Hechos 15:3 - La'qaatqa ñi qota'olec Qota'olec & Qota'olec Novita Na Qomyipi

³ Ca ilate' saua'maxare só'maq mashic ỹacoñiguit da na'qaatec na'ñi yi Antioquía. Qam co'na' que', ca queeterelec yi 'laua leenaxat Fenicia chaqai Samaria, ỹa'xatesac dá'maq 'neeta quená'maq sqai judío mashic ỹaxanñi da 'auaxaic no'ueenataxac, ca' quelec ñi qota'olec. Ca' so nqaỹaripi ỹaatqajam 'xoico' da netoonaxac co'na' 'ue da la'xaỹaxac.

Hechos 15:3 Iomraidhean Croise

Lucas 15:32

Qalaxam nagui 'maxaraic quiyim so'ueetaq ca qarqui'ỹaxac quiyim ñitoonqatac. Ma' ñi rqaỹa'e', ñi'maxare mashic tot qaica, qam lot liỹa nca'leuec; ñi'maxare mashic na'laañi, qam mashic sanataxa.”

Hechos 1:15

Ca 'uo' so na'xa'a, co'na' lapoota'ta', ca' so Pedro nachajñi quena lavinñi so nqaỹaripi, 'uo' ca ciento veinte so qomyipi, ca 'naaco':

Hechos 13:48

Ca co'na' 'xaỹa dajo na mesqai judioipi, ca 'xoic da netoonaxac, chaqai sá'ogue 'naac quiyim lo'yaxanec dá'ogue da la'qaatec ñi qara'gaxala', ca sá'ogue huelec só'maq shi'gue qaỹa'maxatetañi quiyim ỹovirau'a da nca'laxa sqaica lqodoc.

Hechos 13:52

Qam ná'maq mashic ỹacoñiguit da na'qaatec ỹaatqajam 'xoic da netoonaxac chaqai no'qaachigui queso Espíritu Santo.

Hechos 14:27

Ca co'na' ỹovijta yi Antioquía, ca' lapoondeta' ná'maq mashic ỹacoñiguit da na'qaatec. Ca' ỹa'xate' ná'ogue ná'maq ỹo'ueeto' ñi qota'olec quesaua'maxare, chaqai ỹa'xatesac da 'neeto' ñi'maxare co'na' 'ec ỹauate'oga da lpi'ỹaxac na mesqai judío, qaiyi qoyiuelec ñi qara'gaxala'.

Hechos 15:1

Ca' quesauajo na'xata' 'vio' saua ỹale' chicqora'ñi yi Judea, ca taategue da Antioquía, ca rapaxaguinataxane' queso mashic icoñiguit da na'qaatec, quiyim quecá'maq ỹahotaque nca'leuec, ca' icoñiguit quiyim qaỹa'ue netanec na loshicmaxa, ỹocanchigui da lelaataxanaxac so Moisés.

Hechos 15:12

Ca' sá'ogue so qomyipi i'maqajlem. Ca qana'xaỹaxantapegalo saua Bernabé chaqai so Pablo, ỹa'xatesac na netanqaipi chaqai na se qaiuanapega, ná'maq ỹo'ueeto' ñi qota'a quedá'maq llicyaxague' saua'maxare, co'na' ỹalequesaugui na mesqai judioipi.

Hechos 15:22

Ca' saua lelaatqa so Jesús ỹa'maxarente', chaqai saua na'gaxalate', chaqai sá'ogue só'maq mashic icoñiguit da na'qaatec. Ca' qaỹa'vii saua qanca'au'alo quiyim qailate' queda Antioquía, liỹa' so Pablo chaqai so Bernabé. Ca qanca'au'a so Judas, da liỹa leenaxat Barsabás, chaqai so Silas. Sauajo ỹale' na'gaxalate' queso nqaỹaripi.

Hechos 15:32

Ma' so Judas chaqai so Silas qai'neeta qota'a la'qaataxanqajanqa, vichiguiño' co'na' qatesapega so nqaỹaripi 'xoic la'ñaaqataxanaxac quenaua la'qaatqa.

