Hechos 16:6 - La'qaatqa ñi qota'olec Qota'olec & Qota'olec Novita Na Qomyipi

⁶ So Espíritu Santo se ỹa'maxaren ỹa'xate' da na'qaatec quiyi 'laua Asia. Ca' vichiguiño' ỹapaquera'ta quiyi Frigia chaqai yi Galacia,

Hechos 16:6 Iomraidhean Croise

Lucas 1:2

Ca saua'maxare ỹichiñi chaqaida dá'maq qarapaxaguinegue sauá'maq ỹauanchirigui da no'ueenataxanaxac na' llaqatachiguiñi, chaqai rotaanaxandegue quiyim ỹa'xate' da na'qaatec.

Hechos 10:19

Qam so Pedro ñaq ỹa'deentapega so lauanaxanaxac, ca' so Espíritu Santo 'naapego' so'maxare: —'Ajñii', tres daua ỹale' idaansaque qami'.

Hechos 11:12

Ca' ñi Espíritu Santo yila' quiyim iỹaata'pe, qaica ca huapigui iuel. Chaqai qai'neeta quetegue aỹim nauajo seis qarqaỹa'. Ca qomá'ogue senoxonaxaugui ñi lauo' ñi ỹale.

Hechos 16:7

chi ỹoviresa'a ca lqodoc yi 'laua Misia. Ca' quiyi, ca ỹahosaque tarou'a yi 'laua Bitinia. Qam so Espíritu chicqo'ot so Jesús se ỹasene' tarou'a yi'maxare.

Hechos 18:23

Ca co'na' shi'gom neeta'anyi, ca lotqai eec, queetagui, 'onatac nqai'en ana no'ueenaxanaxaquiripi quiyi 'laua Galacia chaqai yi Frigia, ỹa'ñaxatetac ná'ogue ná'maq mashic ỹacoñiguit da na'qaatec.

Hechos 19:10

Ca' quiyi chaqa'ma' eec, chi ỹovirete' dos ñaxari, ca sá'ogue so qomyipi na'ñi yi Asia 'xaỹa da la'qaatec ñi qara'gaxala' Jesús, ná'ogue na judío chaqai na sqai judío.

Hechos 20:16

Ca' dá qohine'tegue, ma' so Pablo se ỹa'maxaren shi'gom neeta'ñi yi 'laua Asia, vichiguiño' sqa taigue da na'a' Efeso; ma' ỹahotaque qaỹaloq ỹovi' queda Jerusalén, sha'apiguito' ishit ỹalequetaho ma' noviro so na'xa'a nemaqachic leenaxat Pentecostés.

Hechos 20:28

Ca' nagui, ca ncochiỹalta', chaqai cochiỹa ná'ogue ná'maq mashic ỹacoñiguit da na'qaatec, quiyim so Espíritu Santo pataxalgoto qamiri quiyim loxoi'a chaqai cochiỹa, ma' na'maxare lalamqate' ñi qara'gaxala' Jesús, ma' ñi'maxare lishiujnaxanqate, rishiuetenaxanalo saua chi leuo' na' qaỹalauat.

Hechos 20:4

Liỹareta'pe saua Sópater, Berea le'ec, Aristarco chaqai Segundo, Tesalónica lase', Gayo, Derbe le'ec, Timoteo chaqai so Tíquico chaqai so Trófimo, Asia lase'.

Hechos 21:27

Qam co'na' ipalasauec saua siete na'xata', ca 'vio' saua judío lase', chicqora'gue da 'laua Asia iuanterelec so Pablo hueetaugui añi no'ueenaxanaxaqui. Ca ỹo'ueete' na la'aaxa quesá'ogue so qomyipi. Qai'guentau'a so Pablo,

Hechos 6:9

Ca 'vio' saua ỹale' naneresau'a añi napoonaxanaxaqui leenaxat lapooqo' na qaỹosouec na'aquipi, chaqai saua liỹa' chicqora'gue da Cirene, da Alejandría, da Cilicia, chaqai da 'laua Asia. Ca' chaqaiso só'maq retaqata'guit so Esteban.

Hechos 8:29

Ca' so Espíritu Santo 'naapego' so Felipe: —Nqo'ñiro, huaqaitero caso nahoglena.

Romanos 16:5

Qai'neeta selata da iquinaxanaxac ca qarqaỹaripi lo'ueenaxanqa' quen yi la'a' aca Priscila chaqai ca Aquila. Iquinaxanaxac queca ñauochaxaua Epeneto cá'maq 'auaxaic huelec so Cristo quiyi Acaya.

