Hechos 17:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca 'vio' saua judío lase' huerelec, ca qoshiiguita so Pablo chaqai so Silas. Qai'neeta 'xoico' so griegoipi huelec, ca imaqachintac ñi qota'a, chaqai 'xoic ana 'aalo 'maxataxarai qai'neeta huelec.

Hechos 17:4 Iomraidhean Croise

Proverbios 9:6

'Xañiñi dá'maq quiyim se na'xaỹaxañii, qaiyi rca'lliiuec; 'ñiitari' ca qom 'deenaxanqachaqaic.

Juan 7:35

Ca' quiyi, ca so judioipi chi nenatetecta': —¿Nega'ỹo' ca taigue ma'le dá'maq dajo quiyim qomi' se sanataxa? ¿Loqo'm quepegue' na judioipi quená'maq neuagaxatetac, hueetaugui na sqai judioipi, qaiyi ỹapaxaguin na sqai judioipi?

Hechos 13:43

Ca co'na' ime so lapoxoc cañi lapoxoqui, ca 'xoico' ca queguelo so Pablo chaqai so Bernabé queso judioipi chaqai só'maq mesqai judío, qam icoñiguit da lapaxaguinataxanaxac na judioipi, ỹa'maxate'tegue chaqai na'maxateta. Qam qaỹaqata quiyim quiichiri'ñigui da le'xorenataxanaxa ñi qota'olec.

Hechos 13:50

Qam na judioipi ná'maq se ỹa'maxaren so Jesús, ca itaxaỹaxanac so 'aallipi 'maxataxaraipi chaqai huelec ñi qota'a, quiyim quepegue' na nashillipi quiyi na'a' quiyim qaỹocana'pe so Pablo chaqai so Bernabé, ỹovireta'a quiyim qaỹo'derauec quiyí'maq hueese'e.

Hechos 14:1

Quiyi Iconio so Pablo chaqai so Bernabé niỹaresaho, inoxondougui añi lapoxoqui na judioipi, ca na' ỹaatqajam retaxahi', ca 'xoic so icoñiguit da na'qaatec quena judío chaqai quená'maq mesqai judío.

Hechos 14:4

Qam so qomyipi quiyi na'a' noỹoota'chi, 'uo' na qoshiiteguelec na judioipi chaqai na liỹa qoshiiteguelgoto saua lelaatqa so Jesús.

Hechos 15:22

Ca' saua lelaatqa so Jesús ỹa'maxarente', chaqai saua na'gaxalate', chaqai sá'ogue só'maq mashic icoñiguit da na'qaatec. Ca' qaỹa'vii saua qanca'au'alo quiyim qailate' queda Antioquía, liỹa' so Pablo chaqai so Bernabé. Ca qanca'au'a so Judas, da liỹa leenaxat Barsabás, chaqai so Silas. Sauajo ỹale' na'gaxalate' queso nqaỹaripi.

Hechos 15:27

Ca vichiguiño' selaraxai' na Judas chaqai na Silas, ca naua'maxare retaxaỹa'pegueto qamiri ma'le, ca ỹaatqajam ichoxotete' dá'ogue dá'maq 'neeta dajo.

Hechos 15:32

Ma' so Judas chaqai so Silas qai'neeta qota'a la'qaataxanqajanqa, vichiguiño' co'na' qatesapega so nqaỹaripi 'xoic la'ñaaqataxanaxac quenaua la'qaatqa.

Hechos 15:40

Qam so Pablo qai'neeta nca'au'a so Silas. Co'na' ime quiyim qoỹaañiguit da le'xorenataxanaxa ñi qara'gaxala', ca' que'.

Hechos 16:3

Ca' so Pablo ỹahotaque liỹa so Timoteo, vichiguiño' ỹa'ue so netanec na loshicmaxa, qaiyi qaica ca qohinegue quena judioipi quená'maq na'ñi yi'maxare, ma' sá'ogue ỹa'deenta quiyim so leta'a griego le'ec.