Hechos 15:4

Ca co'na' so Pablo chaqai so Bernabé ỹovirera'a yi Jerusalén, ca só'maq mashic shi'gue ỹacoñiguit da na'qaatec ỹaatqajam 'ue da lquelolqa' quesaua'maxare, saua na'gaxalate' chaqai saua lelaatqa so Jesús. Ca' so Pablo chaqai so Bernabé ỹa'xate'o' dá'ogue dá'maq ñi qota'olec ỹo'ueeto' quesaua'maxare.

Hechos 17:15

Ca' saua ncoỹaataxana' queso Pablo ỹoviraqtera'gue yi na'a' Atenas. Ime, ca' pile', qam i'xate' da laqataxac so Pablo, tai'alo saua Silas chaqai so Timoteo quiyim se naỹaloxone', querepegue' so'maxare.

Hechos 20:38

Ca ỹaatqajam 'xoic na lachicoxo, ma' so'maxare 'naaco' quiyim tot liỹa neuañiguit. Ime, ca' qaicoỹarauec, qaỹoviraqta'oga aso qom lahi' huaxaỹaqse.

Hechos 21:5

Qam na' ỹovirerec saua siete na'xata', lotqai qolaq. Ca' so mashic ỹacoñiguit da na'qaatec ná'ogue na 'aallipi chaqai na ñaaqaipioqui' coỹarerauec qomi' queda lahi yi na'a'. Ca' quiyi lqodoc añi huaaxai, ca qomá'ogue sa'daqachiriñi naua qare'cootal, ca ñqouagaxainaq.

Hechos 28:15

Ca cá'maq qarqaỹaripi na'ñi yi Roma mashic 'uo' da la'xaỹaxac coqomi', ca ca'guita qomi' queso nayic, ỹovirera'ñi yi leenaxat Foro de Apio, chaqai quiyi leenaxat Tres Tabernas, ca lotqai ñatenqa'guit so liỹaripi. Ca' na' idaanaugui so Pablo, ca ỹaanshiguim da na'aachic quiñi qota'olec, ca' nqo'neuec da la'ñaxac.

Hechos 8:14

Ca co'na' saua lelaatqa so Jesús neesa'ñi yi Jerusalén co'na' 'ue da la'xaỹaxague' quiyim yi Samaria ỹacoñiguit da na'qaatec na qomyipi, huelec da la'qaatec ñi qota'a, ca' qailate' queda so Pedro chaqai so Juan.

Romanos 15:24

Ma' sahotaque quiyim shiquejlgoto sa'piichalo qamiri ma' saigue da España. Ca' ma' ime somachigui quiyim ñiuañiguita qamiri, sha'apiguito' qamiri yotauañii ma'le quedá'maq ỹicyaxac quedá'maq saỹa'gue.

1 Corintios 16:11

Vichiguiño' 'maxaraic quiyim qaica ca liỹoqa'piguit ca'maxare. Ta'ta'a quiyim otauañii queda llicyaxac, qaiyi qaicanqaida, ma' ỹim ñauaantaque ma' liỹareta'pe caua liỹa' qarqaỹa', qaiyi ñauañiguita.

1 Corintios 16:6

Sqoue sa'vii na'xata' sentauguilo qamiri, loqo'm ná'ogue na no'oomaxa sentauguilo qamiri. Ca ma' ime, ca' qamiri shichii yotauañii caca yinotaxaqui quecá'maq saigue ma'le.

2 Corintios 1:16

Sahotaque shiquejlgoto qamiri na' ñanaỹa'gue na Macedonia, chaqai ma' sopil, ca lotqai liỹa sovire'talo qamiri, qaiyi qamiri yotauañii quiyim sovira'gue dá'maq saỹa'gue Judea.

Tito 3:13

Ỹaatqajam nquipichira'pegue' quiyim tauañi' so Apolos chaqai so Zenas só'maq qoshiilec ca 'ue ca ỹasauaxat. 'Ỹaañima cá'ogue cá'maq ỹouensaque queda llicyaxague', qaiyi qaica ca ỹouene'.