñi ỹo'legaxanaxat.

Isaías 28:11

Hua', ca no'm se na'xaỹaxañii, ca 'vii ma'le caua na'qaatqa sqa ỹaataxa'ueguelo ỹoqa'alo na'qaatqa, chaqaida 'neeta'gue ca letaxaỹaxac ñi qota'olec quenajo qomyipi.

Ezequiel 3:11

Mo'e', 'ajnaxañita ca qauochi' ỹoqa'a ca 'laua neetalec. Ca no'm na'xaỹaxan loqo'm se na'xaỹaxan, qam 'ñiraco' ma'le: Ñi qara'gaxala' 'naac dajo.

Miqueas 3:8

Qam quená'maq ỹim quiñi ne'Espíritu ñi qara'gaxala' no'xataxachigui aỹim queda lquesaxanaxa, queda ỹa'maqachiguiñi chaqai da la'ñaxac iuel, ca' soviraqta'a yi Israel quiyim se na'xaỹaxan chaqai queda lasauaxaset.

Mateo 10:19

Qam ma' qoỹaanero qamiri quena nashillipi, sqai 'yiiñitaque cá'maq 'ñiỹac, loqo'm quecá'maq reloqo'tegue ca ra'qaachiguii. Ma' quiyim ỹovita ca laloqo' quiyim taxahi, ca' ñi qota'olec ỹo'ueete' ma'le caua ra'qaataxahi.

Marcos 16:17

Ca' quecá'maq hueeta'gue cá'maq huelec, ca' ỹo'uet ma'le na netanqaipi, 'neetasa': Da ỹeenaxat ro'ootaxana quena ne'ec lecmaxaic, chaqai ỹa'xate' naua ỹoqa'alo na'qaatqa,

Lucas 1:15

Ma' ca qachaalqui', ca'maxare ỹaatqajam lodegaxat ma'le nqohin quiñi qota'olec. Ca'maxare se ishit ni'chigui canchaqaica quena lataxa, ma' ỹaatqajam no'qaachigui queso Espíritu Santo ma' saqa' ne'qaañi.

Lucas 1:41

Ca' aso Elisabet co'na' 'xaỹaque da niquinaxanaxac, ca' so noctoqui' mashic hueetagui na lauel redaalec, ca' aso'maxare ỹaatqajam no'qaachigui queso Espíritu Santo.

Lucas 1:67

Ca so leta'a Zacarías ỹaatqajam no'qaachigui queso Espíritu Santo. Ca ỹa'xat da la'qaatec ñi qota'a mashic qoỹaanem, 'neetasa':

Lucas 12:12

Ma' quiyim ỹovita ca laloqo' quiyim taxahi, ca' so Espíritu Santo ỹapaxaguinguelo qamiri cá'maq leloxoỹaxac ca ra'qaachiguii.

Lucas 21:15

ma' ỹim saanema ma'le qamiri caua ra'qaataxahi chaqai ca ra'deenaxanaxahi, qaiyi qaica ca ishit retaxaỹa'guita qamiri.

Lucas 4:1

Ca so Jesús ỹaatqajam no'qaachigui queso Espíritu Santo co'na' chicqaqso'ma aso lachiugue Jordán, ca so Espíritu ỹauec, taỹa nqai'en so 'laua sqaica qom.

Juan 14:26

Qam ca Espíritu Santo, cá'maq nelatalo qamiri ma'le ñi qota'a, quiichigui nqai'en da ỹeenaxat, qaiyi ỹotauane' chaqai ỹa'ñaxate' ma'le qamiri, ca'maxare rapaxaguiñiigue ná'ogue chaqai no'uenaxanaxane' qamiri quedá'ogue dá'maq shinac.

Juan 20:22

Ca' pe'teuguilo' na'le saua'maxare, ca 'naaco': —Coñiguit na Espíritu Santo.

Hechos 1:5

Ỹaatqajam llic queso Juan rachilaxanataxañigui na huaxaỹaq, qam qai'neete' qamiri quenaua na'xatarolqai' qanachilaxanguilo qamiri ca Espíritu Santo.

Hechos 1:8

Qam ma' novitalo qamiri ca Espíritu Santo, ca' coñiguit ca nquesaxanaxa. Ca' oquii, 'xachitac aỹim, ca 'qaataxañiỹougui yi Jerusalén, chaqai yá'ogue yi 'laua quiyi Judea, chaqai yi Samaria, chaqai ỹovireta'ogalo naua'que naua lahil na 'laua.

Hechos 10:46

Ma' 'qaatapega ỹoqa'alo naua na'qaatqa ỹa'xate', chaqai imaqachintac ñi qota'olec.

Hechos 10:47

Ca' so Pedro 'naaco': —¿Negue' quet ca 'neeta quiyim se qanachilaxan najo qomyipi quiyim mashic icoñiguit so Espíritu Santo, 'nejme' qomi'?

Hechos 11:15

Ca na' ỹim setaqa, ca' so Espíritu Santo ta'ñigui so qomyipi, 'nejme' qomi' nallaqai chita'gue.