Hechos 17:10

Ca co'na' mashic pe, so nqaỹaripi nquipitaxandec so Pablo chaqai so Silas quiyim inoxonaxaterec. Ca taategue da Berea. Ca co'na' ỹovite', ca querepegue' añi lapoxoqui na judioipi.

Hechos 17:12

Ca ỹaatqajam 'xoico' so ỹacoñiguit da na'qaatec. Chaqai qai'neeta na griego laseripi 'xoic na huelec, vire'ta na 'aallipi 'maxataxaraipi chaqai na ỹalliripi.

Hechos 17:14

Qam so nqaỹaripi chaqa'ma' ila' so Pablo quiyim quepegue' ca lqodoc aso huaaxai. Qaisauate' saua Silas chaqai so Timoteo no'ueendañi quiyi Berea.

Hechos 17:17

Vichiguiño' retaqata'pegue' na judioipi quena' hueetau'a añi lapoxoqui, chaqai qai'neeta quená'maq mesqai judío, ná'maq mashic huelec ñi qota'a. Chaqai quenaua'que naua na'xata' retaqatac cañi nouoxoqui nañigui lavinñi yi na'a' quecanchi natena'guit quiyi'maxare.

Hechos 17:34

Qam 'vio' saua ỹaconchiguit da na'qaatec, ca' quetegue so Pablo. Quesaua'maxare ỹalequetaho' so Dionisio, qam só naneretau'o' so ỹoiquenac yi Areópago, chaqai qai'neeta aso 'aalo leenaxat Dámaris, chaqai 'vii saua liỹa'.

Hechos 18:4

Qam so Pablo co'quena' ỹovire'oga yi na'xa'a co'mataxaqui, lotqai eec, quepegue' aca lapoxoqui na judioipi. Ca hua'ñi, ca ra'qaataxantapeguem na judioipi chaqai na sqai judío, ca' icoñiguit nqai'en da na'qaatec.

Hechos 19:10

Ca' quiyi chaqa'ma' eec, chi ỹovirete' dos ñaxari, ca sá'ogue so qomyipi na'ñi yi Asia 'xaỹa da la'qaatec ñi qara'gaxala' Jesús, ná'ogue na judío chaqai na sqai judío.

Hechos 2:44

Sá'ogue só'maq ỹacoñiguit da na'qaatec ỹaatqajam sqo ỹora'chi chaqai notaanta'ta' quena louenqaipi.

Hechos 21:28

ca ỹaualaxalec, 'naaco': —Qamiri ỹalliripi Israel laseripi, qarotauañii. Ma' najo ỹale chaqaina na ỹomate' naua 'lauari quiyim ỹapaxaguinta'pegue na qomyipi quiyim npa'guena'e' na qouo', chaqai na naqataxaquipi chicqo'ot nqohin so Moisés, chaqai qai'neeta najo qaro'ueenaxanaxaqui. Chaqai nagui inoxondougui nqai'ne' ana qaro'ueenaxanaxaqui saua sqai judío lase', chi i'nerari' napio'xote' najo co'teeta qalapooqo'.

Hechos 28:24

Ca 'uo' na huelec da la'qaatec so Pablo, chaqai 'uo' na sqai huelec.

Hechos 4:23

Ca' so Pedro chaqai so Juan mashic qaỹosoorec, ca' que', querepegue' ca hueeta'ñi ca liỹaripi, ca ra'qaataxanta'pe quedá'ogue dá'maq qaỹa'xatema queso lashillipi na netaxaỹaxanqajanqaipi chaqai queso qo'xoiquipi.

2 Corintios 8:5

Ma' yi'maxare ỹo'uet dá'maq sqai huapigui qouel, ma' yi'maxare 'au nañaanot so qara'gaxala', ime, ca' qomi'. Ca' dajo ỹaatqajam chicqo'tot ñi qota'a.