Hechos 13:8 - La'qaatqa ñi qota'olec Qota'olec & Qota'olec Novita Na Qomyipi

⁸ Qam so pi'xonaq 'uo' da liỹa leenaxat Elimas, se ỹaqamaxate' saua'maxare, ma' ỹahotaque quiyim se na'xaỹaxan so nashi.

Hechos 13:8 Iomraidhean Croise

1 Reyes 22:24

Ca co'na'le, ca' so Sedequías só'maq llaalec so Quenaana nqo'neu'a so Micaías, ca' ỹouaxañigui na lashic. Ca 'naaco': —¿Negue' cá'maq taigue ca ne'espíritu ñi qota'olec caỹim quiyim retaqaugui qami'?

Isaías 30:11

Noỹoochiuec quena nayic, ỹoxoiuec queda ỹalamqata qayicyaxaguii, 'neeto' 'aueta'guita qomi' nqai'ñii ñi qota'olec ñí'maq co'teeta quiyi Israel.”

Jeremías 28:1

Ca' chaqaisoota so ñaaxa na' ime' saua tres ñaxari chaqai mashic hueetauguilo saua cinco shiriguiri quiyim neetaho nashi so Sedequías quiyi 'laua Judá, ca' so netaxaỹaxaqui Hananías, so leta'a leenaxat Azur na'ñi yi na'a' Gabaón, ca' 'naapega so Jeremías quiñi no'ueenaxanaxaqui, 'qaata'pe saua netaxaỹaxanqajanqa chaqai sá'ogue so qomyipi, ca 'naac:

Juan 1:41

Ca' so Andrés chaqa'ma' idaanaque so lqaỹa Simón, ca 'naapego': —Mashic sauanaxa ñí'maq qohinac Mesías —qam dajo leloxoỹaxac da neenaxat 'neetasa' Cristo, loqo'm ca qaỹa'xateta'guit nashi nca'laxaqui.

Hechos 13:12

Ca co'na' so nashi ỹauanchigui dajo, ca' huelec, ma' 'xoic da le'laxa queda napaxaguinataxanaxac qaỹa'xatetac so qara'gaxala' Jesús.

Hechos 18:12

Qam quesaua na'xata', na' neetauo quiyim nashi so leenaxat Galión quiyi Acaya, ca' na judioipi lapoỹata' quiyim retaxaỹapigui so Pablo, ca qaỹauega'a yi lo'ueenataxanqa' so nashi quiyim qaimit.

Hechos 19:38

Ma' ñi Demetrio chaqai ná'maq lo'ueenataxanqajanqaipi quiyim 'ue ca se nqo'ta, qam 'ue añi lo'ueenataxanaxaqui ná'maq imit quiyim 'ue ca nasauaxaset. Ca ỹalamaxatau'a cá'maq 'ue ca 'neeta, chaqai quena nashillipi, qaiyi queca 'óna idaanaque cá'maq chi lqoshaaqa'.

Hechos 6:7

Ca' da la'qaatec ñi qota'a lama'xa nqo'neetauec, ca 'xoic na icoñiguit da na'qaatec quiyi Jerusalén. Vire'ta na netaxaỹaxanqajnec quena judío laseripi ỹacoñiguit da na'qaatec quiyim pi'ỹa'a.

Hechos 8:9

Qam 'uo' so ỹale leenaxat Simón. So'maxare shi'co' quen quiyim ro'ueenataxantapega da lpi'xonqaishic quena' hueetau'a yi na'a', ỹayintac so qomyipi quiyi Samaria. Ma' nanequeteguelta' quiyim 'ue nqai'negue.

Hechos 9:36

Ca' quesaua na'xata' 'uo' aso mashic shi'gom ỹacoñiguit da na'qaatec na'ñi yi Jope, leenaxat Tabita. Dajo neenaxat quenaua griego la'qaatqa 'naac: Dorcas (dajo 'naac: qagreta neuec). Aso 'aalo co'na' ñaqa 'ue 'xoic da lotaanaxanaxac, ỹotauantac ná'maq 'ue na louenaxanaxa.

2 Timoteo 3:8

'Nejme' saua 'viiquiaxaiqa Janes chaqai so Jambres npa'guenda'e' so Moisés. Ca' qai'neeta ma'le na qomyipi ỹaatqajam npa'guena'e' dá'maq ỹaatqajam lliqueta leloxoỹaxac. Na'maxare tot ỹalamaq da la'deenataxanaxac chaqai ỹit dá'maq llicyaxac da npi'ỹaxac.