Hechos 14:3 - La'qaatqa ñi qota'olec Qota'olec & Qota'olec Novita Na Qomyipi

³ Ca' quedajo, ca' saua'maxare shi'gom neesa'anyi, se no'chiiralec da la'qaataxanaxague', ma' pi'ira'a ñi qara'gaxala'. Ma' ñi qara'gaxala' ỹachaxan quiyim llic da la'qaataxanaxague' saua'maxare ỹa'xatesac da le'xorenataxanaxa ñi qota'olec, qoỹaanema da lquesaxanaxa quiyim ỹo'ueete' na netanec chaqai na se qaiuanapega.

Hechos 14:3 Iomraidhean Croise

Marcos 16:20

Ca saua'maxare que', ca' ỹa'xate' da na'qaatec chicqaugui da nca'laxa quecanchi ỹovijtegue. Ca' so qara'gaxala' ỹotauanta'pe saua'maxare quiyim ỹaatqajam ipaquichiguilo nqai'ne' naua la'qaatqa, chaqai re'oq nqai'en na netanqaipi se qaiuanapega. Ajá'a, ca' chaqaida 'neeta dajo.

Juan 4:48

Ca' so Jesús 'naaco': —Qamiri sqai viilec no'm sqaica huañiỹa quena netanqaipi chaqai quena se qaiuanapega.

Hechos 13:46

Qam so Pablo chaqai so Bernabé se no'chirelec da letaxaỹaxague', ca 'neraco': —Qam 'eco' paguec la'maxa quiyim sa'auaxanaxe' qamiri quiyim sa'xataq da la'qaatec ñi qota'a ma' qamiri judío lase'; qam sqai coñiguit, chaqai sqa 'maxariñii quiyim viriỹau'a yi nca'laxa sqaica lqodoc, ca' nagui, ca qolaqpegue' na mesqai judioipi.

Hechos 2:22

Qamiri ỹalliripi Israel laseripi, ñaq na'xaỹaxañiỹa dá'maq sa'xat nagui: So Jesús, Nazaret le'ec, ỹaatqajam re'qoota quiyim lelaatec ñi qota'a. Chaqai huañichigui quena' 'ue da ỹo'uet chalego da ne'laxa quená'maq se qaiuanapega, chaqai na netanqaipi. Naua'maxare ỹaatqajam qota'a lo'ueenataxanaxaco, qam qaiyiita ỹo'ueete' so'maxare na' qamiri ỹalequetauguilo. Chaqai mashic qamiri 'yiiñita.

Hechos 20:24

Qam quedajo qaica ca ñqovilga; vire'ta da chi ñachaalataxac qaica ca 'negue nqaishin caỹim. Qaidaata yishiitaque quiyim 'xoic ca ñitoonaxac quiyim somateta da ỹo'ueenataxanaxac, chaqai yipaquejlec da laqataxac nañaañim ñi qara'gaxala' Jesús, quiyim saanec da no'uen na'xaỹaxac queda le'xorenataxanaxa ñi qota'a.

Hechos 20:32

Ca' nagui qamiri ỹaqaỹa', spa'xana'guita qamiri ñi qota'olec chaqai da la'qaatec chicqochigui quiyim sa'deenaq da le'xorenataxanaxa. Ma' ñí 'ue da lquesaxanaxa quiyim ỹa'ñaxate' qamiri, chaqai ỹa'ue ca romari, lliguitaugui ná'ogue ná'maq lalamaxat ñi'maxare.

Hechos 4:31

Ca co'na' ime da nqouagaxainaxague', ca' i'loxol ca neesa'ñi lapoota'ta'. Ca sá'ogue qano'xataxachichigui queso Espíritu Santo. Ca' qaica ca no'chiiraque ỹa'xatesac da la'qaatec ñi qota'olec.

Hechos 5:32

Ca' quedajo seuanqachigui qomi', ca sa'xataq chaqai so Espíritu Santo, só'maq ñi qota'olec ỹaanem ná'maq na'xaỹaxana.

Romanos 1:16

Ca' ỹim se ñayiloxonlec da na'qaataxac so Jesús, ma' da'maxare lquesaxanaxa ñi qota'a, ma' ishit nca'laxatec ná'ogue ná'maq huelec. 'Aueta nqai'en na judioipi, qam qai'neeta ná'maq sqai judioipi.

1 Tesalonicenses 2:2

'Nesa ma' na' seuqata'ñi yi na'a' Filipos ỹaatqajam 'xoic da qanishiuenaxac, chaqai qaỹouaxanta'pe qomi', qam da'maxare mashic shi'gue 'yiiñita. Qam na' ñovitaxalo qamiri, ca' ñi qota'a qarotauan quiyim ra'ñiiguilo nqai'ne' naua qovilli' quiyim sa'xatqatapeguema qamiri dá'maq na'qaatec chicqaugui da nca'laxa chicqo'ot ñi qota'a. 'Eno'm seuqataugui ná'maq 'xoic qanpa'guenaxac.

Hebreos 2:4

Chaqai ñi qota'a qai'neeta 'chichiguiñi nqai'en dajo na'qaatec. Ca ỹa'vii naua netanqa, chaqai ná'maq ỹo'uet da ne'laxa, chaqai 'xoic na ỹo'uet quená'maq se qaiuanapega, chicqochigui nqai'en so Espíritu Santo quiyim ỹaanema qomi' ná'maq ỹoreta'oguit ỹoiquentac quecá'maq 'ne'tegue.