Hechos 13:1 - La'qaatqa ñi qota'olec Qota'olec & Qota'olec Novita Na Qomyipi

¹ Quená'maq mashic ỹacoñiguit da na'qaatec neeta'ñi yi na'a' Antioquía mashic 'uo' na qota'a letaxaỹaxaqui chaqai na napaxaguinataxanaq. Quesaua'maxare 'uo' so leenaxat Bernabé, chaqai so Simón (na'aamataxat Hueraic) chaqai so Lucio, Cirene le'ec, Manaén (naquetashi'me' nauegaxaua so Herodes só'maq nashi quiyi Galilea) chaqai so Saulo.

Hechos 13:1 Iomraidhean Croise

Mateo 27:32

Ca co'na' mashic inoxondec, que', ca natenda'guit so ỹale na'gue da Cirene, leenaxat Simón. Ca' qohinapega quiyim i'xat so npatenaxala' so Jesús.

Lucas 3:1

Ca co'na' ỹovite' quince ñaxari da lo'ueenataxanaxac só'maq ỹaatqajam lashi na nashillipi leenaxat Tiberio, qam so Poncio Pilato reloqota'a yi Judea, ca' so Herodes reloqota'a yi Galilea, chaqai so lqaỹa Felipe lotqai reloqota'a yi Iturea chaqai Traconite, chaqai so Lisanias lotqai reloqota'a yi Abilinia.

Hechos 11:30

Ca' chaqaida qohine'tegue, ca' qaila' aso napoonecse quecaua na'gaxalate' neesa'ñi yi Judea. Sojo notaanaxanqate ỹodo' so Bernabé chaqai so Saulo.

Hechos 12:25

Ca co'na' ỹomate' da lo'ueenategue' so Bernabé chaqai so Saulo, ca pile', chicqora'gue da Jerusalén, nauequesa'pegue' so Juan, só'maq qai'neeta leenaxat Marcos.

Hechos 13:9

Ca' so Saulo chaqai qai'neeta leenaxat Pablo, no'qaachigui queso Espíritu Santo, ca ỹaatqajam ra'i'tot.

Hechos 15:32

Ma' so Judas chaqai so Silas qai'neeta qota'a la'qaataxanqajanqa, vichiguiño' co'na' qatesapega so nqaỹaripi 'xoic la'ñaaqataxanaxac quenaua la'qaatqa.

Hechos 15:35

Qai'neeta so Pablo chaqai so Bernabé no'ueendañi quiyi Antioquía, queesalec da lapaxaguinataxanaxague', ỹa'xatesac da la'qaatec so qara'gaxala' Jesús. Chaqai 'xoic so liỹaripi rapaxaguinataxantac.

Hechos 19:6

Ca co'na' so Pablo ỹashil-lgoto saua'maxare, ca anac so Espíritu Santo, ta'ñiguilo saua'maxare, ca ỹa'xate' naua ỹoqa'alo na'qaatqa, chaqai ỹa'xate' naua chicqoro'ot ñi qota'a na'qaatqa.

Hechos 21:9

So Felipe 'vio' saua cuatro llaale saqa' o'ne'. Saua'maxare ỹa'xaterac na la'xaỹaxague' chicqotacot ñi qota'a.

Hechos 4:36

Ca' 'uo' so ỹale ỹalequetaho, leenaxat José, ne'xaỹoqsoqo' yi delec leenaxat Chipre, so'maxare chicqaugui na lotauaripi na netaxaỹaxanqajanqaipi, llaalqaipi so Leví. Ca' saua nelaatqa ỹahote da dalaxaic leenaxat Bernabé. Dajo neenaxat 'naac: Cá'maq lo'daxachigui na neuel.

Hechos 9:1

Qam ñaqaiso so Saulo queetalec quiyim ỹadentalec ná'maq huelec so qara'gaxala' Jesús. Vichiguiño' quepegue' so lashi na netaxaỹaxanqajanqaipi,

Romanos 16:21

Ilatalo qamiri da liquinaxanaxac ñi Timoteo ỹotaua queda qaro'ueenatec, chaqai qai'neeta nauá'maq chi iuo' lase' Lucio, Jasón chaqai Sosípater.

