Hechos 19:9 - La'qaatqa ñi qota'olec Qota'olec & Qota'olec Novita Na Qomyipi

⁹ Qam 'uo' na ỹa'ñaxat añi le'taxanata, ca se ỹa'maxaren huelec. Qaidaata quiyim se no'uen na ỹa'xatetac queda na'qaataxac so Jesús, ỹa'xaiqachitetac na qomyipi. Ca' so Pablo ca'ahi saua'maxare, qaisoota ỹauec só'maq mashic ỹacoñiguit da na'qaatec cañi lapaxaguinataxanaxaqui so ỹale leenaxat Tiranno. Ca' ỹapaxaguintac naua'que naua na'xata'.

Hechos 19:9 Iomraidhean Croise

2 Reyes 17:14

Qam so qomyipi se na'xaỹaxan. Ta'ta'a quiyim ỹaatqajam napacqajan, 'nejem so 'auaxaic leta'allipi só'maq sqai huelec ñi la'gaxala' ñí'maq qota'olec.

Salmos 95:8

Totaxan 'ñaxachii añi re'taxanatahi, 'ec na'le quiyi Meriba, 'nejem so na'xa'a quiyi Masah, quiyi 'laua qaica qom,

Jeremías 19:15

Ñi qara'gaxala' qaica lqalanec, ñi qota'olec queso Israel 'naac: Ná'ogue ná'maq sa'xateta'guit nouaxanaxaset na'le, ná'ogue ñilata ma'le najo na'a' lodegaxat, chaqai ná'ogue na sqoỹoqaque qomyipi quena la'a', ma' na'maxare ỹaatqajam ỹoqa'a dá'maq 'neetari' se na'xaỹaxanalo naua ỹa'qaatqa.

Mateo 15:14

'Xañiỹac, ma' na'maxare se neuanñi chaqai ỹashaxantac ná'maq liỹa se nauanñi. Chaqai no'm cá'maq se nauanñi ỹauequetegueri' cá'maq liỹa se nauanñi, ca' caua'que tari'ñigui aca ni'ỹa ma'le.

Mateo 16:4

Najo qomyipi hualoxonaq chaqai mashic ca'e ñi qota'olec, na'maxare rashiilaxantaque quiyim qaỹo'uet ca netanec se qaiuanapega. Qam se qoỹaanem ca liỹa netanec, qaisoota so netanec na'le queso Jonás. Ime, ca' no'ueenaqchichiguiñi so qomyipi, ca' eec.

Mateo 26:55

Co'na'le, ca' so Jesús 'naaco' queso qomyipi: —¿Chi'neco' ma' viita'ahi na lecaachiri chaqai naua nepoñiri quiyim naguii'oga aỹim mashic 'eco' ỹim cuataxai? Taxanta' naua'que na'xata' ñqa'xantañi quen salequetauguilo qamiri, sapaxaguinataxantac cañi no'ueenaxanaxaqui late'ogue' na'ñi yi Jerusalén, qam se ycoñirii.

Juan 12:40

Ñi qota'olec se nauanñi nqai'en na'maxare chaqai ỹa'ñaxat añi le'taxanata, qaiyi se reuanaxanalo naua nqote', chaqai cañi le'taxanata se ỹa'yiiñigui nqai'en dajo, chaqai sqo pila'a aỹim, qaiyi aỹim somatec.

Hechos 11:26

Ca 'óna ñaaxa nera'ñi, ỹalequesaugui so mashic ỹacoñiguit da na'qaatec, rapaxaguinataxanta'pe quena qom. Ca chicqochi'ño' yi Antioquía na' 'au qaỹa'ue da leenaxat ná'maq ỹacoñiguit da na'qaatec, qoỹanegue Cristo nalliripi.

Hechos 14:4

Qam so qomyipi quiyi na'a' noỹoota'chi, 'uo' na qoshiiteguelec na judioipi chaqai na liỹa qoshiiteguelgoto saua lelaatqa so Jesús.

Hechos 17:4

Ca 'vio' saua judío lase' huerelec, ca qoshiiguita so Pablo chaqai so Silas. Qai'neeta 'xoico' so griegoipi huelec, ca imaqachintac ñi qota'a, chaqai 'xoic ana 'aalo 'maxataxarai qai'neeta huelec.

Hechos 19:23

Ca quesaua na'xata' 'uo' so la'aaxa lodegaxat hua'ñi yi Efeso sauaxat da la'qaatec ñi qota'a.

Hechos 19:30

Ca' so Pablo ỹahotaque inoxono quiyi'maxare quiyim retaxaỹa'pegue' so qomyipi, qam se qaỹaseno quesó'maq qomyipi só'maq shi'gue ỹacoñiguit da na'qaatec.

Hechos 20:31

Vichiguiño' ỹaatqajam rovichiỹari'o'; no'viñita'gue quecaua tres ñaxari, quiyi na'xa'a chaqai yi pe, qaica lqodoc quiyim sapaxaguinta'pe qamiri, saqatetapegalo qamiri, ñoỹentalec quiñi 'óna caqamiri.

Hechos 22:4

Ỹim quesom ỹaatqajam se seuoten ná'maq mashic icoñiguit da na'qaatec, vire'ta salauat chaqai sauegueu'a añi ncoñiitaxanaxaqui na ỹale chaqai ana 'aalo quiyim qaicoñi'.