Hechos 11:24

Ma' so Bernabé ỹaatqajam huagaxaraic ỹale chaqai no'qaachigui queso Espíritu Santo chaqai queda lpi'ỹaxac. Ca' queda, ca 'xoico' na laueguec, taỹot nqai'en so qara'gaxala'.

Hechos 13:52

Qam ná'maq mashic ỹacoñiguit da na'qaatec ỹaatqajam 'xoic da netoonaxac chaqai no'qaachigui queso Espíritu Santo.

Hechos 13:9

Ca' so Saulo chaqai qai'neeta leenaxat Pablo, no'qaachigui queso Espíritu Santo, ca ỹaatqajam ra'i'tot.

Hechos 15:8

Ca' ñi qota'olec, ma' ỹa'deene' naua ne'taxanatal, ỹachaxan quiyim ỹacoñiguit na'maxare na' ỹaanem so Espíritu Santo, 'neete'm qomi' na'le.

Hechos 19:6

Ca co'na' so Pablo ỹashil-lgoto saua'maxare, ca anac so Espíritu Santo, ta'ñiguilo saua'maxare, ca ỹa'xate' naua ỹoqa'alo na'qaatqa, chaqai ỹa'xate' naua chicqoro'ot ñi qota'a na'qaatqa.

Hechos 2:11

Chaqai 'ue qai'neeta na chicqa'gue da Creta, chaqai da Arabia. Qam qomá'ogue sa'xaiqachigui quiyim qaỹa'xatetac da 'neeta ñi qota'olec queda lecaic da lo'ueenataxanaxac, ma' qaỹa'xate' nauá'maq chi qara'qaatqa.

Hechos 2:3

Ca' re'oq so no'legaxanqateripi 'ec norec lauaq, neuagaxachichigui ỹaatqata ca taalec queca 'óna.

Hechos 4:31

Ca co'na' ime da nqouagaxainaxague', ca' i'loxol ca neesa'ñi lapoota'ta'. Ca sá'ogue qano'xataxachichigui queso Espíritu Santo. Ca' qaica ca no'chiiraque ỹa'xatesac da la'qaatec ñi qota'olec.

Hechos 4:8

Ca' so Pedro no'qaachigui queso Espíritu Santo, ca 'naapegalo': —Qamiri nashil quena judioipi chaqai na qo'xoiquipi quena Israel laseripi,

Hechos 6:3

Vichiguiño' qamiri qarqaỹa', michiỹaque caqamiri caua siete ỹale' cauá'maq qaipi'ỹa'alo quiyim ỹo'ueete' dajo, chaqai 'ue na ỹa'deene' chaqai no'qaachiguilo queca Espíritu Santo, ca chaqaicaua ma'le caua ỹa'ajandac da no'ueenataxanaxac.

Hechos 6:5

Ca sá'ogue ỹa'maxarenta dajo. Ca qanca'au'a so Esteban só'maq no'qaachigui queda lpi'ỹaxac chaqai quiñi Espíritu Santo, chaqai so Felipe, so Prócoro, so Nicanor, so Timón, so Parmenas, chaqai so Nicolás só'maq na'ñi yi Antioquía. So'maxare shi'co' quen huelec da lo'ueenataxanaxac na judioipi.

Hechos 6:8

So ỹale leenaxat Esteban no'qaachigui queda nquesaxanaxa chaqai queda lqouagaxa ñi qota'a. Vichiguiño' ỹo'uet na se qaiuanapega quena qomyipi chaqai na netanqaipi.

Hechos 7:55

Qam so Esteban no'qaachigui queso Espíritu Santo, ca co'na' ra'ỹaashiguim quena piguim, ca iuane'ta so lauaq ñi qota'a, chaqai so Jesús nachaatetañi queda loic ñi'maxare.

Hechos 8:17

Qam co'na' so Pedro chaqai so Juan ỹashilerelec so qomyipi, ca ỹacoñiguit so Espíritu Santo.

Hechos 9:17

Ca' so Ananías quepegue' ca na'a' neeta'ñi so Saulo. Ca co'na' inoxono, ca ỹashil-lec quenaua lqai'laqate' so'maxare. Ca 'naaco': —Qami' ỹaqaỹa Saulo, ñí'maq qara'gaxala' Jesús, ñí'maq nachaxano' qami' na' naquisa'gue na nayic, chaqaiñi ñí'maq nelata ỹim aqami', qaiyi liỹa neuañiriñi chaqai qami' no'qaachigui nqohin ma'le queca Espíritu Santo.

Romanos 15:13

Ca' ñi qota'olec ma' chicqo'ot da qanaquitaxac, no'xaguilo nqai'ne' qamiri queda netoonaxaguii chaqai queda ra'maxahi quiyim mashic viilec ñi'maxare, qaiyi no'qaachiguilo qamiri quedá'maq naquitaxaguii chicqochigui da lquesaxanaxa so Espíritu Santo.

