Hechos 15:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca co'na' so Pablo chaqai so Bernabé ỹovirera'a yi Jerusalén, ca só'maq mashic shi'gue ỹacoñiguit da na'qaatec ỹaatqajam 'ue da lquelolqa' quesaua'maxare, saua na'gaxalate' chaqai saua lelaatqa so Jesús. Ca' so Pablo chaqai so Bernabé ỹa'xate'o' dá'ogue dá'maq ñi qota'olec ỹo'ueeto' quesaua'maxare.

Hechos 15:4 Iomraidhean Croise

Mateo 10:40

Cá'maq icoñi'chiguita qamiri, ca icoñi'chiguit aỹim. Chaqai cá'maq icoñi'chiguit aỹim, ca icoñi'chiguit ñí'maq yila'.

Hechos 11:30

Ca' chaqaida qohine'tegue, ca' qaila' aso napoonecse quecaua na'gaxalate' neesa'ñi yi Judea. Sojo notaanaxanqate ỹodo' so Bernabé chaqai so Saulo.

Hechos 14:27

Ca co'na' ỹovijta yi Antioquía, ca' lapoondeta' ná'maq mashic ỹacoñiguit da na'qaatec. Ca' ỹa'xate' ná'ogue ná'maq ỹo'ueeto' ñi qota'olec quesaua'maxare, chaqai ỹa'xatesac da 'neeto' ñi'maxare co'na' 'ec ỹauate'oga da lpi'ỹaxac na mesqai judío, qaiyi qoyiuelec ñi qara'gaxala'.

Hechos 15:12

Ca' sá'ogue so qomyipi i'maqajlem. Ca qana'xaỹaxantapegalo saua Bernabé chaqai so Pablo, ỹa'xatesac na netanqaipi chaqai na se qaiuanapega, ná'maq ỹo'ueeto' ñi qota'a quedá'maq llicyaxague' saua'maxare, co'na' ỹalequesaugui na mesqai judioipi.

Hechos 15:2

Qam so Pablo chaqai so Bernabé ỹaatqajam noqollictetecto saua'maxare, ỹaatqajam lodegaxat da noqollictaxague'. Vichiguiño' qaỹacona'alo saua Pablo chaqai so Bernabé, chaqai qaỹa'vii saua liỹa' quiyim taategue da Jerusalén, qoyicpegueto saua lelaatqa so Jesús chaqai saua na'gaxalate' queso mashic icoñiguit da na'qaatec quiyi na'a', ca' qaretaqagui dajo.

Hechos 15:22

Ca' saua lelaatqa so Jesús ỹa'maxarente', chaqai saua na'gaxalate', chaqai sá'ogue só'maq mashic icoñiguit da na'qaatec. Ca' qaỹa'vii saua qanca'au'alo quiyim qailate' queda Antioquía, liỹa' so Pablo chaqai so Bernabé. Ca qanca'au'a so Judas, da liỹa leenaxat Barsabás, chaqai so Silas. Sauajo ỹale' na'gaxalate' queso nqaỹaripi.

Hechos 15:3

Ca ilate' saua'maxare só'maq mashic ỹacoñiguit da na'qaatec na'ñi yi Antioquía. Qam co'na' que', ca queeterelec yi 'laua leenaxat Fenicia chaqai Samaria, ỹa'xatesac dá'maq 'neeta quená'maq sqai judío mashic ỹaxanñi da 'auaxaic no'ueenataxac, ca' quelec ñi qota'olec. Ca' so nqaỹaripi ỹaatqajam 'xoico' da netoonaxac co'na' 'ue da la'xaỹaxac.

Hechos 15:6

Ca' quiyi, ca lapoỹato'o' saua lelaatqa so Jesús chaqai saua na'gaxalate' quiyim qaretaqagui dajo.

