Hechos 2:3 - La'qaatqa ñi qota'olec Qota'olec & Qota'olec Novita Na Qomyipi

³ Ca' re'oq so no'legaxanqateripi 'ec norec lauaq, neuagaxachichigui ỹaatqata ca taalec queca 'óna.

Hechos 2:3 Iomraidhean Croise

Génesis 11:6

Ca ra'deenataxantaco', ca 'naaco': Na'maxare neuo' laseripi chaqai na'qaachaxauaripi. Ca' vichiguiño' taañi quiyim ro'ueenataxan. Ca' nagui qaica ma' ỹaxanñi quet dá'maq mashic ỹo'uet.

Isaías 6:5

Ca' da ỹa'deenataxanaxac 'neetasa': ¡'Xoraicolec aỹim; nagui, ca' yileu! Ma' mashic seuana quenaua ñqote' ñi nashi, ñi qara'gaxala' sqaica lqalanec; ma' ỹim qom, ca' se no'viiñi naua ỹa'qaatqa, chaqai salequetaugui na qomyipi se no'viiñi naua la'qaatqa.

Mateo 3:11

Ca' ỹim ỹaatqajam lliqueta ñachilaxañiguilo qamiri na huaxaỹaq, ca' chi netanec quiyim lachii' naua ranataxahi se no'viiñi. Qam cá'maq coỹaretalec aỹim, ca'maxare nachilaxanalo qamiri ma'le ca Espíritu Santo chaqai ca norec. Ca'maxare paguec lquesaxanaxa caỹim, vire'ta quiyim se seshit quiyim chi se'xate' caua lapelate'.

Mateo 3:15

Qam so Jesús 'naaco' queso'maxare: —Qam nagui le'en nqai'ñi' dajo. Ma' paguec la'maxa quiyim sepacqajanqachigui ná'ogue ná'maq ỹahotaque ñi qota'a. Co'na'le, ca' so Juan nachilaxan.

Lucas 24:32

Ca saua'maxare retaxaỹata', 'neraco': —¡Ỹaatqajam llic mashic ỹaviquetauguilo nqai'ne' naua qare'taxanata na' ñanaguinqata'gue na nayic, na' ichoxotetapeguema qomi' da leloxoỹaxac naua nerecse' la'qaatqa ñi qota'olec!

Hechos 1:15

Ca 'uo' so na'xa'a, co'na' lapoota'ta', ca' so Pedro nachajñi quena lavinñi so nqaỹaripi, 'uo' ca ciento veinte so qomyipi, ca 'naaco':

Hechos 2:11

Chaqai 'ue qai'neeta na chicqa'gue da Creta, chaqai da Arabia. Qam qomá'ogue sa'xaiqachigui quiyim qaỹa'xatetac da 'neeta ñi qota'olec queda lecaic da lo'ueenataxanaxac, ma' qaỹa'xate' nauá'maq chi qara'qaatqa.

Hechos 2:2

Ca' chi re'laqataxanta quiyim 'uo' so qara'xaỹaque, 'maqot na piguim. Da lelamaxa 'nejem na nonot lodegaxat, ilamigui nqai'en so 'imec neetaugui so qomyipi nqa'xantañi.

Hechos 2:4

Ca sá'ogue qano'xataxachichigui queso Espíritu Santo. Ca' quiyi, ca retaqa, ỹa'xate' naua ỹoqa'alo na'qaatqa, quecá'maq qoỹaanem ỹa'xat queso Espíritu.

1 Corintios 12:10

Chaqai 'ue na ỹaanem quiyim ỹo'uet na nquesaxanaxa se qaiuanapega, chaqai 'ue na ỹaanem quiyim ỹa'xat da la'qaatec ñi qota'a, chaqai 'ue na ỹaanem da la'deenaxanaxa quiyim retan na se re'xogui quena 'maatqaic, loqo'm chaqaiso so Espíritu Santo. Chaqai 'ue na ỹaanem quiyim ỹa'xate' naua na'qaatqa se qaiuanapegalo, lotqai 'ue na ỹaanem quiyim ỹa'den da leloxoỹaxac naua na'qaatqa.

Santiago 3:6

Ca' ñi qaro'legaxanaxat 'neetari' meca norec. Ñi'maxare imaalec ná'ogue na se no'uen neetaugui na qaroshicmaxa, ca' na'axat ná'ogue na qaroshicmaxa. Qam dajo lauaq ỹachigoxotetapegueu'a ca norec sqaica lqodoc, ca' ỹavigaxatetac da qanachaalataxac.

Apocalipsis 11:3

Ca' ỹim selate' ma'le saua dos ỹa'qaataxanqajanqa quiyim ỹa'xatesac aỹim quecaua mil doscientos sesenta na'xata', ỹansañi caua noho ná'maq ỹañiñi ca qom quena' 'ue ca lasauaxanec.

Apocalipsis 14:6

Ime na'le, ca' seuane'ta so liỹa nelaatec piguim le'ec, ỹoota quena lavinñi na piguim, i'xateta da na'qaatec sqaica lqodoc chicqaugui da nca'laxa, ỹahotaque ỹa'xatem ná'maq hueetalec ana 'laua, ná'ogue ná'maq ỹoreta'oguit na la'qaatec qomyipi.