Hechos 24:21

Loqo'm chaqaida da sasoualec ma' se ñconaỹañi na' setaqa, shinac: “Nagui yimichitac queca ỹasauaxaset, ma' ỹim seuelec ñi qota'olec quiyim ishit liỹa nca'laxatec ná'maq shi'gue ileu.”

Hechos 28:22

Vichiguiño' nagui sahoqotaque ña'xaỹaxanaxa cá'maq 'neeta ca ra'deenataxanaxaqui', ma' sa'deenaq chicqote'ogalo da npa'guenaxac ana dalaxai qoyiquetaugui.

Hechos 7:51

Ca so Esteban ñaqai queetalec 'neetapega so nashillipi: —Qam qamiri ỹaatqajam 'ñaaxai añi re'taxanatahi, chaqai se na'xaỹaxañii chaqai añi re'taxanatahi 'ec ná'maq se ỹauanapega ñi qota'olec. Chaqaidaata quiyim se remii npa'guiñita'pegue' ñi Espíritu Santo, chaqai 'ñiita so 'auaxaic qata'illipi.

Hechos 9:2

ca rashiilaxanaque aca lere lomalate da lo'ueenataxanaxac. Ca' eec, quepegue' yi na'a' leenaxat Damasco, quigui ana lapoonaxanaxaqui na judioipi, idaanaque na ỹalliripi chaqai na 'aallipi, ca' coñi' ná'maq queetalec da na'qaatec, nauegueu'a yi Jerusalén.

Romanos 11:7

Ca ¿negue' cá'maq 'neeto'? Quiyim ná'maq Israel laseripi se ỹanata cá'maq idaantaque, qam ná'maq lca'acseripi ñi qota'a, ca' ỹanata. Qam ná'maq liỹaripi no'ueena'guit quiyim se na'xaỹaxan.

Romanos 9:18

Ca' 'eda da 'neeta quiyim ñi qota'olec nqouaguegue cá'maq nqouaguegue, chaqai qai'neeta ỹa'ñaxat aca le'taxanata cá'maq ỹahotaque ra'ñi nqai'en.

1 Corintios 16:9

Ma' quena'maxare qaica ca yo'taxat quiyim so'ueenataxan, qaiyi 'xoic ca huelec so qara'gaxala', qam 'xoic na npa'guentac.

1 Timoteo 6:5

chaqai da napetaxanaxac qaica ca lqodoc. 'Eda da 'neeta na qomyipi quiyim mashic tot ỹalamaq da la'deenataxanaxac chaqai tot ỹa'den dá'maq ỹaatqajam lliqueta, ma' na'maxare 'neetapega quiyim chicqaugui da re'qoochigui nesallaxa quiyim icoñiguit da na'qaatec. Noỹoochirec ma'le quená'maq qom 'neetari' dajo.

2 Timoteo 1:15

Qam mashic 'yiiñi' quiyim yalat yá'ogue yi na'ñi yi 'laua Asia, ỹalequetero saua Figelo chaqai so Hermógenes.

2 Timoteo 3:5

Na'maxare qaidaata quiyim 'naac queetalec da na'qaatec, qam se icoñiguit cá'maq ỹaatqajam lquesaxanaxa da'maxare. Ca' 'ena ná'maq rovichisa'a ma'le.

2 Timoteo 4:2

quiyim ỹaatqajam 'xachi' da na'qaatec, nquipichira'pegue' quiyim 'ue ca redaaqachi' chaqai 'eno'm qaica ca redaaqachi'. Vire'ta quiyim shichi' ca qom, chaxañi' ca lo'maxac, qachita, chaqai ỹaatqajam neualaxaviñire'e' quiyim paxaguiñi'.

Hebreos 3:13

Ta'ta'a quiyim quiitalec na'ñaxachita'ta' quenaua'que naua na'xata', tomallaqai queete' naua na'xata' nagui. Qaiyi qaica ca qaỹayin caqamiri quena nasauaxaset, ca ỹa'ñaxat añi le'taxanata quiyim se na'xaỹaxan.

2 Pedro 2:12

Qam najo qomyipi ỹaatqajam 'nejem na iseripi, ma' qaica ca la'deenataxanaxac chaqai queeta'pegue' da chi la'ajnaxanaxac; chaqai quiyim ne'qaañi, qam tai'a quiyim qaiconlec, ca' qaỹalauat. Chaqai se ichirac quiyim ỹa'xat cá'maq se ỹa'den, qam na'maxare ma' ileu 'nejem ma'le na isecỹac ca lelauaxa.

2 Pedro 2:2

Ca 'xoic ma'le na que'uegue dá'maq se no'uen llicyaxac na'maxare. Ca' chaqaina ná'maq sauaxat ma'le quiyim se no'uen ca qaỹa'xat quedá'maq ỹaatqajam no'uen ñicyaxac queda na'qaatec chicqaugui da nca'laxa.

Judas 1:10

Qam najo ỹalliripi ỹaatqajam se no'uen ná'maq ỹa'xatetac, queeta'pegueu'a dá'maq no'uen ma' se ỹa'den. Qam dá'maq no'ueenataxac ỹachigoxotaugui dá'maq chi la'ajnaxanaxac dá'maq ỹa'den, 'nejem ná'maq ỹa'den na iseripi, qam qaica ca la'deenataxanaxac, ca' ro'ueenataxantapega, qam chi nqa'viinteguelta'.