Hechos 16:4

Ca quená'ogue ná'maq na'aateripi quecá'maq queetetegue, ỹa'xatesapeguem na nqaỹaripi naua lapaxaguinataxanaxaco saua lelaatqa so Jesús chaqai ná'maq na'gaxalateripi na'ñi yi Jerusalén.

Hechos 18:27

Ca co'na' so Apolos ỹahotaque taigue yi 'laua Acaya, ca' so nqaỹaripi sá'ogue ỹa'maxarenta. Ca qaỹa'uo' aso lere tai'a so mashic ỹacoñiguit da na'qaatec na'ñi yi Acaya, qaiyi ỹaatqajam qaidaañi'chiguit so'maxare. Ca co'na' ỹovita yi Acaya, ca' so'maxare ỹaatqajam ỹotauan ná'maq mashic icoñiguit da na'qaatec, ná'maq queda chi lqouagaxa ñi qota'a quiyim huelec ñi'maxare.

Hechos 21:17

Ca na' soviraxaho quiyi Jerusalén, yi qarqaỹaripi netoonta'peguelo qomi'.

Hechos 21:19

Ca' so Pablo sá'ogue niquine'e' so'maxare. Ca ime, ca' ra'qaataxan so'maxare, ỹa'xat ná'ogue na lo'ueenataxanaxac ñi qota'a huaugui na mesqai judioipi.

Romanos 15:18

Ma' se seconejlec cá'maq sa'xat quiyim saqa' ỹo'uet so Cristo ỹachigoxochichigui aỹim, qaiyi ná'maq sqai judioipi ishit na'xaỹaxana ñi qota'a. Qam dajo chicqochiguilo naua ỹa'qaatqa chaqai ná'maq ỹo'ueenataxanaxaquipi,

Romanos 15:7

Ca' vichiguiño' quiñi 'óna icoñi'chiguit ca liỹa, 'nejem so Cristo na' icoñiguita qomi', qaiyi qaimaqachin ñi qota'a.

1 Corintios 15:10

Qam sovira'a dá'maq shintari' nagui, ma' ñi qota'olec 'uo' da lqouagaxa caỹim, ca dá'maq lqouagaxa caỹim se ishit quiyim qaica quet ca ñigui. Ma' ỹim ỹapacauec da ỹo'ueenataxanaxac quesá'ogue so liỹa nelaatqaipi, 'eno'm mesqaỹim, qam chaqaiñi ñí'maq qota'olec quedá'maq chi lqouagaxa, ca' ro'ueenataxantapigui aỹim.

2 Corintios 5:19

Dá'maq qara'qaatec 'neetasa': quiyim so Cristo liỹaatac ñi qota'a na' ỹahotaque qareuaqui'chiguit ñi'maxare quená'ogue na qomyipi, qam ñi'maxare se ra'iitapigui na lasauaxaset na qomyipi. Ca' ỹamaxalgoto qomi' quiyim sichoxotqachigui da leloxoỹaxac dajo na'qaatec quiyim qareuaqui'chiguit ñi qota'a.

2 Corintios 6:1

Ca ma' qomi' lotaua' ñi qota'a queda lo'ueenataxanaxac, ca ñi'xoresenqa'toto qamiri sqa taiguit quiyim se nquipichiỹa'pegue' da lqouagaxa ñi qota'a dá'maq mashic ỹachaxanema qamiri.

Colosenses 4:10

Chaqai ñi Aristarco, ñí'maq ñcoñiitaxaua, ilatalo qamiri da liquinaxanaxac, chaqai qai'neeta ñi Marcos, ñí'maq lqaỹa liỹa ca Bernabé. Chaqai qamiri mashic shi'gue saqatetapegalo quiyim ma' ỹovitalo qamiri ñi Marcos, ca' quelolliỹa.

2 Juan 1:10

No'm 'ue ca ỹovitalo qamiri, qam no'm se ỹodootauo dajo napaxaguinataxanaxac, ca' sqai coñiguit queca ra'aari chaqai se niquiñi'e'.