Hechos 12:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca chi re'laqataxanto ỹoviro so chicqashiguim qota'a lelaatec. Ca' ñi ncoñiitaxanaxaqui richiitougui nqai'en. Ca' so nelaatec ipootau'a na lahi so Pedro, ca neloxotec, ca 'naapego': —Chaqa'ma' ne'laxachirishiguim. Ca' saua caréna nalaqachiriñi sauá'maq neetaguilo naua lqai'laqate' so Pedro.

Hechos 12:7 Iomraidhean Croise

1 Reyes 19:5

Ca co'na' ime, ca' nenanñi hue'tot aso qo'paq. Ca' chaqai laqachiguiño', qam 'uo' so novi' piguim le'ec, ca' ỹa'deuo na lahi, ca 'naaco' queso'maxare: —Ne'laxachirishiguim, qui'i'.

1 Reyes 19:7

Qam so nelaatec piguim le'ec lotqai novita, ipootau'a, ca 'naaco' queso'maxare: —Ne'laxachirishiguim, liỹa qui'i'. 'Anta, paguec leseguegue da 'ira'gue.

Salmos 107:14

naqata'alo quiyi chalego napalaxa, ca naqate' saua lequeete'.

Salmos 146:7

Qoshiilec ná'maq se qaỹa'maxata'gue chaqai ỹa'ue ca loq na qopaaxaiquipi. Ñi qara'gaxala' souec nqai'en na ncoñiitecseripi;

Isaías 60:1

Ne'laxachirishiguim, Jerusalén, lepatetagui qami' da nqashilegaxa, ma' novi' ana rcoỹeraxanaxagui'i' chaqai da lauaq ñi qara'gaxala' re'oq hueetalec aqami'.

Ezequiel 43:2

chaqai seuana da lauaq ñi qota'olec quiyi Israel chicqa'gue da lqodoigue. Ca' 'ue so sa'xaỹaque 'xoic lelamaxa, 'ec da lelamaxa ana lachiugue quena' nqo'ñishiguim na huaxaỹaq. Ca' na 'laua re'qojlec.

Daniel 3:28

Ca' quiyi na'le, ca' so nashi Nabucodonosor 'naaco': —¡Qaimaqachin ñi qota'olec ñí'maq lashiilgue' saua Sadrac, Mesac chaqai Abed-nego, ma' nela' so lelaatec piguim le'ec quiyim nca'laxaterec saua qamaxaraqa lelaatqa, quiyim se na'xaỹaxanta ỹim quiyim ỹim nashi! Ca se itene' quiyim qaỹalauate', qam se nqouagaxaintot ca liỹa nashiilec, qaiñiita ñí'maq lashiilgue' qota'olec.

Daniel 6:22

Ñí'maq qota'olec caỹim nela' so lelaatec caỹim, ca' ỹapoguilo naua laapi' na sauaxaic leta'allipi, qaiyi qaica ca 'ne'tegue aỹim, ma' ñi qota'olec ỹa'den quiyim qaica ca sasauaxat quiñi'maxare chaqai caqami', qami' ỹashi.

Mateo 2:13

Ca co'na' mashic ỹoteguelo saua 'deenaxanqachaqaqa, ca' so 'óna lelaatec ñi qara'gaxala' piguim le'ec nachaxana so José co'na' laqata. Ca 'naapego': —Ne'laxachirishiguim, coñitot na noctoqui' chaqai añi late'e. Ca' 'iichi', 'itegue da Egipto. Ca ñiisa'ño'yi, toco' ma' 'ue ca liỹa shinac. Ma' ñi Herodes idaanaque ma'le ñi noctoqui' quiyim ỹalauat.

Lucas 2:9

Ca' chi re'laqataxanta quiyim nachaxan so lelaatec piguim le'ec ñi qara'gaxala'. Ca dá'maq lauaq ñi'maxare ỹaatqajam coỹarelgoto saua'maxare, ca ỹaatqajam 'xoic da lqolonqa'.

