Hechos 19:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca co'na' so Apolos hueeta'ñi yi Corinto, ca so Pablo naquetagui na no'ueenaxanaxaquiripi neetalgoto naua 'lauari qoỹoqoshi'meguelo, ca chi ỹoviretau'o' yi Efeso. Ca 'vio' saua natenalgoto mashic ỹaconchiguit da na'qaatec.

Hechos 19:1 Iomraidhean Croise

Hechos 18:1

Co'na' ime dajo, ca' so Pablo ca'e yi Atenas, ca quepegue' yi na'a' Corinto.

Hechos 18:8

Chaqai so Crispo, so lashi añi napoxoqui, huelec ñi qara'gaxala' chaqai sá'ogue so llaalqaipi. Chaqai qai'neeta 'xoic so na'ñi yi Corinto, co'na' 'xaỹa da na'qaatec, qai'neeta huelec. Ca sá'ogue qanachilaxan.

Hechos 19:17

Ca sá'ogue so judío chaqai na sqai judío na'ñi yi Efeso, co'na' ỹa'den dajo, ca' 'xoic da lqolonaxa. Ca' 'naaco' so qomyipi: —Ỹaatqajam 'xoic da lecaic da leenaxat ñi qara'gaxala' Jesús.

Hechos 19:26

Qalaxam qamiri mashic huañiỹa chaqai 'xaichigui queso ỹale, leenaxat Pablo. So'maxare ỹa'xatetac quiyim mesqai qota'a na chaqai qom lo'ueenatec nashiilec. Ca 'xoic na qom huelec so'maxare, chaqai mesqainaata quenajo Efeso, qai'neeta naua'que naua 'lauari quena Asia.

Hechos 20:16

Ca' dá qohine'tegue, ma' so Pablo se ỹa'maxaren shi'gom neeta'ñi yi 'laua Asia, vichiguiño' sqa taigue da na'a' Efeso; ma' ỹahotaque qaỹaloq ỹovi' queda Jerusalén, sha'apiguito' ishit ỹalequetaho ma' noviro so na'xa'a nemaqachic leenaxat Pentecostés.

Hechos 20:18

Ca co'na' sá'ogue noviro, ca 'naapego': —Qamiri 'yiiñita da shintari' chicqotau'a so 'auaxaic na'xa'a na' ñovira'a na Asia.

Hechos 21:29

Dajo 'nerac, ma' shi'co' qaiuana quiyi na'a' lodegaxat liỹaatec so Trófimo, Efeso le'ec, ca qohintapega quiyim so Pablo ỹauegougui añi no'ueenaxanaxaqui.

1 Corintios 1:12

Ma' quedajo re'qoota quiyim se natenta' naua ra'qaataxahi. Ma' 'uo' quen na 'naac: “Aỹim ỹa'gaxala' so Pablo”; chaqai 'uo' quen na 'naac: “Aỹim ỹa'gaxala' so Apolos”; chaqai 'uo' quen na 'naac: “Aỹim ỹa'gaxala' so Pedro”; chaqai 'uo' quen na 'naac: “Aỹim ỹa'gaxala' so Cristo.”

1 Corintios 15:32

Ỹim shiquiaxam ỹaatqajam seloguiỹa'e' na iseripi na'le quiyi Efeso; qam ¿nega'ỹo' ca ỹaueguec quedajo? No'm llic quiyim tot nca'leuec nqohin ná'maq mashic ileu, ca' ỹaatqajam 'chiñi quiyim llic da na'qaatec 'neetasa': “Squi'ỹaq, chaqai ñi'taq, ma' ma' nete'e, ca qareleu.”

1 Corintios 16:12

Qam so qarqaỹa Apolos ỹaatqajam yipaca'a quiyim queguelo saua liỹa' qarqaỹa' quepegueto qamiri, qam sqai eec nagui. Qam eeco' ma' 'ue ca ledaaqa'.

1 Corintios 16:8

Qam sahotaque sena'ñi na Efeso ỹovireta'oga ca na'xa'a, leenaxat Pentecostés.

1 Corintios 4:6

Qamiri ỹaqaỹa', dá'maq shinapegalo qamiri, da'maxare chi ra'maxahi. Ca saloqojnaxangui so Apolos chaqai aỹim, qaiyi qamiri ishit quiyim chigoxochiỹaugui da qana'maqataxac, qaiyi 'yiiñii qaica ca napaguiteguelec quenaua nerecse' na'qaatqa, chaqai qaiyi qaica ca imaqachintac ca liỹa chaqai ca ỹañijintac ca liỹa.

Efesios 1:1

Ỹim Pablo, ma' ỹimo' loỹaxanaxat ñi qota'a ỹauaaque quiyim aỹim lelaatec so Jesucristo. Ca' selatalo qamiri ana ỹerecse, ma' qamiri lalamaxarete' ñi qota'a chaqai viilec so Cristo Jesús, ñiita'ñi na na'a' lodegaxat Efeso.