Hechos 2:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Chaqai 'ue qai'neeta na chicqa'gue da Creta, chaqai da Arabia. Qam qomá'ogue sa'xaiqachigui quiyim qaỹa'xatetac da 'neeta ñi qota'olec queda lecaic da lo'ueenataxanaxac, ma' qaỹa'xate' nauá'maq chi qara'qaatqa.

Hechos 2:11 Iomraidhean Croise

1 Reyes 10:15

Qam se qanaloqojna'oga añí'maq qaishiuetentac quená'maq liỹa nemeenaxaquipi chaqai ná'ogue na nashillipi quiyi Arabia chaqai ná'maq reloqota'alo naua liỹa' 'lauari quiyi Israel.

Salmos 107:15

'Ỹaañiỹot da na'aachicyaxaguii ñi qara'gaxala' queda le'xorenataxanaxa, ¡quedá'maq lqouagaxa taalec nqai'en na qomyipi!

Salmos 107:21

'Ỹaañiỹot da na'aachicyaxaguii ñi qara'gaxala' queda le'xorenataxanaxa, ¡quedá'maq lqouagaxa taalec nqai'en na qomyipi!

Salmos 107:8

'Ỹaañiỹot ca na'aachicyaxaguii ñi qara'gaxala' queda le'xorenataxanaxa, ¡quedá'maq lqouagaxa taalec nqai'en na qomyipi!

Salmos 40:5

Qami' ỹa'gaxala' chaqai qota'olec caỹim, 'xoic ná'maq imaqachin qami' quena ro'ueenachiqui' chaqai quiyim 'yiiñisapegalo qomi'. ¡Qaica ca 'nejem qami'! Sahotaque quiyim sa'xat da'maxare, qam ỹapaquerauec quecá'maq sa'xat quet.

Salmos 71:17

Qami' qota'olec, qami' yapaxaguiñi' na' ñaqai ỹim ne'necoqui', qam qaiyiita sa'xatetac dá'maq lecaic da ro'ueenataxanaxaqui'.

Salmos 96:3

'Xachii da lquesaxanaxa chaqai da lemaqachic, 'xachim na ỹalliripi chaqai ná'ogue na qomyipi quena 'laua,

Éxodo 15:11

Qami' qara'gaxala', ¡ỹaatqajam qaica ca liỹa nalo'guit aqami'! ¡Qaica ca co'teeta chaqai lodegaxat 'nejem qami'! ¡Ma' 'viichi' na ỹo'uet ca ne'laxa chaqai 'xoic lichic! ¡Ca' ta'chiguit quiyim qaimaqachin qami'!

Jeremías 25:24

chaqai ná'ogue na nashillipi quiyi Arabia; chaqai ná'ogue na lashillipi na ỹoreta'oguit qomyipi neetalec yi 'laua 'xoic na nashiviaxa;

Hechos 2:10

chaqai Frigia, chaqai Panfilia, chaqai Egipto, chaqai quedaua lahil yi Africa ná'maq paguec pa'aauec quiyi Cirene. Chaqai qai'neeta 'ue na romanollipi chi la'a' najo. Na'maxare 'ue ná'maq ỹaatqajam judío le'ec, chaqai 'ue na mesqai judío le'ec, qam ỹaatqajam huelec dá'maq huelec na judioipi.

Hechos 2:12

Ca' sá'ogue so qomyipi chalego na le'laxa, ca se ỹa'den ca 'neeta ca la'deenataxanaxac, ca chi nenatetecta': —¿Negue' ca 'neeto' dá'ogue dajo?

Hechos 27:12

Ma' quiyijo ñigaxasom se no'uen quiyim qoyina'ñi quena' no'oomaxa, ca sham sá'ogue ỹa'deenta'a quiyim paguec la'maxa qoyique'e yijo, sha'apiguito' ishit ỹovirera'a yi Fenice, liỹa ñigaxasom quiyi Creta, reloqota'gue da rapiguima'gue chaqai da 'guiña'gue, ca nera'anyi quesá'ogue so no'oomaxa.