1 Corintios 12:11

Qam chaqaiso so Espíritu chicqo'ot ná'ogue najo, ca' chaqaiso só'maq imeenec ná'maq ỹoreta'oguit lo'ueenataxanaxac queca qom, quecá'maq shim 'neeta'gue.

1 Corintios 16:1

Qam quiyim 'viichii aca rotaanaxanqachii queca qarqaỹaripi qarpi'ỹaxauaripi, ca qaỹadenaxachichigui da ỹapaxaguinataxanaxac na' saanem ná'maq mashic icoñiguit da na'qaatec neeta'ñi yi' 'laua, leenaxat Galacia.

1 Corintios 16:19

Na mashic icoñiguit da na'qaatec neeta'ñi na Asia ilatalo qamiri da liquinaxanaxac. Aquila chaqai Priscila chaqai na mashic icoñiguit da na'qaatec lapooqo' yi la'a' saua'maxare, caua'maxare ỹaatqajam 'xoic da liquinaxanaxac nelatalo qamiri, ma' qamiri lpi'ỹaxaua'.

2 Corintios 1:8

Qamiri ỹaqaỹa', qomi' sahoqotaque 'yiiñita quiyim 'xoic da qananaqataxac na' seuqata'ñi yi 'laua, leenaxat Asia. Da'maxare ỹaatqajam 'xoic lecaic da qane'guenaxac, ca mashic 'ec tot qaralo'guit, chaqai shinqatapega quiyim chaqaiyi lqodoc ca qanachaalataxac.

Gálatas 1:2

Ỹim chaqai ná'ogue na iuoraripi qarqaỹaripi seraxañi anajo qarelaata quiyim tai'a ná'maq mashic icoñiguit da na'qaatec neetalec na 'laua Galacia.

Gálatas 3:1

¡Aicuéra caqamiri Galacia lase', ỹaatqajam qaico' ca ra'deenataxanaxaguii! ¿Nega'ỹo' cá'maq ỹachi'iñi qamiri quiyim sqai viilec dá'maq na'qaatec ỹaatqajam lliqueta? Ma' quesó'maq 'avichiguiñi qara'qaataxanaxac ỹaatqajam sachaxanqa'tema qamiri so Jesucristo na' qaipateno queso qo'paq.

2 Timoteo 1:15

Qam mashic 'yiiñi' quiyim yalat yá'ogue yi na'ñi yi 'laua Asia, ỹalequetero saua Figelo chaqai so Hermógenes.

2 Timoteo 4:10

Ma' so Demas yalat, ma' ỹapacqajnauec na lqo'itaxanqachic quená'maq huelec najo, ca' taigue da Tesalónica. Chaqai so Crescente taigue da Galacia, chaqai so Tito taigue da Dalmacia.

Hebreos 11:8

Ma' 'uo' da lpi'ỹaxac so Abraham, ca na'xaỹaxanto' na' qaroỹaxana quiñi qota'a, ca' eec quepegue' cá'maq shim qoỹaanem quiyim lalamaxaret quiñi qota'a. Ca'e yí'maq neetalec 'laua, qam se ỹa'den cá'maq taỹa'gue.

1 Pedro 1:1

Aỹim Pedro, aỹim lelaatec so Jesucristo, shiriñi anajo ilaata, selata ná'ogue ná'maq neuagaxatetac, ná'maq sqai neetalgoto nauá'maq lalamaxarete' la'aate', ta'ta'a quiyim neetalgoto yaua 'lauari Ponto, Galacia, Capadocia, Asia, chaqai yi Bitinia,

Apocalipsis 1:11

Ca 'naac caỹim: —Ỹim ná'maq ỹim 'auaxaic chaqai spa'aatec, shintam aca la'auaxana na nerqaipi, chaqai aca pa'aatec. 'Chirelec maca lere dá'maq huañita. Ime, ca' lachitalo naua siete 'lauari neetalec ná'maq mashic icoñiguit da na'qaatec quiyi 'laua Asia: neralec yi Efeso, Esmirna, Pérgamo, Tiatira, Sardis, Filadelfia, chaqai yi Laodicea.

Apocalipsis 1:4

Aỹim Juan, selatalo ana ỹerecse naua siete 'lauari neetalgoto ná'maq mashic icoñiguit da na'qaatec quená'maq neetalec yi 'laua Asia. Qamiri ỹaqaỹaripi, sahotaque quiyim coñiguit da qouagaxa chaqai da na'maxa chicqo'ot ñi qota'a, ñí'maq chaqai'en 'ue, ñí'maq chaqai'eno' 'ue quen, chaqai ñí'maq sqaica lqodoc quiyim 'ue. Chaqai chicqo'ot na siete nelaatqaipi se re'xogui reloqotau'a yi nqa'xanqa' ñi'maxare.