Hechos 2:2 - La'qaatqa ñi qota'olec Qota'olec & Qota'olec Novita Na Qomyipi

² Ca' chi re'laqataxanta quiyim 'uo' so qara'xaỹaque, 'maqot na piguim. Da lelamaxa 'nejem na nonot lodegaxat, ilamigui nqai'en so 'imec neetaugui so qomyipi nqa'xantañi.

Hechos 2:2 Iomraidhean Croise

1 Reyes 19:11

Ca' ñi qara'gaxala' 'naaco' queso'maxare: —Nenoxoñirec, ca nachaachiriñi, ca seloxoiqa'ajta' canajo qa'. Ca co'na'le, ca' ñi qara'gaxala' quelec yi'maxare, ca 'uo' so nonot lodegaxat ỹaatqajam quesaxan, ca nconaxaterec naua lahil aso qa' ladocai chaqai ná'maq qa' ropoqogui nqai'en, qam ñi qara'gaxala' sqai hueetagui so nonot. Ca co'na' ime'uegue so nonot, ca lotqai i'loxol na 'laua, qam ñi qara'gaxala' sqai hueetaugui so le'loxolaxa na 'laua.

Cantares 4:16

Nonot huaquiaxaic, ¡nelo'irec! Nonot chicqa'gue da 'guiñi, ¡nanaqui'! Pi'chiilec na ỹanaxanqa', qaiyi huaguec na lo'daxa na lahita. Qami' iqo'itaxat, nanaquirepegue' na qadanaxanqachi', ca 'qui' ná'maq lo'daxaraic la.

Isaías 65:24

Ma' saqa' roỹaxanot aỹim quiyim yashiila, qa' shi'gue sasaachiguit ma'le; chaqai saqa' ime ca la'qaatec, qa' mashic ña'xaỹaxana.

Malaquías 3:1

Ñi qara'gaxala' sqaica lqalanec 'naac: Ỹim sela' ma'le ca ilaatec quiyim ỹa'maxajñi ca ñayicyaxac. Ñí'maq na'gaxala', ñí'maq daañitaque, ñi'maxare nquipitaugui inoxonougui ma'le ñi lo'ueenaxanaxaqui. Chaqai mashic novi' ná'maq ỹa'xateta'guit ca 'deenaxac ná'maq repaguitaque qamiri!

Lucas 2:13

Ca quiyi lotqai nachaxan so liỹaripi nelaatqaipi piguim laseripi, ỹaatqajam 'xoic so'maxare ro'ueenaxantalec ñi qota'olec, 'naaco' quen:

Juan 3:8

Na nonot quena' npe'taxanshiguim, qam chaqai ỹoiquentac cá'maq reloxoigue; ca 'qa'isaque na lelamaxa, qam sqa 'yiiñi' cá'maq chicqochi'ñi chaqai cá'maq taigue. Ca' chaqaida 'neeta ná'ogue ná'maq ne'xaỹaugui so Espíritu Santo.

Hechos 2:3

Ca' re'oq so no'legaxanqateripi 'ec norec lauaq, neuagaxachichigui ỹaatqata ca taalec queca 'óna.

Hechos 2:6

Ca' so qomyipi co'na' 'xaỹaque so lelamaxa, ca chaqa'ma' eec, lapoouo. Ca co'na' 'xaỹalo naua chi lalamqate' la'qaatqa quiyim qaỹa'xate', ca' se ỹa'den ca 'ne'tegue ca la'deenataxanaxac.

Hechos 4:31

Ca co'na' ime da nqouagaxainaxague', ca' i'loxol ca neesa'ñi lapoota'ta'. Ca sá'ogue qano'xataxachichigui queso Espíritu Santo. Ca' qaica ca no'chiiraque ỹa'xatesac da la'qaatec ñi qota'olec.

1 Pedro 1:12

Qam ñi qota'a ỹa'deenaxanaxanque quiyim dá'maq ỹo'ueetesac saua'maxare se lalamaxarete', ta'ta'a quiyim taỹauguilo qomi'. Ma' dajo dá'maq qaỹa'xatema nagui qamiri quesauá'maq ỹa'xate' da na'qaatec chicqaugui da nca'laxa, chicqochigui da lquesaxanaxa so Espíritu Santo só'maq qanela' queda piguim. Ca' nauajo nauá'maq só'maq nelaatqaipi piguim laseripi qai'neeta ỹahotaque iuanchigui.