Hechos 27:13

Ca ma' npe'taxanshiguim so nonot se quesaxan chicqo'tegue da 'guiñi, ca 'neesapigui lauele' quiyim 'maxaraic liỹa queete'. Ca' reloqorec, ca qoyiqueto'ot na lahi ada delec Creta.

Hechos 27:7

Ca' mashic 'vii saua na'xata' qolqata, sqai chaxalec aso qarahi'. Ca ỹaatqajam 'xoic qaredaxac, ca sovitaxa yi naloote'oga yi Gnido. Ma' qaiyiita seloxoiqata'guit so nonot, qolqa'tegue yi naloote'oga yi Salmón, llipatqatau'a ada delec leenaxat Creta.

1 Corintios 12:10

Chaqai 'ue na ỹaanem quiyim ỹo'uet na nquesaxanaxa se qaiuanapega, chaqai 'ue na ỹaanem quiyim ỹa'xat da la'qaatec ñi qota'a, chaqai 'ue na ỹaanem da la'deenaxanaxa quiyim retan na se re'xogui quena 'maatqaic, loqo'm chaqaiso so Espíritu Santo. Chaqai 'ue na ỹaanem quiyim ỹa'xate' naua na'qaatqa se qaiuanapegalo, lotqai 'ue na ỹaanem quiyim ỹa'den da leloxoỹaxac naua na'qaatqa.

1 Corintios 12:28

Ca 'eda da 'ne'tegue ñi qota'a quena' 'ue ñi ỹaconeu'a quená'maq mashic huelec ñi'maxare quena' ỹo'uet da lo'ueenataxanaxac. Ỹa'maxachichiguiñi da 'ne'tegue quiyim ỹa'auaxan na lelaatec so Jesús, ime lotqai na ỹa'xat da la'qaatec ñi qota'a, ime lotqai na napaxaguinataxanaq, ime lotqai na re'oq nqai'en na nquesaxanaxa se qaiuanapega, ime lotqai na nataren na ralolaxaic chaqai na ỹotauan ca liỹa, chaqai na na'gaxala', chaqai 'ue na ỹa'xate' naua na'qaatqa se qaiuanapegalo.

Gálatas 1:17

Vire'ta sqa saigue da Jerusalén quiyim ya'ỹa'alo saua 'auaxaqa caỹim lelaatqa so Jesús. Ta'ta'a quiyim se ñaỹaloxoren quiyim saigue da Arabia. Ca na' ime, ca' yapila yi Damasco.

Gálatas 4:25

Ma' aso Agar ñigui nqohin aso quemaralec ladocai leenaxat Sinaí na'ñi yi Arabia. Ca' chaqaso asó'maq ñigui nqohin yí'maq Jerusalén nagui, ma' yijo na'a' nagui 'neetari' aca na'á, chaqai qai'neeta ná'ogue na llaalqaipi.

Tito 1:12

'Uo' so ỹale 'deenaxanqachaqaic na'ñi yi Creta, so'maxare ỹa'xat ná'maq chi lauo' laseripi, 'neetasa' da la'qaatec: “Ná'maq Creta laseripi ỹaatqajam 'maatqaiquipi, chaqai yiloxoiquipi 'ec na iseripi, quemaraxauaiquipi, chaqai hualaiquipi.”

Tito 1:5

Na' ño'ueenaqta'ñi qami' ada delec leenaxat Creta, ma' sahotaque quiyim 'maxachiriñi ná'maq saqa' ỹa'maxañi, chaqai quiyim vite ná'maq la'gaxala' ná'maq mashic icoñiguit da na'qaatec quená'maq na'aateripi na'ñi. Ca' 'eda dá'maq shinac na'le:

Hebreos 2:4

Chaqai ñi qota'a qai'neeta 'chichiguiñi nqai'en dajo na'qaatec. Ca ỹa'vii naua netanqa, chaqai ná'maq ỹo'uet da ne'laxa, chaqai 'xoic na ỹo'uet quená'maq se qaiuanapega, chicqochigui nqai'en so Espíritu Santo quiyim ỹaanema qomi' ná'maq ỹoreta'oguit ỹoiquentac quecá'maq 'ne'tegue.