1 Corintios 11:4

Ca no'm ca ỹale ỹapolec na lqahic quena' nqouagaxain queca no'ueenaxanqa', loqo'm ỹa'xatetac da la'qaatec ñi qota'a, ca ỹahotaque na layiloxo ca lqahic.

1 Corintios 13:2

Chaqai no'm sa'xateta'pe naua la'qaatqa ñi qota'a, chaqai sa'den ná'ogue nanchaqaina se re'xogui, chaqai somata'ta' ná'ogue na na'deenaxanaxa, chaqai queda ipi'ỹaxac mashic ỹovita quiyim seshit ñqo'naxat aca ladocai quemaralec, qam quiyim qaica ca i'xorenataxanaxa, qaiyiita qaica ca shinegue.

1 Corintios 13:8

Da ne'xorenataxanaxa sqaica ca lqodoc. Ca 'uo' ca na'xa'a quiyim tot qaỹa'xate' naua la'qaatqa ñi qota'a, chaqai tot qaỹa'xate' naua se qaiuanapegalo na'qaatqa, chaqai tot qaỹouen da na'deenaxanaxa.

1 Corintios 14:29

Chaqai qai'neeta quiyim 'vii caua ỹa'xate' naua la'qaatqa ñi qota'a, ca retaxahi' caua dos loqo'm caua tres, ca' na liỹaripi retanete' ná'maq ỹa'xatesac caua'maxare.

1 Corintios 14:32

Chaqai ná'maq ỹa'xateta'pe naua la'qaatqa ñi qota'a, 'maxaraic quiyim ỹa'den nollaalta'.

1 Corintios 9:6

Loqo'm ¿'neetapigui qavillii quiyim so Bernabé chaqai aỹim quiyim qoqometa se seshitaq quiyim saxanaxañi da re'qoochigui qaro'ueenataxanaxac, ca qaralamqajlec sa'xataq da na'qaatec?

Gálatas 2:13

Ca só'maq liỹaripi judioipi mashic icoñiguit da na'qaatec que'uegue dá'maq ỹa'deenta se no'uen 'neetari' so Pedro, vire'ta so Bernabé que'uegue dá'maq 'neesari' saua'maxare.

Gálatas 2:9

Vichiguiño' saua Jacobo, Pedro, chaqai so Juan, sauá'maq paguec na'gaxalate', ỹa'deenda'a quiyim chaqaiñi ñi qota'a nañaañim dajo no'ueenataxanaxac. Ca necona'guita na'le qomi', ỹim chaqai so Bernabé. Ca' dajo qaneconaxac netanec quiyim chaqai qomi' niỹa', chaqai qaỹa'maxarenta quiyim qomi' so'ueenataxanaxaugui na mesqai judioipi, ca' saua'maxare, ca ro'ueenataxandougui na judioipi.

Efesios 4:11

Ca' ỹa'ue na ỹaanem quiñi 'óna, 'ue na ỹaanem quiyim lelaatec so'maxare, chaqai 'ue na letaxaỹaxaquiripi nqai'en ñi qota'a, chaqai na liỹa ca' ỹa'xatetac da na'qaatec chicqaugui da nca'laxa, chaqai 'ue ná'maq la'gaxala' ná'maq mashic icoñiguit da na'qaatec, chaqai na napaxaguinataxanaq.

Filipenses 4:22

Ná'ogue ná'maq neeta'ñi najo ná'maq lalamaxareteripi ñi qota'a ila' da liquinaxanaxac, chaqai paguec ná'maq ỹalequetaugui na nalliripi ñí'maq lashi na nashillipi neeta'ñi na Roma.

1 Tesalonicenses 5:20

Se ỹa'maxañi quiyim sqai coñiguit ca la'qaataxanaxac ca mashic qaỹa'qaataxanaxan quiñi qota'a.