Hechos 12:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca' so Pedro coỹarejlec so nelaatec chicqashiguim, qam se ỹa'den quiyim llic loqo'm 'e' dá'maq 'neetari', 'neetapega chi leuanaxanaxac nqohin.

Hechos 12:9 Iomraidhean Croise

Génesis 45:26

Ca co'na' qara'qaataxana so Jacob quiyim so llaalec José ñaqa 'ue nca'leetauec, chaqai chaqaiso só'maq reloqota'a yá'ogue yi 'laua Egipto, ca tot ỹa'den ca 'neeta chaqai qaica ca 'naac, ma' sqai huelec dá'maq qaỹa'xatetac.

Génesis 6:22

Ca' so Noé ỹo'uet ná'ogue ná'maq qailarelec quiñi qota'olec.

Salmos 126:1

Na' qaropilaxata ñi qara'gaxala' qota'olec na qara'a' Sión, ca shinqatapega 'eco' chi se'guemachaqatac.

Juan 2:5

Qam aso'maxare 'naapegalo' sauá'maq quelolta'pe quiyi'maxare: —'Viichii cá'ogue cá'maq 'naac ma'le da'maxare caqamiri.

Hechos 10:17

Ca' so Pedro ñaq ra'deenataxantac negue' ca 'neeto' so lauanaxanaxac, ca ỹovirero quiñi lasom saua ỹale' nelaatqa so Cornelio, renataxansaque ca la'a' so Simón.

Hechos 10:3

'Uo' so na'xa'a mashic rashiiñi aso ra'aasa, ca 'uo' so leuanaxanaxac, iuano' so chicqashiguim qota'a lelaatec inoxonou'a quiyi neeta'ñi. Ca 'naaco': —¡Cornelio!

Hechos 11:5

—Aỹim seueta'ñi na'le yi na'a' Jope, ca ñqouagaxaintac. Ca 'uo' so iuanaxanaxac, seuañi'chiguit so 'ec nepo' lodegaxat nqo'neetañi, chicqo'ot na piguim, naata'ña yi seuete'e, qaicoñireta'ta' naua cuatro lasoguel.

Hechos 12:8

Ca 'naaco' so nelaatec: —Viquiro na nosaataxagui'i', chaqai ñi'riñi caua qapelachichi'. Ca co'na' ime so Pedro, ca lotqai 'naaco' so nelaatec: —Lamiro aca rachima'e', ca coỹachitero caỹim.

Hechos 26:19

Ca' qami' ỹashi Agripa, chaqaida nqaishin ma' chaqa'ma' ña'xaỹaxana so iuanaxanaxac chicqo'ot na piguim.

Hechos 9:10

'Uo' so ỹale shi'gom ỹacoñiguit da na'qaatec neeta'ñi yi Damasco, leenaxat Ananías. Ca chaqaiso' só'maq so qara'gaxala' nachaxana queso leuanaxanaxac, ca 'naapego': —¡Ananías! Ca' so'maxare saato': —¿Negue' ca, qami' ỹa'gaxala'?

Hebreos 11:8

Ma' 'uo' da lpi'ỹaxac so Abraham, ca na'xaỹaxanto' na' qaroỹaxana quiñi qota'a, ca' eec quepegue' cá'maq shim qoỹaanem quiyim lalamaxaret quiñi qota'a. Ca'e yí'maq neetalec 'laua, qam se ỹa'den cá'maq taỹa'gue.