Hechos 18:2 - La'qaatqa ñi qota'olec Qota'olec & Qota'olec Novita Na Qomyipi

² Ca hua'ñiyi, ca natenejlec so judío le'ec, leenaxat Aquila, ne'xaỹoqsoqo' yi 'laua Ponto. So Aquila chaqai aso loua Priscila ñaqai chita'co' chicqora'gue da 'laua Italia. Quere'e yi'maxare, ma' so lashi na nashillipi leenaxat Claudio, 'naapego' na judioipi ca'e yi na'a' lodegaxat Roma. Ca' so Pablo ra'piichalo.

Hechos 18:2 Iomraidhean Croise

Hechos 11:28

Quesaua'maxare 'uo' so ỹale leenaxat Agabo, nachajñi, qailligui lauel queso Espíritu Santo quiyim ỹa'xata'guit naata so ỹaatqajam lodegaxat nqopaaxa. Qam llic, ma' dajo ỹovirelec quiyim ipaquichigui na' neetaho so nashi quiyi Roma, leenaxat Claudio.

Hechos 18:18

So Pablo ñaqai 'vii saua na'xata' hueeta'ñi yi Corinto. Ime, ca' ỹa'ue la'xaỹaxac so nqaỹaripi, ca' eec, taigue da 'laua Siria, nauequetecto aso Priscila chaqai so loua Aquila. Qam co'na' ỹovireraxaso'ma yi ñigaxasom leenaxat Cencrea, qam co'na' saqa' renojshiguim caca lahi' huaxaỹaqse, ca que'guena'gue nepetec, ỹoselaxatejlec na lqahic, ma' chi letanec quedá'maq shi'gue la'qaatec. Ime, ca' renojshiguim.

Hechos 18:26

So Apolos co'na' retaqa cañi lapoxoqui na judioipi ỹaatqajam qaica ca ỹouetaque. Qam aso Priscila chaqai so Aquila na'xaỹaxanta'pe. Ca co'na' ime da letaxaỹaxac, ca qaỹaueguec, ca ỹaatqajam qaichoxote'tem dá'maq 'neeta dá'maq ñicyaxac ỹachaxantac ñi qota'a.

Hechos 2:9

Ỹaleque'ejta' na qom, 'ue na chicqa'gue da Partia, chaqai Media, chaqai Elam, chaqai Mesopotamia, chaqai Judea, chaqai Capadocia, chaqai Ponto, chaqai Asia,

Hechos 27:1

Ca co'na' ỹovita ca laloqo' qailateguelo qomi' da Italia, ca so Pablo chaqai so liỹa ncoñiitecseripi qoỹaanem so nouaataxanaq lashi, leenaxat Julio. Sojo leloxoiqatecsec sá'ogue so nouaataxanaq só'maq qoỹanegue leenaxat nalliripi so Augusto.

Hechos 27:6

Ca' yi hua'ñi, ca so nouaataxanaq lashi iuanejlec aso qom lahi' huaxaỹaqse chicqa'gue da Alejandría, taỹa'gue da Italia. Ca renotqajando qomi', ca lotqai liỹa qolaq.

1 Corintios 16:19

Na mashic icoñiguit da na'qaatec neeta'ñi na Asia ilatalo qamiri da liquinaxanaxac. Aquila chaqai Priscila chaqai na mashic icoñiguit da na'qaatec lapooqo' yi la'a' saua'maxare, caua'maxare ỹaatqajam 'xoic da liquinaxanaxac nelatalo qamiri, ma' qamiri lpi'ỹaxaua'.

2 Timoteo 4:19

Selata da iquinaxanaxac aca Prisca chaqai ca loua Aquila, chaqai ca lauo' laseripi ca Onesíforo.

Hebreos 13:24

Iquinaxanaxac ma'le quecaua'que caua ra'gaxalachiri, chaqai ná'ogue na qarqaỹaripi quená'maq mashic icoñiguit da na'qaatec. Ná'maq chicqa'gue da Italia ila' da liquinaxanaxac caqamiri.

1 Pedro 1:1

Aỹim Pedro, aỹim lelaatec so Jesucristo, shiriñi anajo ilaata, selata ná'ogue ná'maq neuagaxatetac, ná'maq sqai neetalgoto nauá'maq lalamaxarete' la'aate', ta'ta'a quiyim neetalgoto yaua 'lauari Ponto, Galacia, Capadocia, Asia, chaqai yi Bitinia,