Hechos 2:1 - La'qaatqa ñi qota'olec Qota'olec & Qota'olec Novita Na Qomyipi

¹ Co'na' noviro so na'xa'a leenaxat Pentecostés, ca sá'ogue só'maq huelec so Jesús lapoỹata' cá'ogue ca neeta'ñi.

Hechos 2:1 Iomraidhean Croise

Éxodo 23:16

Qai'neeta 'viichi' nemaqachic ma' ỹovire'oga ca laloqo' quiyim naqachi' ca ala 'auaxaic ca qadañicshiguii ca ñi'riñi quecá'maq na'laua'e'. Qaican ỹapaguec ma' qataxañi' ma' ime ca ñaaxa ma' ime naqachi' ca la cá'ogue cá'maq qadañicshiqui'.

Hechos 1:5

Ỹaatqajam llic queso Juan rachilaxanataxañigui na huaxaỹaq, qam qai'neete' qamiri quenaua na'xatarolqai' qanachilaxanguilo qamiri ca Espíritu Santo.

Hechos 1:8

Qam ma' novitalo qamiri ca Espíritu Santo, ca' coñiguit ca nquesaxanaxa. Ca' oquii, 'xachitac aỹim, ca 'qaataxañiỹougui yi Jerusalén, chaqai yá'ogue yi 'laua quiyi Judea, chaqai yi Samaria, chaqai ỹovireta'ogalo naua'que naua lahil na 'laua.

Hechos 2:46

Chaqai naua'que naua na'xata' lapootecta' cañi no'ueenaxanaxaqui quiyi Jerusalén, chaqai quenaua la'aate' nouanta'ta' quena' que'e 'xoic laỹaac chaqai ỹaatqajam hueetagui añi le'taxanata da neneequesenaxac.

Hechos 20:16

Ca' dá qohine'tegue, ma' so Pablo se ỹa'maxaren shi'gom neeta'ñi yi 'laua Asia, vichiguiño' sqa taigue da na'a' Efeso; ma' ỹahotaque qaỹaloq ỹovi' queda Jerusalén, sha'apiguito' ishit ỹalequetaho ma' noviro so na'xa'a nemaqachic leenaxat Pentecostés.

Hechos 4:24

Ca co'na' qara'xaỹalo saua'maxare queda ỹa'xate', ca sá'ogue nqouagaxainot ñi qota'a. Ca 'naaco': —Qami' qara'gaxala', ma' ỹaatqajam qami' qota'olec ro'ueenachiqui' na piguim chaqai na 'laua, chaqai ana huaaxai, chaqai ná'ogue ná'maq nanchaqaina.

Hechos 4:31

Ca co'na' ime da nqouagaxainaxague', ca' i'loxol ca neesa'ñi lapoota'ta'. Ca sá'ogue qano'xataxachichigui queso Espíritu Santo. Ca' qaica ca no'chiiraque ỹa'xatesac da la'qaatec ñi qota'olec.

Hechos 4:32

Ca 'xoico' só'maq mashic ỹacoñiguit da na'qaatec, ca' qana'yiinchigui quiyim 'oonoqui' da na'deenataxanaxac. Qaica ca se ỹasen ca louenec, ma' na nouenqaipi ná'ogue qanouantagui.

Hechos 5:12

Quesaua Jesús lelaatqa 'xoic na qaỹo'uet quena netanec chaqai na se qaiuanapega quena qomyipi, ca sá'ogue lapoỹata', hueeta'ñi yi nasoxoc yí'maq leenaxat Nasoxoc so Salomón.

Romanos 15:6

qaiyi 'oonoqui' ca qavilliỹaxaguii quiyim maqachiñitac ñi qota'a, leta'a so qara'gaxala' Jesucristo.

1 Corintios 16:8

Qam sahotaque sena'ñi na Efeso ỹovireta'oga ca na'xa'a, leenaxat Pentecostés.

Filipenses 1:27

Qaidaata quiyim nquipichiỹa'pegue' quiyim nachiñi'chiguit nqai'ñii dá'maq no'ueenataxaguii da na'qaatec qaỹa'xat queso Cristo. Ca' quiyim saiquena loqo'm qoỹoqo'ta ỹim, qam sahotaque quiyim 'ue ca ỹa'xaỹaxac quiyim ỹaatqajam quiijlec chaqai necoñii'jta' queda rpi'ỹaxaguii chicqochigui da na'qaatec chicqaugui da nca'laxa,

Filipenses 2:2

ca 'maxaraic quiyim 'viichii ca ñitoonaxac quiyim niñiiquishiñitecta', necoñitagui da 'oonoqui' ne'xorenataxanaxa, 'oonoqui' ca ra'deenataxanaxaguii, chaqai 'oonoqui' cá'maq 'ñiitari'.