1 Corintios 12:10

Chaqai 'ue na ỹaanem quiyim ỹo'uet na nquesaxanaxa se qaiuanapega, chaqai 'ue na ỹaanem quiyim ỹa'xat da la'qaatec ñi qota'a, chaqai 'ue na ỹaanem da la'deenaxanaxa quiyim retan na se re'xogui quena 'maatqaic, loqo'm chaqaiso so Espíritu Santo. Chaqai 'ue na ỹaanem quiyim ỹa'xate' naua na'qaatqa se qaiuanapegalo, lotqai 'ue na ỹaanem quiyim ỹa'den da leloxoỹaxac naua na'qaatqa.

1 Corintios 13:1

No'm ỹim sa'xateta'pe naua la'qaatqa na qom chaqai naua la'qaatqa na chicqashiguim qota'a lelaatqaipi, qam quiyim sqaica ca i'xorenataxanaxa, ca shintari' aca nouaxana quiyim ilamtapigui, loqo'm aca nasaquinata quiyim qaỹasaquintapigui.

1 Corintios 13:8

Da ne'xorenataxanaxa sqaica ca lqodoc. Ca 'uo' ca na'xa'a quiyim tot qaỹa'xate' naua la'qaatqa ñi qota'a, chaqai tot qaỹa'xate' naua se qaiuanapegalo na'qaatqa, chaqai tot qaỹouen da na'deenaxanaxa.

1 Corintios 14:18

Saantacot da ña'aachic ñi qota'a quiyim seshit sa'xate' naua na'qaatqa se qaiuanapegalo, sapacauec caqamiá'ogue.

1 Corintios 14:5

Ỹim sahotaque quet quiyim qamiá'ogue 'xachii' naua na'qaatqa se qaiuanapegalo. Qam paguec la'maxa nqaishin queta' 'xachii' naua la'qaatqa ñi qota'a. Ma' paguec la'maxa quiyim qaỹa'xat da na'qaatec, sqai 'nejem quiyim qaỹa'xate' naua na'qaatqa se qaiuanapegalo, ta'to'o' no'm 'ue ca ichoxot ca leloxoỹaxac cá'maq qaỹa'xatetac, qaiyi nqo'in da lañaqtaxac ná'maq mashic icoñiguit da na'qaatec.

Efesios 3:19

Sashiilatac ñi qota'a, qaiyi 'yiiñii dajo ne'xorenataxanaxa, ma' da'maxare napacalec ná'ogue ná'maq seshitaq sa'deenaq, ca' qaiyi ma'le, ca' no'qaachiguilo qamiri queda no'ueenataxac ñi qota'a.

Efesios 5:18

'Neeto' lotqai rquiñiuguichii, ma' dajo tai'a quiyim na'laañi nqai'en ca qom. Ta'ta'a quiyim no'qaachiguilo qamiri queso Espíritu Santo.

Efesios 6:18

Qam nqouagaxaiñii quiyim 'viichii dá'ogue dajo. Se neme ne'xorishiñitacot ñi qota'a, qam quiichigui nqai'ñii da rashiilaxanaxaguii so Espíritu. Ỹaatqajam nelohitec, qaiyi shichii 'viichii dajo. Se reuallitegueñi, chaqai nqouagaxaiñitalec ná'ogue ná'maq lalamaxaret ñi qota'a.

1 Pedro 1:12

Qam ñi qota'a ỹa'deenaxanaxanque quiyim dá'maq ỹo'ueetesac saua'maxare se lalamaxarete', ta'ta'a quiyim taỹauguilo qomi'. Ma' dajo dá'maq qaỹa'xatema nagui qamiri quesauá'maq ỹa'xate' da na'qaatec chicqaugui da nca'laxa, chicqochigui da lquesaxanaxa so Espíritu Santo só'maq qanela' queda piguim. Ca' nauajo nauá'maq só'maq nelaatqaipi piguim laseripi qai'neeta ỹahotaque iuanchigui.

2 Pedro 1:21

Ma' ná'maq letaxaỹaxanqajanqaipi ñi qota'a se ỹauana quiyim nodajlec quet ca ỹa'xat. Ta'ta'a quiyim saua'maxare ỹaatqajam nañaantetot ñi qota'a, chaqai quiyim ỹa'xate' ca la'qaatec ñi'maxare, ca' so Espíritu Santo retaxahi' nqai'ne' saua'maxare.

1 Samuel 1:14

Ca 'naaco' caso'maxare: —¿Chi' laquio' remi'rec queda rquiñiuquichi'i'? ¡Liyi, 'xañiriñi na lataxa!

1 Samuel 10:10

Ca co'na' so Saúl chaqai so lelaatec ỹovirero quiyi Gabaa, ca' so letaxaỹaxaquiripi ñi qota'olec 'eco' se no'uen, ca'guit so'maxare, rasotetagui. Ca co'na'le, ca' so ne'espíritu ñi qota'olec ta'ñigui so Saúl, ca hua'ñi quiyim so'maxare se no'uen, ca' rasot, ỹalequetaugui so'maxare.