Hechos 13:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca co'na' ỹovijta yi lanatqa' aso qom lahi', leenaxat Salamina. Ca' quiyi, ca tarougui naua lapoxoqui' na judioipi, ca ỹa'xatesac da la'qaatec ñi qota'olec. Ca' so Juan Marcos qai'neeta rotaanaxantac, nauequetecto saua'maxare.

Hechos 13:5 Iomraidhean Croise

1 Reyes 19:21

Ca' so Eliseo queho, ca' icona'alo saua dos ñii'lola, ca ỹalauate'. Ca só'maq qo'paq neetaguilo quena' qaro'ueenataxañiguilo ỹouaxañigui, ca' ỹouen quiyim co'i so la'at. Ca' qui'ỹaxan so qomyipi. Ca na' ime, ca' so'maxare co'uajlec so Elías, ca ro'ueenataxanot. (20.1-43 Yi Siria queu'a yi Samaria yí'maq na'ñi so nashi queda rapiguim, qam so Acab nashi quiyi Israel loxonec so Sirioipi. So netaxaỹaxaqui ỹa'xat quiyim so Acab ileu ma'le sauaxat quiyim nca'laxatetauec so npa'guenaxaua Ben-adad.)

1 Reyes 19:3

Ca' so Elías retan quiyim chalego lecaic dá'maq hueetalec. Chaqai quiyim nca'laxatec dá'maq chi nachaalataxac, ca' eec taigue da Beerseba yí'maq huaugui yi 'laua Judá. Ca' quiyi, ca' po'an so lelaatec.

Éxodo 24:13

Ime, ca' ne'laxashiguim so Moisés, ca taashi'megue aso qa', taashi'ma yí'maq neeta'ñi ñi qota'olec, liỹaatac so lotaua Josué.

Mateo 20:26

Qam caqamiri, ca' sqai 'neeta dajo ma'le. Ta'ta'a quiyim cá'maq ỹahotaque paguec ỹapacauec caqamiri, ca' ca'maxare quelola ná'maq liỹaripi.

Hechos 12:12

Ca' so Pedro ra'deenataxantaco' quedajo, ca' quepegue' yi la'a' aca María, late'e so Juan chaqai qai'neeta leenaxat Marcos, yí'maq neeta'ñi so 'xoic qomyipi lapoota'ta' nqouagaxaintac.

Hechos 12:25

Ca co'na' ỹomate' da lo'ueenategue' so Bernabé chaqai so Saulo, ca pile', chicqora'gue da Jerusalén, nauequesa'pegue' so Juan, só'maq qai'neeta leenaxat Marcos.

Hechos 13:14

Ca co'na' ncopa, ca que', quere'e yi Perge, ca querepegue' yi na'a' Antioquía hueetaugui yi 'laua Pisidia. Ca' quiyi queso na'xa'a co'mataxaqui, ca inoxondougui añi lapoxoqui na judioipi, ca nqa'xañiñi.

Hechos 13:46

Qam so Pablo chaqai so Bernabé se no'chirelec da letaxaỹaxague', ca 'neraco': —Qam 'eco' paguec la'maxa quiyim sa'auaxanaxe' qamiri quiyim sa'xataq da la'qaatec ñi qota'a ma' qamiri judío lase'; qam sqai coñiguit, chaqai sqa 'maxariñii quiyim viriỹau'a yi nca'laxa sqaica lqodoc, ca' nagui, ca qolaqpegue' na mesqai judioipi.

Hechos 14:1

Quiyi Iconio so Pablo chaqai so Bernabé niỹaresaho, inoxondougui añi lapoxoqui na judioipi, ca na' ỹaatqajam retaxahi', ca 'xoic so icoñiguit da na'qaatec quena judío chaqai quená'maq mesqai judío.

Hechos 15:37

Qam so Bernabé ỹahotaque nauequesa'pegue' so Juan Marcos.

Hechos 17:17

Vichiguiño' retaqata'pegue' na judioipi quena' hueetau'a añi lapoxoqui, chaqai qai'neeta quená'maq mesqai judío, ná'maq mashic huelec ñi qota'a. Chaqai quenaua'que naua na'xata' retaqatac cañi nouoxoqui nañigui lavinñi yi na'a' quecanchi natena'guit quiyi'maxare.

Hechos 18:4

Qam so Pablo co'quena' ỹovire'oga yi na'xa'a co'mataxaqui, lotqai eec, quepegue' aca lapoxoqui na judioipi. Ca hua'ñi, ca ra'qaataxantapeguem na judioipi chaqai na sqai judío, ca' icoñiguit nqai'en da na'qaatec.

Hechos 19:22

Ca ilajtegue da Macedonia saua dos lotaua', Timoteo chaqai so Erasto, ma' so'maxare ñaq ỹa'vii na'xata' neeta'ñi yi Asia.

Hechos 19:29

Ca 'uo' da la'aaxa quiyá'ogue yi na'a'. Ca qaiconlgoto saua Gayo chaqai so Aristarco, dos ỹale' Macedonia lase', nauegaxaua' so Pablo. Ca qaỹahoglensau'a ca 'imec cá'maq lapooqo' so qomyipi.

Hechos 19:8

Ca quesaua'que saua tres shiriguiri so Pablo taatapegueu'a añi lapoxoqui na judioipi, ra'qaataxantac, qaica ca ỹouetaque. Chaqai retaqatapougui na qomyipi, ca ishit quiyim na qomyipi huelec da lo'ueenataxanaxac ñi qota'a ma' ỹoiquentac ná'ogue najo.

Hechos 9:20

Ca co'na' ncopa, ca so Saulo lotqai ỹa'xatetac da na'qaatec, hueetau'a ana lapoxoqui na judioipi, ỹa'xatetac so Jesús ỹaatqajam chaqaiso so llaalec ñi qota'olec.

Colosenses 4:10

Chaqai ñi Aristarco, ñí'maq ñcoñiitaxaua, ilatalo qamiri da liquinaxanaxac, chaqai qai'neeta ñi Marcos, ñí'maq lqaỹa liỹa ca Bernabé. Chaqai qamiri mashic shi'gue saqatetapegalo quiyim ma' ỹovitalo qamiri ñi Marcos, ca' quelolliỹa.

2 Timoteo 4:11

Chaqaiñiita ñi Lucas ñaq iỹaatac. Daañiraco' ca Marcos, ca naviquisa'pegue' ma'le, ma' ca'maxare ishit yotauan queda qaro'ueenataxanaxac.