Hechos 18:1 - La'qaatqa ñi qota'olec Qota'olec & Qota'olec Novita Na Qomyipi

¹ Co'na' ime dajo, ca' so Pablo ca'e yi Atenas, ca quepegue' yi na'a' Corinto.

Hechos 18:1 Iomraidhean Croise

Hechos 17:15

Ca' saua ncoỹaataxana' queso Pablo ỹoviraqtera'gue yi na'a' Atenas. Ime, ca' pile', qam i'xate' da laqataxac so Pablo, tai'alo saua Silas chaqai so Timoteo quiyim se naỹaloxone', querepegue' so'maxare.

Hechos 17:16

Co'na' so Pablo ñaq nauaanta'piguita saua Silas chaqai so Timoteo quiyi Atenas. Ca ỹaatqajam se ỹa'maxañi, sauaxat ỹa'ajantac yi na'a' no'qaachigui quena nashiilec nqolac.

Hechos 18:8

Chaqai so Crispo, so lashi añi napoxoqui, huelec ñi qara'gaxala' chaqai sá'ogue so llaalqaipi. Chaqai qai'neeta 'xoic so na'ñi yi Corinto, co'na' 'xaỹa da na'qaatec, qai'neeta huelec. Ca sá'ogue qanachilaxan.

Hechos 19:1

Ca co'na' so Apolos hueeta'ñi yi Corinto, ca so Pablo naquetagui na no'ueenaxanaxaquiripi neetalgoto naua 'lauari qoỹoqoshi'meguelo, ca chi ỹoviretau'o' yi Efeso. Ca 'vio' saua natenalgoto mashic ỹaconchiguit da na'qaatec.

1 Corintios 1:2

Ca' nagui selatalo qamiri ana ỹerecse, qamiri ỹaqaỹaripi ma' mashic viilec ñi qota'a, ñiita'ñi na na'a' lodegaxat Corinto. Qamiri lalamaxarete' ñi qota'a, ma' na'yiitau'a so Cristo Jesús. Ñi'maxare roỹaxañiỹaxaua' ma' ỹahotaque quiyim co'taxat da nachaalataxaguii, 'nejem ná'ogue na 'neeta'ogalo naua liỹa' 'lauari ná'maq mashic nqouagaxaintacot so qara'gaxala' Jesucristo, só'maq la'gaxala' na'maxare, neete'm qomi'.

2 Corintios 1:1

Aỹim Pablo, ma' ỹimo' loỹaxanaxat ñi qota'a, ỹauaaque quiyim aỹim lelaatec so Jesucristo. Nagui iỹaatac ñi qarqaỹa Timoteo. Ca' nagui, ca' selatalo qamiri ana ỹerecse, qamiri ỹaqaỹaripi, ma' mashic viilec ñi qota'a, ñiita'ñi na na'a' lodegaxat Corinto, chaqai ná'ogue ná'maq lalamaxaret ñi qota'a quená'ogue ná'maq neetalec yi 'laua, leenaxat Acaya.

2 Corintios 1:23

Qam no'm saqa' sovitalo qamiri quena Corinto quedá'maq chi ỹa'deenataxanaxac, ma' se sahotaque ca nouaxanaxashichii. Qam da'maxare ỹa'deenta ñi qota'a, ca no'm sqaida dajo, ca 'eno'chaqai qanaqat da ñachaalataxac.

2 Corintios 6:11

Qamiri ỹaqaỹarolqa ñiỹa'ñi na Corinto, quena' 'ue sa'xataq caqamiri ỹaatqajam qaica ca soxotqategueñi, ma' sa'xatqata ná'ogue ná'maq hueetagui añi qare'taxanata.

2 Timoteo 4:20

Ca' ca Erasto no'ueena'ñi yi Corinto, chaqai ca Trófimo ño'ueenaqta'ñi yi Mileto, ma' ralolaxaic.