Hechos 16:1 - La'qaatqa ñi qota'olec Qota'olec & Qota'olec Novita Na Qomyipi

¹ So Pablo chaqai so Silas co'na' ỹovijta yaua na'aate' Derbe chaqai yi Listra, ca iuanterelco' so huelec ñi qara'gaxala', leenaxat Timoteo, llaalec aso 'aalo judío lase qai'neeta huelec ñi qara'gaxala', qam so leta'a griego le'ec.

Hechos 16:1 Iomraidhean Croise

Esdras 9:2

Ma' na Israel laseripi chaqai na llaalqaipi o'ñiguit na llaallipi so ỹoqa'a qomyipi, ca só'maq lalamaxareteripi ñi qota'olec ỹalliguiguit na ỹoqa'a qomyipi. Ca ná'maq 'au ỹo'uet da nasauaxaset chaqaina ná'maq na'gaxalateripi chaqai na nashillipi.

Hechos 14:1

Quiyi Iconio so Pablo chaqai so Bernabé niỹaresaho, inoxondougui añi lapoxoqui na judioipi, ca na' ỹaatqajam retaxahi', ca 'xoic so icoñiguit da na'qaatec quena judío chaqai quená'maq mesqai judío.

Hechos 14:21

Ca co'na' ime ỹa'xatesac da nca'laxa quiyi Derbe, ca' 'xoic so laueguegue' hua'anyi ỹacoñiguit da na'qaatec. Ca piltegue da Listra, da Iconio, chaqai da Antioquía.

Hechos 14:6

Qam so Pablo chaqai so Bernabé, co'na' ỹa'deene' dajo, ca' nanalochaxane', taategue da na'a' Listra chaqai da Derbe, hueraugui yi Licaonia, chaqai naua'que naua lahil yi 'laua.

Hechos 17:14

Qam so nqaỹaripi chaqa'ma' ila' so Pablo quiyim quepegue' ca lqodoc aso huaaxai. Qaisauate' saua Silas chaqai so Timoteo no'ueendañi quiyi Berea.

Hechos 18:5

Co'na' novite' saua Silas chaqai so Timoteo, chicqora'gue da Macedonia, ca' so Pablo ỹalamqajlec da la'qaataxanaxac, ỹa'xateta'pe naua la'qaatqa ñi qota'a, ỹaatqajam ichoxotetapeguem na judioipi quiyim chaqaiso so Jesús so nashi nca'laxaqui só'maq na judioipi nauaantaque.

Hechos 19:22

Ca ilajtegue da Macedonia saua dos lotaua', Timoteo chaqai so Erasto, ma' so'maxare ñaq ỹa'vii na'xata' neeta'ñi yi Asia.

Romanos 16:21

Ilatalo qamiri da liquinaxanaxac ñi Timoteo ỹotaua queda qaro'ueenatec, chaqai qai'neeta nauá'maq chi iuo' lase' Lucio, Jasón chaqai Sosípater.

1 Corintios 16:10

Ca no'm ỹovitalo qamiri ca Timoteo, nquipichiỹa'pegue' quiyim ỹa'maqachiguiñi nqai'ñii quiyim neetauguilo qamiri. Qaica ca huapigui lauel nqai'ñii, ma' ca'maxare qai'neeta ro'ueenataxantac queda lo'ueenataxanaxac so qara'gaxala', 'nejem aỹim.

1 Corintios 4:17

Vichiguiño' selatalo qamiri ca Timoteo shinta'gue ca ỹaalec, ma' ỹim chicqochigui quiyim queetalec so qara'gaxala'. So'maxare no'uenaxanaxanque qamiri da ỹicyaxac ma' seuelec so Cristo, dá'maq sapaxaguinataxanta'pegue quená'ogue na no'ueenaxanaxaquiripi ná'maq neesalec naua 'lauari.

1 Corintios 7:14

Ma' no'm cá'maq ỹale saqa' icoñiguit da na'qaatec, qam qaỹa'maxarenta quiñi qota'a, ma' mashic ncoñira'guit aca loua mashic icoñiguit da na'qaatec. Chaqai aca 'aalo no'm saqa' icoñiguit da na'qaatec, qam qaỹa'maxarenta quiñi qota'a, ma' mashic ncoñira'guit ca loua mashic icoñiguit da na'qaatec. Qam no'm mesqaida, ca caua qachaalaxahi 'nejme' quet ca llaalqa ca saqa' icoñiguit da na'qaatec. Qalaxam nagui chaqaida dá'maq quiyim qaỹa'maxarente' quiñi qota'a.

2 Corintios 1:1

Aỹim Pablo, ma' ỹimo' loỹaxanaxat ñi qota'a, ỹauaaque quiyim aỹim lelaatec so Jesucristo. Nagui iỹaatac ñi qarqaỹa Timoteo. Ca' nagui, ca' selatalo qamiri ana ỹerecse, qamiri ỹaqaỹaripi, ma' mashic viilec ñi qota'a, ñiita'ñi na na'a' lodegaxat Corinto, chaqai ná'ogue ná'maq lalamaxaret ñi qota'a quená'ogue ná'maq neetalec yi 'laua, leenaxat Acaya.

2 Corintios 1:19

Ma' só'maq llaalec ñi qota'a, leenaxat Cristo Jesús, só'maq sa'xatqatac caqamiri quesaua iỹa' Silvano chaqai so Timoteo, se ỹauanapega quiyim 'naac hua', ca' ncopaata lotqai 'naac 'e'. Ma' dajo na'qaatec chicqo'ot so Cristo, da'maxare ỹaatqajam lliqueta.