Lucas 24:4

Ca' ỹaatqajam 'uo' da lqolonqa' saua'maxare, chaqai se ỹa'deene' ca 'neete', ca idaanda'alo saua dos ỹale' nachaatesañi, huaqata'to saua'maxare, qashilgue' saua loho.

Hechos 10:30

Ca' so Cornelio 'naaco': —Mashic cuatro na'xata' nagui, 'nejem nagui chaqaiyi yi ñiichi'ñi añi ra'aasa quiyim aỹim senta'ñi na ỹa'a', ñqopaaqachitetac, so'ueetetac yi qouagaxainaxac quiyi vit. Ca' queca na'le, ca seuana so ỹale ỹaatqajam qashilgue' saua loho.

Hechos 12:23

Ca' quiyi, ca novi' so chicqashiguim qota'a lelaatec, ỹo'uet quiyim ralola so Herodes, ma' pa'aalec da lecaic ñi qota'olec; ca' ileu, qaichiqueta quena ñilo'.

Hechos 12:6

Ca' queso pe pa'aata'guit so na'xa'a laloqojnec so Herodes quiyim qaỹaueguec so Pedro, qailoxoỹaxañiguit so qomyipi. Ca' laqatam so Pedro, hueetanguilo saua dos nouaataxanaq lase', qaicoñiretam quesaua dos caréna. Chaqai 'vii saua liỹa' nouaataxanaq lase' nauaansac ñi lasom reloqosa'a añi ncoñiitaxanaxaqui.

Hechos 12:8

Ca 'naaco' so nelaatec: —Viquiro na nosaataxagui'i', chaqai ñi'riñi caua qapelachichi'. Ca co'na' ime so Pedro, ca lotqai 'naaco' so nelaatec: —Lamiro aca rachima'e', ca coỹachitero caỹim.

Hechos 16:26

Ca ne'laqataxanchiguiñi quiyim 'ue so nquesaxanaxa lodegaxat, ca' i'loxol nqai'en, vire'ta na pa'aañi cañi ncoñiitaxanaxaqui. Ca' quiyi, ca huachiguilo' naua'que naua lasomi', chaqai souec ná'ogue na lequet na ncoñiitecseripi.

Hechos 2:24

Qam ñi qota'olec lotqai liỹa nca'laxatec, naqata'a no'uenaqte'tegue queda lquesaxanaxa so nelauaxa, ma' so nelauaxa se ishit ỹoiquentac so'maxare.

Hechos 5:19

Qam queca pe so chicqashiguim qota'a lelaatec ỹauachiguilo naua lasomi' aca ncoñiitaxanaxaqui, ca naqata'alo saua'maxare. Ca 'naapegalo:

Hechos 9:3

Qam co'na' ñaqai queeta'gue so nayic, mashic ipalatau'a yi na'a' Damasco, ca ne'laqataxanchiguiñi chicqo'ot na piguim so 'ec ncoỹeraxanaxaqui lauaq quiyí'maq hueete'e so'maxare.

Efesios 5:14

Vichiguiño' da na'qaatec 'naacsa': Ma' qami' ñaqai laqaite', ca' nelo'irec; ne'laxachirishiguim quena leuaxaiquipi, ca' coỹarelec qami' ma'le so Cristo.

Hebreos 1:14

Ná'ogue ná'maq nelaatqaipi piguim laseripi, na'maxare se re'xogui, ro'ueenataxantacot ñi qota'a. Na'maxare nelaatqaipi quiyim ỹotauan ná'maq icoñiguit ma'le ca nca'laxa.

Apocalipsis 18:1

Ca na' ime dajo, ca seuane'ta so liỹa nelaatec chicqotashiguim queda piguim, chalego lquesaxanaxa da lelaataxanaxac. Ca' na 'laua re'qojlec nqai'en queso lauaq.