Hechos 14:2 - La'qaatqa ñi qota'olec Qota'olec & Qota'olec Novita Na Qomyipi

² Qam ná'maq judioipi ná'maq sqai huelec so Jesús, ca quigui ná'maq sqai judioipi quiyim qana'yiiñiguilo, ỹahotaque quiyim na'axat na la'deenataxanaxac queso nqaỹaripi.

Hechos 14:2 Iomraidhean Croise

Juan 3:36

Cá'maq huelec so llaalec ñi qota'olec, ca' 'ue da lca'laxa sqaica lqodoc; qam cá'maq sqai huelec so llaalec, ca' sqaica da lca'laxa. Ta'ta'a quiyim hueetalec dá'maq chalego lecaic nouaxanaxaset quiñi qota'olec.

Hechos 1:15

Ca 'uo' so na'xa'a, co'na' lapoota'ta', ca' so Pedro nachajñi quena lavinñi so nqaỹaripi, 'uo' ca ciento veinte so qomyipi, ca 'naaco':

Hechos 13:45

Qam co'na' so judioipi iuane'ta so 'xoic qomyipi, ca se ỹa'maxaren. Ca' quiyi, ca retaqata'guit da la'qaatec so Pablo chaqai qaishiuentac.

Hechos 13:50

Qam na judioipi ná'maq se ỹa'maxaren so Jesús, ca itaxaỹaxanac so 'aallipi 'maxataxaraipi chaqai huelec ñi qota'a, quiyim quepegue' na nashillipi quiyi na'a' quiyim qaỹocana'pe so Pablo chaqai so Bernabé, ỹovireta'a quiyim qaỹo'derauec quiyí'maq hueese'e.

Hechos 14:19

Ca 'vio' saua ỹovirero judío lase' chicqora'gue da Antioquía chaqai da Iconio, ca 'nerapega so qomyipi, ca qainaq quena qa' so Pablo. Ca' co'na' qohintapega mashic ileu, ca qaỹahoglene'ogue da lahi yi na'a'.

Hechos 14:4

Qam so qomyipi quiyi na'a' noỹoota'chi, 'uo' na qoshiiteguelec na judioipi chaqai na liỹa qoshiiteguelgoto saua lelaatqa so Jesús.

Hechos 14:5

Ca ná'maq judioipi chaqai ná'maq sqai judío na'yiiñiguit na nashillipi quiyi na'a', qaỹahotaque quiyim qaishiuene' chaqai qainaxe' quena qa'.

Hechos 17:13

Qam co'na' so judioipi na'ñi yi Tesalónica, ỹa'den quiyim so Pablo hueeta'ñi yi Berea, lotqai ỹa'xatetac da la'qaatec ñi qota'a, ca' que', querepegue' yi Berea. Ca co'na' ỹovijta, sá'ogue so qomyipi ỹasauaxatetecta'.

Hechos 17:5

Qam quedajo so judioipi, só'maq sqai huelec so Jesús, chaqaina ná'maq se iuoten ná'maq huelec so'maxare. Ca 'vio' saua lapoonta' ỹalliripi hualoxonyipi, ná'maq chaqai queeta'peguelo naua nayico, se nqo'ta ro'ueenataxan, chaqaino' na ỹasauaxatetecta' na qom quiyi na'a'. Ca quepegue' yi la'a' ca Jasón, qananaqtapigui, ma' qaimitetapigui saua Pablo chaqai so Silas, qaỹahotaque qanaqachiñi, ca qoỹaanerou'a na qomyipi quiyim ỹoiquena'pe.

Hechos 18:12

Qam quesaua na'xata', na' neetauo quiyim nashi so leenaxat Galión quiyi Acaya, ca' na judioipi lapoỹata' quiyim retaxaỹapigui so Pablo, ca qaỹauega'a yi lo'ueenataxanqa' so nashi quiyim qaimit.

1 Tesalonicenses 2:14

Qamiri ỹaqaỹa', na' qaỹocanta'pe chaqai se qaỹa'maxata'que qamiri quená'maq chi qauori laseripi, dá'maq qohine'tegue qamiri chaqaida dá'maq qohine'tegue ná'maq queeta'pegue' ñi qota'a na'ñi yi Judea ná'maq huelec so Cristo Jesús. Ca na'maxare qai'neeta 'xoic da nocanaxac, qam dajo nocanaxac chicqaugui na chi lauo' laseripi judioipi.