Hechos 18:4 - La'qaatqa ñi qota'olec Qota'olec & Qota'olec Novita Na Qomyipi

⁴ Qam so Pablo co'quena' ỹovire'oga yi na'xa'a co'mataxaqui, lotqai eec, quepegue' aca lapoxoqui na judioipi. Ca hua'ñi, ca ra'qaataxantapeguem na judioipi chaqai na sqai judío, ca' icoñiguit nqai'en da na'qaatec.

Hechos 18:4 Iomraidhean Croise

Génesis 9:27

Chaqai ñi qota'olec ỹaanem quiyim noquiiguec nqai'en da Jafet; chaqai lauora nqai'en da Sem, ca' da Canaán, ca' chi na'ac.

Lucas 16:31

Qam so Abraham 'naaco': “Quiyim se na'xaỹaxana so Moisés chaqai so la'qaataxanqajanqaipi ñi qota'a, ¡qaiyiita sqai huelec, 'eno'm 'ue ca liỹa nca'leuec, chicqochi'ñi ca leuaxaiquipi!”

Lucas 4:16

Ca' so Jesús quepegue' yi Nazaret yí'maq na'a' chaqai ỹa'ñi. Ca co'na' ỹovire'oga so na'xa'a co'mataxaqui. Ca inoxonougui aso lapoxoqui na judioipi, ma' chi no'ueenataxac so'maxare. Ime, ca nachajñi, ca retaqalec yi la'qaatec ñi qota'a.

Juan 7:35

Ca' quiyi, ca so judioipi chi nenatetecta': —¿Nega'ỹo' ca taigue ma'le dá'maq dajo quiyim qomi' se sanataxa? ¿Loqo'm quepegue' na judioipi quená'maq neuagaxatetac, hueetaugui na sqai judioipi, qaiyi ỹapaxaguin na sqai judioipi?

Hechos 13:14

Ca co'na' ncopa, ca que', quere'e yi Perge, ca querepegue' yi na'a' Antioquía hueetaugui yi 'laua Pisidia. Ca' quiyi queso na'xa'a co'mataxaqui, ca inoxondougui añi lapoxoqui na judioipi, ca nqa'xañiñi.

Hechos 14:1

Quiyi Iconio so Pablo chaqai so Bernabé niỹaresaho, inoxondougui añi lapoxoqui na judioipi, ca na' ỹaatqajam retaxahi', ca 'xoic so icoñiguit da na'qaatec quena judío chaqai quená'maq mesqai judío.

Hechos 17:11

Ca' sojo judioipi paguec 'xaỹaxanqachaqaiquipi, sqai 'nejem yi na'ñi yi Tesalónica. Ma' so qomyipi ỹaatqajam paguec nqo'ta na'xaỹaxana da na'qaatec. Vichiguiño' naua'que naua na'xata' qaỹa'ajanta'pe naua ñaua'pe nerecse' la'qaatqa ñi qota'a quiyim chaqaido' da qaỹa'xatetac.

Hechos 17:17

Vichiguiño' retaqata'pegue' na judioipi quena' hueetau'a añi lapoxoqui, chaqai qai'neeta quená'maq mesqai judío, ná'maq mashic huelec ñi qota'a. Chaqai quenaua'que naua na'xata' retaqatac cañi nouoxoqui nañigui lavinñi yi na'a' quecanchi natena'guit quiyi'maxare.

Hechos 18:13

Ca' qohinaco' queso nashi: —Najo ỹale mashic ishit na qomyipi quiyim nqouagaxainot nqai'en ñi qota'olec, qam mesqa taagui nqai'en dá'maq 'auaxaic nelaataxanaxac.

Hechos 18:19

Qam co'na' ỹovijta yi na'a' Efeso, ca' so Pablo no'ueenaqterañi saua Priscila chaqai so Aquila. Ca' eec, quepegue' añi lapoxoqui na judioipi, ca retaxaỹa'pegue', ma' chi lapooqo' yi'maxare.

Hechos 19:26

Qalaxam qamiri mashic huañiỹa chaqai 'xaichigui queso ỹale, leenaxat Pablo. So'maxare ỹa'xatetac quiyim mesqai qota'a na chaqai qom lo'ueenatec nashiilec. Ca 'xoic na qom huelec so'maxare, chaqai mesqainaata quenajo Efeso, qai'neeta naua'que naua 'lauari quena Asia.

Hechos 19:8

Ca quesaua'que saua tres shiriguiri so Pablo taatapegueu'a añi lapoxoqui na judioipi, ra'qaataxantac, qaica ca ỹouetaque. Chaqai retaqatapougui na qomyipi, ca ishit quiyim na qomyipi huelec da lo'ueenataxanaxac ñi qota'a ma' ỹoiquentac ná'ogue najo.

Hechos 26:28

Ca' so Agripa 'naaco': —Saqa'leca cocho'qui', ca yishichi' quiyim shiguelec so Cristo.

Hechos 28:23

Ca vichiguiño' qaỹa'uo' so na'xa'a naloqojnec. Ca co'na' ỹovire'oga sojo na'xa'a, ca 'xoic so qomyipi ỹovira'a yi neeta'ñi so Pablo. Ca' ñaq nete'eta na' retaqa so Pablo chi ỹovireta'guit so avit, ỹa'xatetac da lo'ueenataxanaxac ñi qota'a ma' ỹoiquentac ná'ogue najo. 'Ne'tegue dajo so Pablo, ma' ỹahotaque qoyiuelec so Jesús. Vichiguiño' ỹachigoxochichigui da la'qaatec so naqataxaquipi chicqo'ot nqohin na'le so Moisés, chaqai ana lerecse so letaxaỹaxaquiripi ñi qota'a.

Hechos 9:20

Ca co'na' ncopa, ca so Saulo lotqai ỹa'xatetac da na'qaatec, hueetau'a ana lapoxoqui na judioipi, ỹa'xatetac so Jesús ỹaatqajam chaqaiso so llaalec ñi qota'olec.

2 Corintios 5:11

Vichiguiño' ma' sa'deenqata da leloxoỹaxac da nqolonaxa queso qara'gaxala', ca' 'ue da qareuogoxo quiyim qoyiuelec da na'qaatec quena qomyipi. Qam ñi qota'a shi'gue ỹa'den da shinqatari', chaqai 'ue da ñaquitaxac quiyim qamiri qai'neeta 'yiiñita da'maxare.