Hechos 13:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca co'na' so nashi ỹauanchigui dajo, ca' huelec, ma' 'xoic da le'laxa queda napaxaguinataxanaxac qaỹa'xatetac so qara'gaxala' Jesús.

Hechos 13:12 Iomraidhean Croise

Mateo 27:54

Ca co'na' so lashi so nouaataxanaq chaqai sauá'maq liỹa' reloqosa'a so Jesús, co'na' iuanchigui i'loxol na 'laua chaqai ná'maq liỹa 'uo' na'le, ca 'xoico' da lqolonqa'. Ca 'neraco': —Ỹaatqajam llic ñijo ỹale ỹaatqajam llaalec ñi qota'olec.

Lucas 4:22

Ca sá'ogue imaqachintac so Jesús chaqai qai'laqatapegalo naua la'qaatqa ỹaatqajam lo'yaxanqa. Ca nenatetecta' so qomyipi, 'naac: —Dajo, ¿mesqaido' da llaalec ca José?

Lucas 7:16

Ca co'na' qaỹauanchigui dajo, ca sá'ogue so qomyipi ỹaatqajam 'uo' da lqolonaxa. Ca imaqachintac ñi qota'a, 'naaco': —'Uo' so chalego lecaic so la'qaataxanqajnec ñi qota'a chicqochiguinguilo qomi'. Chaqai qohine'tegueyi da na'qaatec: —Ñi qota'olec novi', ỹahotaque quiyim ỹotauan ná'maq lalamqateripi.

Juan 7:46

Ca' saua nouaataxanaq lase' 'neraco': —¡Quena' retaqa so ỹale, qaica qom 'nejme' naua la'qaatqa!

Hechos 13:48

Ca co'na' 'xaỹa dajo na mesqai judioipi, ca 'xoic da netoonaxac, chaqai sá'ogue 'naac quiyim lo'yaxanec dá'ogue da la'qaatec ñi qara'gaxala', ca sá'ogue huelec só'maq shi'gue qaỹa'maxatetañi quiyim ỹovirau'a da nca'laxa sqaica lqodoc.

Hechos 13:49

Ca chaqaido' da 'neeta quiyim qaỹa'xate' naua la'qaatqa so qara'gaxala' quiyá'ogue yi 'laua.

Hechos 13:7

Sojo pi'xonaq neeto'ot so nashi, leenaxat Sergio Paulo. Sojo ỹale ỹaatqajam 'deenaxanqachaqaic. Ca' sojo nashi relaataxan quiyim qaroỹaxane'ogalo saua Bernabé chaqai so Saulo, ma' ỹahotaque na'xaỹaxana ca la'qaatec ñi qota'a.

Hechos 13:8

Qam so pi'xonaq 'uo' da liỹa leenaxat Elimas, se ỹaqamaxate' saua'maxare, ma' ỹahotaque quiyim se na'xaỹaxan so nashi.

Hechos 15:35

Qai'neeta so Pablo chaqai so Bernabé no'ueendañi quiyi Antioquía, queesalec da lapaxaguinataxanaxague', ỹa'xatesac da la'qaatec so qara'gaxala' Jesús. Chaqai 'xoic so liỹaripi rapaxaguinataxantac.

Hechos 15:36

Ca co'na' shi'gom, ca 'uo' so na'xa'a, ca' so Pablo 'naapego' so Bernabé: —Qolaq, liỹa qolaqpegue' na qarqaỹaripi, ná'maq mashic ỹacoñiguit da na'qaatec quená'ogue na na'aateripi, ná'maq mashic shi'gue sapaxaguinaxague da la'qaatec ñi qara'gaxala', qaiyi sa'deenaq negue' cá'maq 'neeta.

Hechos 18:12

Qam quesaua na'xata', na' neetauo quiyim nashi so leenaxat Galión quiyi Acaya, ca' na judioipi lapoỹata' quiyim retaxaỹapigui so Pablo, ca qaỹauega'a yi lo'ueenataxanqa' so nashi quiyim qaimit.

Hechos 19:10

Ca' quiyi chaqa'ma' eec, chi ỹovirete' dos ñaxari, ca sá'ogue so qomyipi na'ñi yi Asia 'xaỹa da la'qaatec ñi qara'gaxala' Jesús, ná'ogue na judío chaqai na sqai judío.

Hechos 19:20

'Eda da 'neeto' da na'qaatec queso qara'gaxala', ca lama'xa nqo'neetauec chaqai re'qoota da lquesaxanaxa.

Hechos 19:38

Ma' ñi Demetrio chaqai ná'maq lo'ueenataxanqajanqaipi quiyim 'ue ca se nqo'ta, qam 'ue añi lo'ueenataxanaxaqui ná'maq imit quiyim 'ue ca nasauaxaset. Ca ỹalamaxatau'a cá'maq 'ue ca 'neeta, chaqai quena nashillipi, qaiyi queca 'óna idaanaque cá'maq chi lqoshaaqa'.

Hechos 19:7

Ca' quesá'ogue 'uo' ca doce ỹalliripi.

Hechos 28:7

Ca' quiyi seuqate'e sqoỹoqapigui saua la'aate' so nashi leenaxat Publio, só'maq idaaneguelec ada delec. Ca na' soviraxau'a yi la'a', ỹaatqajam quelolalo qomi' quesaua'que saua tres na'xata' senqata'anyi.

Hechos 6:10

Qam qaica ca lligo, ma' so'maxare quena' retaqa, da la'deenaxanaxa ỹachigoqto'ot so Espíritu Santo.

Hechos 8:25

Co'na' ime ca la'qaataxanaxague' saua lelaatqa so Jesús, chaqai quiyim ỹa'xatesac da la'qaatec ñi qota'a, ca' lotqai ỹa'xatesac da no'uen na'xaỹaxac quiyim so Jesús ca'laqataxan, queesagui naua na'aaterolqai' hueraugui yi 'laua Samaria. Ca co'na' ime, ca' pile' queda Jerusalén.