Hechos 13:3 - La'qaatqa ñi qota'olec Qota'olec & Qota'olec Novita Na Qomyipi

³ Ca co'na' ime da nqouagaxainaxac chaqai da nqopaaqachitaxac so qomyipi, ca' qaỹashil-lgoto saua'maxare, ca qailate'.

Hechos 13:3 Iomraidhean Croise

Lucas 2:37

Qam nagui aso'maxare mashic ỹovite' ochenta y cuatro ñaxari quiyim pa'ỹe. Chaqai ỹaatqajam sqai ca'e aso no'ueenaxanaxaqui, ỹo'ueentac ñi qara'gaxala' quenaua na'xatari chaqai naua piri, ỹo'ueetetac da nqouagaxainaxac chaqai nqopaaqachitetac.

Hechos 1:24

Ca' 'neetetegueyi da nqouagaxainaxague': —Qami' qara'gaxala' ma' qami' 'yiiñi' ná'ogue ana ne'taxanata, choxochi' coqomi' cá'maq rca'acshiqui' quenauajo.

Hechos 13:2

Ca 'uo' so na'xa'a co'na' saua'maxare lapoota'ta', qaỹo'ueentac ñi qara'gaxala' chaqai sá'ogue qaica que'e. Ca' so Espíritu Santo 'naaco': —Qaỹoỹoote'ogalo ñaua Bernabé chaqai ñi Saulo, soỹaxanalo, ma' 'ue da sahote'e lo'ueenategue'.

Hechos 13:4

Ca co'na' qailate' queso Espíritu Santo so Bernabé chaqai so Saulo, ca taategue da Seleucia. Ca' quiyi, ca renoterougui aso qom lahi' huaxaỹaqse, querepegue' aso delec, leenaxat Chipre.

Hechos 14:23

Chaqai qai'neeta qaỹa'ue na na'gaxalateripi cana no'ueenaxanaxaquiripi. Ca co'na' ime so qouagaxainaxac chaqai so nqopaaqachitaxac, ca' qoỹaanoto dá'maq qoyiuetaugui letelaxa ñi qara'gaxala', ñí'maq huerelec saua'maxare.

Hechos 14:26

Ca' quiyi, ca renotero, ca taategue da Antioquía, yí'maq hua'ño' na' qoỹaanema da lo'ueenataxanaxague' dá'maq nagui ỹomate'. Chaqai qai'neeta hua'ñi co'na' qoỹaanguita da le'xorenataxanaxa ñi qota'olec.

Hechos 15:40

Qam so Pablo qai'neeta nca'au'a so Silas. Co'na' ime quiyim qoỹaañiguit da le'xorenataxanaxa ñi qara'gaxala', ca' que'.

Hechos 6:6

Co'na'le, ca qaỹaueguero saua'maxare quiyi hueese'e saua Jesús lelaatqa. Ca qanqouagaxainlgoto chaqai qaỹashil-lgoto saua'maxare.

Hechos 9:17

Ca' so Ananías quepegue' ca na'a' neeta'ñi so Saulo. Ca co'na' inoxono, ca ỹashil-lec quenaua lqai'laqate' so'maxare. Ca 'naaco': —Qami' ỹaqaỹa Saulo, ñí'maq qara'gaxala' Jesús, ñí'maq nachaxano' qami' na' naquisa'gue na nayic, chaqaiñi ñí'maq nelata ỹim aqami', qaiyi liỹa neuañiriñi chaqai qami' no'qaachigui nqohin ma'le queca Espíritu Santo.

Romanos 10:15

¿Negue' quet cá'maq 'neeta quiyim ỹa'xat quet da na'qaatec, no'm se qaila'? Ma' dá'maq 'nerac naua naneresañi la'qaatqa ñi qota'a: “¡Ỹaatqajam lo'yaxanec da loviraxac ná'maq ỹodootegueri' da na'qaatec chicqaugui da na'maxa, chaqai cá'maq ỹa'xatetac da no'uen na'qaatec!”

1 Timoteo 4:14

Ỹaatqajam quirelec 'viichi' dá'maq lo'ueenataxanaxac dá'maq qoỹaañiraxarom quiñi qota'a na' saua la'gaxalate' ná'maq icoñiguit da na'qaatec queda llilnataxanaxac ñi qota'a quiyim ỹashil-lec qami'.

1 Timoteo 5:22

Mesqai chaqa'ma' coñira'a cá'maq viraque la'gaxala' ná'maq mashic icoñiguit da na'qaatec, 'neeto' lliquirau'a ca lasauaxaset ca liỹa. Ỹaatqajam richilliralta' quená'ogue na se ỹa'maxañi.

2 Timoteo 1:6

Vichiguiño' nagui saqata qami' quiyim nelouec nqai'ñi' da lo'ueenataxanaxac ñi lame ñi qota'a queca na' sashil-lec qami'.

2 Timoteo 2:2

Dá'maq ỹaatqajam 'qa'ichirigui caỹim quiyim shinac, chaqai 'xoic na 'qaachigui quena liỹa qomyipi, ca' chaqaida dá'maq pataqairelec ná'maq qomyipi quiyim piichira'a ỹapaxaguin ca liỹa.

3 Juan 1:6

Ma' na'maxare ra'qaataxantapeguem ná'ogue ná'maq mashic icoñiguit da na'qaatec quená'maq senta'ñi, ỹa'xatetac da re'xorenataxanaxa'e' quena'maxare. Ca' qouaquiric tauañi' quecá'maq ỹouentaque, qaiyi liỹa quelec dá'maq llicyaxac. Qam quedá'maq 'ñiitetegue, ca' ỹa'maxarenta ñi qota'a.

3 Juan 1:8

Vichiguiño' qomi' ñomatqalta' quiyim sotauanaq na'maxare, quiyim sotauanaq queda la'qaataxanaxac quiyim ỹa'xate' da na'qaatec ỹaatqajam lliqueta.