Hechos 2:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ca ná'ogue ná'maq nqouagaxainot ñi qara'gaxala', ca' chaqaica cá'maq qanca'laxatec.

Hechos 2:21 Iomraidhean Croise

Joel 2:32

Qam ná'ogue ná'maq pi'ỹa'a chaqai ỹashiila ñi qara'gaxala', quiichigui nqai'en da leenaxat, ca' nca'leuec ma'le, qohit queca nelauaxa, ma' cada qa' ladocai Sión quiyi Jerusalén hueeta'ñi ma'le da nca'laxa, ma' chaqaida dá'maq 'naac na'le ñí'maq qara'gaxala'. Ná'maq lca'acseripi na'le ñi'maxare, ca nca'leuec ma'le. (3.1-21 Ñi qota'olec ỹa'ue da nouaxanaxaset na ỹoreta'oguit qomyipi. Ñi'maxare nqouaguegue ma'le so lalamaxareteripi.)

Mateo 28:19

Ca' vichiguiño' qamiri selarii quiyim quiipegue' ná'ogue na ỹoreta'oguit qomyipi. Ca' 'viichii quiyim ỹim napaxaguinaxala', chaqai chilaxanataxañiỹa da leenaxat ñi qota'olec, chaqai najo llaalec, chaqai so Espíritu Santo.

Hechos 2:20

Añi ra'aasa ñigui napalaxa, chaqai ñi shiraigo 'ec leuoripi, ma' saqa' novi' ca chalego lecaic na'xa'a ma' ro'ueenataxan ñi qara'gaxala'. Cajo na'xa'a lodegaxat, qaica 'nejem loyac.

Hechos 22:16

Ca' nagui ¿negue' ca qalañisapega? Ne'laxachirishiguim, qanachilaxan qami', pi'iro'o' da leenaxat so qara'gaxala', qaiyi nco'chiñi qami' quena rasauaxashichi'.”

Hechos 9:11

Ca' so qara'gaxala' 'naapego' so Ananías: —Ne'laxachirishiguim, ca quirepegue' so nayic, leenaxat Ỹalamqata. Ca ma' vichita yi la'a' ca Judas, ca nataxañiraque ma'le ca ỹale, leenaxat Saulo, chicqa'gue da na'a' Tarso. Ma' ñi'maxare nqouagaxaintac.

Hechos 9:15

Qam ñi qara'gaxala' 'naapego' so Ananías: —Mo'e', ma' ica'acsec ñi ỹale quiyim ỹa'xat da ỹeenaxat quená'ogue nanchaqaina ỹoreta'oguit qomyipi, chaqai quena lashillipi, chaqai vire'ta quena Israel laseripi.

1 Corintios 1:2

Ca' nagui selatalo qamiri ana ỹerecse, qamiri ỹaqaỹaripi ma' mashic viilec ñi qota'a, ñiita'ñi na na'a' lodegaxat Corinto. Qamiri lalamaxarete' ñi qota'a, ma' na'yiitau'a so Cristo Jesús. Ñi'maxare roỹaxañiỹaxaua' ma' ỹahotaque quiyim co'taxat da nachaalataxaguii, 'nejem ná'ogue na 'neeta'ogalo naua liỹa' 'lauari ná'maq mashic nqouagaxaintacot so qara'gaxala' Jesucristo, só'maq la'gaxala' na'maxare, neete'm qomi'.

Hebreos 4:16

Vichiguiño' qaica quet cá'maq qaro'chiitaque quiyim ñqo'naxau'a yi nqa'xanqa' ñi 'naxanaxaraic qota'olec, qaiyi nqouagueguelo qomi', chaqai queda lqouagaxa, ca' qarotauan quiyim 'ue ca qareuogoxo.