Hechos 17:1 - La'qaatqa ñi qota'olec Qota'olec & Qota'olec Novita Na Qomyipi

¹ Da llicyaxague' so Pablo chaqai so Silas queeterelec yi Anfípolis chaqai yi Apolonia, chi ỹoviresa'a yi na'a' Tesalónica. Ca' yí hua'ñi, ca 'uo' aca lapoxoqui na judioipi.

Hechos 17:1 Iomraidhean Croise

Hechos 14:1

Quiyi Iconio so Pablo chaqai so Bernabé niỹaresaho, inoxondougui añi lapoxoqui na judioipi, ca na' ỹaatqajam retaxahi', ca 'xoic so icoñiguit da na'qaatec quena judío chaqai quená'maq mesqai judío.

Hechos 15:21

Ma' quena na'aateripi ñaqa 'ue na ỹa'xatetac na naqataxaquipi chicqochigui na'le nqohin so Moisés quena' ỹovire'ga yi na'xa'a co'mataxaqui quena' qoyiuetaugui añi lapoxoqui, ca qaretaqateguelec ana lere, ma' chaqai 'neetari' quesó'maq 'auaxaiquipi nallaaqo'.

Hechos 16:13

Ca na' ỹovire'ga so na'xa'a co'mataxaqui, ca saxai'ogue da lahi yi na'a', ca qolaqpegue' na lahi aso lachiugue, ma' 'uo' yi napooqo' qouagaxainqa'. Na' sovitaxa, ca ñqa'xanaxañi, ca saanqaem da na'qaatec so 'aallipi hueeta'anyi, lapoota'ta'.

Hechos 17:10

Ca co'na' mashic pe, so nqaỹaripi nquipitaxandec so Pablo chaqai so Silas quiyim inoxonaxaterec. Ca taategue da Berea. Ca co'na' ỹovite', ca querepegue' añi lapoxoqui na judioipi.

Hechos 17:11

Ca' sojo judioipi paguec 'xaỹaxanqachaqaiquipi, sqai 'nejem yi na'ñi yi Tesalónica. Ma' so qomyipi ỹaatqajam paguec nqo'ta na'xaỹaxana da na'qaatec. Vichiguiño' naua'que naua na'xata' qaỹa'ajanta'pe naua ñaua'pe nerecse' la'qaatqa ñi qota'a quiyim chaqaido' da qaỹa'xatetac.

Hechos 17:13

Qam co'na' so judioipi na'ñi yi Tesalónica, ỹa'den quiyim so Pablo hueeta'ñi yi Berea, lotqai ỹa'xatetac da la'qaatec ñi qota'a, ca' que', querepegue' yi Berea. Ca co'na' ỹovijta, sá'ogue so qomyipi ỹasauaxatetecta'.

Hechos 20:4

Liỹareta'pe saua Sópater, Berea le'ec, Aristarco chaqai Segundo, Tesalónica lase', Gayo, Derbe le'ec, Timoteo chaqai so Tíquico chaqai so Trófimo, Asia lase'.

Hechos 27:2

Ca yinotaxaugui aso qom lahi' huaxaỹaqse chicqota'gue da ñigaxasom Adramitio, tai'a yi ñigaxasomipi quiyi Asia. Chaqai qai'neeta ỹalequetauguilo qomi' so Aristarco, na'ñi yi na'a' Tesalónica, huaugui yi 'laua Macedonia.

Filipenses 4:16

Ma' na' ñaqai seueta'ñi yi Tesalónica, ca' qamiri shi'gue nelaritac quen aca rotaanaxanqachii quena ỹouenaxanaxa.

1 Tesalonicenses 1:1

Aỹim Pablo chaqai Silvano chaqai Timoteo selatalo qamiri ana ilaata na qarqaỹaripi quená'maq mashic icoñiguit da na'qaatec neeta'ñi na na'a' Tesalónica, ná'maq na'deetau'a ñi qota'olec chaqai so qara'gaxala' Jesucristo. Ma' sahotaque quiyim coñiguit da qouagaxa chaqai da na'maxa chicqo'ot ñi qota'olec chaqai so qara'gaxala' Jesucristo.

1 Tesalonicenses 2:2

'Nesa ma' na' seuqata'ñi yi na'a' Filipos ỹaatqajam 'xoic da qanishiuenaxac, chaqai qaỹouaxanta'pe qomi', qam da'maxare mashic shi'gue 'yiiñita. Qam na' ñovitaxalo qamiri, ca' ñi qota'a qarotauan quiyim ra'ñiiguilo nqai'ne' naua qovilli' quiyim sa'xatqatapeguema qamiri dá'maq na'qaatec chicqaugui da nca'laxa chicqo'ot ñi qota'a. 'Eno'm seuqataugui ná'maq 'xoic qanpa'guenaxac.

2 Tesalonicenses 1:1

Aỹim Pablo chaqai Silvano chaqai Timoteo, ca' nagui qamiri ỹaqaỹa' selatalo qamiri ana lere ma' mashic coñiguit da na'qaatec ñiita'ñi na na'a' Tesalónica. Ma' qamiri mashic na'yiitau'a ñi qota'olec chaqai so qara'gaxala' Jesucristo.

2 Timoteo 4:10

Ma' so Demas yalat, ma' ỹapacqajnauec na lqo'itaxanqachic quená'maq huelec najo, ca' taigue da Tesalónica. Chaqai so Crescente taigue da Galacia, chaqai so Tito taigue da Dalmacia.