Filipenses 1:1

Ỹim Pablo chaqai Timoteo qomi' lelaatqa so Jesucristo, seraxañi ana qarelaata, tai'a nqaishinaq ná'ogue na qarqaỹaripi chaqai na la'gaxalateripi chaqai ná'maq lotauaripi quená'maq neeta'ñi na na'a' lodegaxat Filipos, ná'maq lalamaxareteripi ñi qota'a chaqai na'deetau'a so Cristo Jesús.

Filipenses 2:19

No'm chaqaiso so qara'gaxala' Jesús ỹa'maxarenta, ca' sahotaque sqaỹaloq sela' ñi Timoteo quiyim ra'ajnaxanalo qamiri, qaiyi 'ue ca ñitoonaxac ma' 'ue ca ỹa'xaỹaxac caqamiri.

Colosenses 1:1

Aỹim Pablo, da ñilaataxac chicqo'ot ñi qota'a quiyim ỹauaaque aỹim lelaatec so Jesucristo. Iỹaatac ñi qarqaỹa Timoteo.

1 Tesalonicenses 1:1

Aỹim Pablo chaqai Silvano chaqai Timoteo selatalo qamiri ana ilaata na qarqaỹaripi quená'maq mashic icoñiguit da na'qaatec neeta'ñi na na'a' Tesalónica, ná'maq na'deetau'a ñi qota'olec chaqai so qara'gaxala' Jesucristo. Ma' sahotaque quiyim coñiguit da qouagaxa chaqai da na'maxa chicqo'ot ñi qota'olec chaqai so qara'gaxala' Jesucristo.

1 Tesalonicenses 3:2

Ca' selaraq so qarqaỹa Timoteo quiyim ra'ỹa'alo qamiri. Ma' so'maxare lelaatec ñi qota'a chaqai qaro'ueenataxanaxaua na' sa'xataq da na'qaataxac so Cristo, ma' so'maxare ishit quiyim ra'ñaxachii chaqai quiyim i'taxajñi ca rpi'ỹaxaguii,

1 Tesalonicenses 3:6

Qam nagui mashic novi' ñi Timoteo chicqa'gue na Tesalónica, ca' noviraxatalo qomi' da lo'yaxanec qara'xaỹaxac queda rpi'ỹaxaguii chaqai da ne'xorenataxanaxa hueeto'oto qamiri. Chaqai ra'qaataxanalo qomi' quiyim 'xoico' quen da ro'leentaxahi coqomi', chaqai 'xoic da rishoxohi quiyim liỹa ñauanaqto qamiri. Chaqai qomi' qai'neeta 'ue da qarishoxo quiyim ñauanaqto qamiri.

2 Tesalonicenses 1:1

Aỹim Pablo chaqai Silvano chaqai Timoteo, ca' nagui qamiri ỹaqaỹa' selatalo qamiri ana lere ma' mashic coñiguit da na'qaatec ñiita'ñi na na'a' Tesalónica. Ma' qamiri mashic na'yiitau'a ñi qota'olec chaqai so qara'gaxala' Jesucristo.

1 Timoteo 1:18

Timoteo, ma' qami' ỹaalec, ca saanem qami' da ỹaqataxac, qaiyi loquirelec yí'maq no'uen queda rpi'ỹaxaqui' chaqai qaica canchaqaica quedá'maq 'ñiite'. Pacqajñiterelco' ma'le da na'qaatec caqami' chicqaugui na'le na la'qaataxanqajanqaipi ñi qota'a.

1 Timoteo 1:2

Qami' Timoteo, 'nejem quiyim qami' ỹaalec, ma' ỹim chigoqchiro'ot da rpi'ỹaxaqui'. Selata qami' ana ỹerecse, ma' yishiitaque quiyim coñichiguit ca qouagaxa, chaqai ca ne'xorenataxanaxa, chaqai da neuagaxa chicqo'ot ñi qota'olec chaqai so qara'gaxala' Cristo Jesús.

2 Timoteo 1:2

Ma' qami' ỹauochaxat ỹaalec Timoteo, selata qami' anajo ỹerecse, ma' sahotaque quiyim coñichiguit ca qouagaxa, chaqai ca ne'xorenataxanaxa, chaqai ca na'maxa chicqo'ot ñi qota'olec chaqai ñi qara'gaxala' Jesucristo.

2 Timoteo 1:5

Chaqai quena' so'leente'te dá'maq 'maxaraic rpi'ỹaxaqui'. Dajo no'uen npi'ỹaxac 'aue'tot aso rcomeena'e' Loida chaqai aso qachii'i' Eunice, ca' nagui sa'deenta quiyim hueeto'ot qami' qai'neeta dajo npi'ỹaxac.

2 Timoteo 3:11

queda ñocanaxac chaqai da i'xoric. Chaqai mashic 'yiiñite' dá'ogue dá'maq qohine'tegue aỹim na' senta'ñi yi Antioquía, Iconio chaqai Listra, chaqai da i'xoric quenaua ñocanaxaco. Qam ñi qara'gaxala' nca'laxatec aỹim quená'ogue.

Filemón 1:1

Ỹim Pablo, ỹim ncoñiiteguesec ma' sasouetapigui so Cristo Jesús. Ỹim chaqai ñi Timoteo selata qami' ana ilaata, qami' qanauochaxaua qarqaỹa Filemón ma' qami' qarotaua queda qaro'ueenataxanaxac,

Hebreos 13:23

Ca' sa'qaataxanema qamiri quiyim so qarqaỹa Timoteo mashic shi'gue qaỹosouec. Ca no'm sqaỹaloq novi' quenajo, ca' iỹaatac ma' shicpegueto qamiri.